ISAIAH 24:23 - DAÜLANGPÜ LAIHING (BSI)

²³ Hahepak kü lennyü manghdaihen, vanghenyü nenyahen; mehenangkü Jeiyong Shembüpai Zion Kahshang, hatü haleipü mübüthü shak kü müknyinshekhangshi vanglem lemhen.

ISAIAH 24:23 Referans Kwoze

ISAIAH 60:19

Hajük kü nyihnüng am shingvaishi vanghenyü, nevaijü yanüng shing lennyü vangngai nenahen; Mehenangkü Shembüpayü nedohnetenpü ammei vangngai, hatü Kahvangü ammei müknyinshekhang vaikahen.

SHAKEI VAMPÜ 21:23

hatü hapa chingnyülei vanghenyü nevaijü lennyü nyahen napü neshiü; mehenangkü Kahvang müknyinshekhangü hapalei vangngai, hatü hapalei awdükü Mi Cheha.

ISAIAH 13:10

Mehenangkü vangsho lithathüi jomei vangngai nekhangphahen; aongpü vanghenyüao manghdaihen; lennyüi laophülei vangngai neshuohhen.

SHAKEI VAMPÜ 22:5

Halei vangnyak lanshei neshiü; jomi awdük vangngai nevaijü vanghe vangngai napü neshiü; mehenangkü Shembüpa Kahvangü jomei vangngai, hatü jom den den kü vanglem lemhen.

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

ISAIAH 30:26

Mechem Shembüpai laophülei nanglakthülei makaw thünghen, hatü büpai ma yahhüpü makaw meihühen; hapa nyih lennyü vanghenyü kei khanghen, hatü vanghenyü-ü nyih nyet helushoei hepü keiha shing nyet nyahen.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

SHAKEI VAMPÜ 19:6

Hapheikü ngei khongnyü longpülei ngeü kei, yungmok ngeü kei, hatü klang vangteng ngeü kei lenei epü ngei hapakei danteke: “Halleluyah! Mehenangkü jenei Shembüpa, Jeiyong Kahvangi vanglem lemnyeih.

SHAKEI VAMPÜ 19:4

Hahepak kü ong uoshingei uopü behethü hapüali hatü yemmü nyupü yemhathü ali-i Kahvang kü aümei shaei khümei eteke: “Amen. Halleluyah!”

SHAKEI VAMPÜ 14:1

Hapheikü ngei veishuohjü Zion Kahshangei Mi Cheha yaongshi nyu, hatü büpa mü jom 144, 000 büpalei men hatü Chepalei men shangba kü nyangpüthü nyuteke.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

JOEL 3:15

Lennyü vanghe yimdaihen, hatü hajük kü lithathü nenyahen.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

DANIEL 7:18

Shejao Jaipüba Kahvangei nanglakthüi hapa ongching yah-ei den dok kü den jom lompü vailanghen.”

ISAIAH 52:7

Phongmokbü hüki kahshangthü homei chingmeivangmei baongei, shahjangmei kotü yemleipü baongei Zion am kü, “Ammei Kahvangü Ongpa” shei peipü la meshük nethe meipa!

MENVIH KESHO 97:1

Shembüpai vanglem lemnyeih! Kahdoknyüi mongongtuh; yungching shübaongthüi mongmeituh!

MÜLANGPÜ 15:21

Mariami jomphong kü hapakei kesho venteke: “Shembüpa kü kesho loktuh; mehenangkü büpai yashanshi aokpü dangteke; Koyei hatü ha kü uopüthü büpai yungchingei hüngtükteke.”

MATHI 6:10

Nüngei ongching peikei. Vangsholei keiha kahdoknyü leiyao nüng mong vaituh.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MATHI 24:29

Hathü shangpongpü nyih peihhinüng vanghenyü manghdaihen, hatü lennyüi vangngai neshuohhen; hatü vangsho leipü lithathü vüdaihen, hatü vangsho nganthü jenhen.

ISAIAH 33:17

Ong hüki nethe meipü kü vanglem lempü, hatü kahdok bahiyang daei daipü ammei müki eehen.

ISAIAH 60:1

Paotuh, Jerusalem, hatü vanghenyü keiha nyatuh, hatü Shembüpalei müknyinshekhang am kü khangnyüke.

ISAIAH 60:20

Hajük kü ammei vanghenyü neshüdaihen, hatü ammei lennyü lenha neyimdaihen; Shembüpayü ammei nedohnetenpü vangngai vaihen, hatü am mongmangpü nyih dohdaihen.

EZEKIEL 48:35

Chingnyü shonpü kü meter haja shü nyuhen. Hapa chingnyü kü shaang mü leitü, “Shembüpa hatouei nyüke” shei nyükhen.

ZEKHARIAH 14:6

Hapa nyih kü, wohongpü nevaijü kaongpüsheüpü meheyao nechongkahen.

ZEKHARIAH 14:7

Nyihnüng nevaijü yanüng shei neshiü, düngei nyihnüng nyukahen; om hepak kao vangngai nyukahen; hapa hepak mechemshang Shembüpai mon nying.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.

OBADIAH 1:21

Yangpüthüi Edom kü vanglem lemhen shingvaishi Zion kahshangei aonghen, hatü ongchingü Shembüpalei nyukahen.