ISAIAH 24:5 - DAÜLANGPÜ LAIHING (BSI)

⁵ Nanglakthüi ha kahdok sheihtükteke; jomphongi shahkungthü nebang, vanglemthü pungei nedohnetenpü vangpüshuwpü mangtükteke.

ISAIAH 24:5 Referans Kwoze

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

HEBREW 9:1

Shaang shongpü vangpüshuwpü kü khümhen nangkü shahkungnyü nyüke, hatü shennyak laki lingpü khümshing nyüke.

DANIEL 7:25

Büpai Jaipüba Kahvang khüei ehen hatü Jaipüba Kahvangei nanglakthü kü shüveidoideihen. Büpai jomei shahkungnyüthü hatü daülangpü mohitapthü yeiyatükhen khehen, hatü Kahvangei nanglakthü büpalei vanglem phangkü vangbong jem mü hükkeishing nyuhen.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

MIKA 2:10

Paotuh hatü daituh; mehenangkü hapayü nüng nyiumeishing nevai; Mehenangkü meihen neaoki ammei mangi sheihtük, hatü tentükteke.

DANIEL 9:10

hamphongi Shembüpa, hamei Kahvangi büpa chongphopü thibüthü homei ham kü shuohpü shahkungnyü nebang.

EZEKIEL 20:24

mehenangkü jomi ngelei vanglemthü nenotei, shejao ngelei shahkung yaktük hatü Sabbath mangtük, hatü jomei müki chebü chepa amei lajeithü kü veihampeih.

EZEKIEL 20:13

Shejao Israel am phangi jahpanei ngei khüei yaongpeih; jomi ngelei vanglemthü nenotei, shejao ngelei Sabbath longi mangtükpeih; jomi paoh ha düklangmeyü yemmü nyuhen vaipeih. Hahepak kü jahpanei nyushiüng jom men mahtükhen ngei ngelei mongshih khüpeilangei shuohjü hiang shei deihpeih.

JEREMIAH 50:5

Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

ISAIAH 10:6

Kahvang nenyingpü jat hük khüei ngei büpa shomnyeih, ngei mongshihpü nanglak khüei jomei mophimo aetei leihen, hatü chingshong leipü nyaühut kü kei nyeütükhen ngei büpa shomnyeih.

MENVIH KESHO 105:10

büpai ha Jakob kü shahkung hük keiha, Israel am kü nedohnetenpü vangteipü keiha,

MENVIH KESHO 55:5

Nyempü hatü kheüpü ngei kü pei, nyemei jiühitpai ngei mateke.

2 SHÜPPÜKENGPÜ 33:9

Manasseh-i Judah am, hatü Jerusalem am lemnyongei mü; hapa keiha Shembüpai Israel am toueipü changtükpü jatthü mao nemeipüba mang jomi dük.

2 SAMUEL 23:5

Ngelei mong Kahvang mü hapakei nenyupü je? Lemphü kü shüpeikengei, yangei, büpai ngei mü nedohnetenpü vangpüshuwpü nelingangpü je? Büpai ngei napü peü kü betjük nejükhühen je?

JOSHUA 24:25

Hanangkü ha nyih Joshua-i nanglakthü mü vangteishuwteipü ling, hatü Shekhemei büpai shahkungnyüthü lingei shuoh.

SHAHKÜP 32:20

Jom toueipü ngelei dhe lepdaihen shei büpai e, jom mekei dohkahen ngei veihen; Mehenangkü jomphongü nyongdaipü denhivan, hatü hingnelempü hühihathü nyüke.

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

LEVI 20:22

Ngei am müei leihen kahdok kübü am nechangtükhen shingvaishi ngelei shahkungthü düktuh, hatü ngei epü kü mütuh.

DANIEL 9:5

hami mang thahteke hatü nejiüpü düktükteke. Ham ahshi-üng nemei hatü nüng kü khüteke; nüngi kangpü douthü yakphongtü ham lemnyong kü lüdaiteke.

EZEKIEL 37:26

Ngei jom mü chingmeivangmei vangpüshuwpü hük linghen; hapayü nedohnetenpü vangpüshuwpü vaihen; ngei jom kü moihimanhen hatü jom nanglak dahüshehühen, hatü ngelei phopshem düngei jomei kahdokei chonglingei tuhhen.

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

ISAIAH 30:9

Mehenangkü jomü ven lepü nanglak, lupülempü hapeüthü, Shembüpalei nyuhpüvenpü neyahpü hapeüthü.

ISAIAH 33:8

Longteipüthü neshiüi lemnyüshong vüngmaki leidaiteke. Shahkungnyü mangtük, lahteipü peü bentük, üpaiyao hapa kü dhüm neshuoh.

EZEKIEL 16:59

Shembüpa Kahvangi hapakei enyüke: “Ammi dükpü shangshi ngei am kü dükhen; ammi lahtükpü kü ne-ienelem hatü vangpüshuwpü mangtükteke.

LEVI 26:35

Hapa kahdok lavüngtoiyei nyupü thahshi am nyuyang kü chemao nyiunemeipü nyiushemmei hapa kahdoki danghen.

JOSHUA 23:16

Ammi Shembüpa, ammei Kahvangi shuohpü vangteishuwteipü mangtüktü daiyei lebü kahvangthü chongphoei hathü kü khümjema, Shembüpai am khüei mongshih vamhen, hatü büpai am kü shuohpü kahdok kübü lomi mahtükkemhen” shei e.

2 ONGPATHÜ 21:12

Hanangkü Shembüpa, Israel Kahvangi hapakei enyüke: Ngei Jerusalem hatü Judah nyi kü shanghah koei peihen, hatü hapa jung danpai dhaongvang kü nyahhen.

2 ONGPATHÜ 21:15

mehenangkü jomei bühipa Ijip kübü vamei leipü nyih kübü shinnyih thahshi jomi ngei touei mang dük, hatü ngei mongshih vamhüteke” shei Shembüpai eteke.

JEREMIAH 11:10

Ngelei shah nebang-ü shei chebü chepalei mang kü nyokei lüdaiteke. Jomphongü lebü kahvangthü chongphoei lüdaiteke. Israel hatü Judah am shem nyipheni ngei chebü chepathü mü lingpü vangpüshuwpü mangtükteke.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.