ISAIAH 24:16 - DAÜLANGPÜ LAIHING (BSI)

¹⁶ Kahdoknyü dohpü phileipü “Daülangpü Hük kü müknyinshekhangtuh” shei lokpü hami dannyüke. Shejao, “Ngeiyü jaangteke! ngeiyü jaangteke! Ngeiyü onyükei! Ühingnakaipüthüi ngei yuhahteke!” shei ngei eteke.

ISAIAH 24:16 Referans Kwoze

ISAIAH 21:2

Vongshüh peihen manghkhang hük ngei kü huteke, hapayü lueilemhen hatü mangtükhen nang nyuteke. Elam veshanthü, ching hahtuh! Media veshanthü, ching shümtuh! Babylon ami shuohpü hanghi ngei dohtükhühen.

JEREMIAH 5:11

Mehenangkü Israel hatü Judah am phangü ngei kü lanshei hingnelem shei Shembüpai enyüke.

ISAIAH 33:1

Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

JEREMIAH 3:20

Shejao laophülei baha touei shahhing ne-epü nyüha keiha, nüngi ngei touei hingshangi nenyupeih, Oh Israel am phang shei Shembüpai enyüke.

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!

PHONGSHANTHÜ DOU 13:47

Mehenangkü Shembüpai ham kü hapakei shahkung shuohpeih: ‘Kahdoknyü dohpü ngoishi yemleipü danghühen nangkü ngei amphongü Kung am shingvaishi vangngai hük leihüpeih.’ ”

MARK 13:27

Hahepak kü büpai kahdoknyü vaungjung ali kü kahdok dohpü kübü vangsho dohpü ngoishi büpalei vangsho phongshanthü shomei büpai jelangpüthü thailanghen.”

HABAKKUK 1:3

Mehekei nüngi douten dükpü kü, hatü hanghi kü ngei veihünya? Benpülangpü hatü iy-aongmasha ngei shonei nyüke; dehilao hatü neshetnephen vamei nyüke.

MIKA 5:4

Mechem büpa peihenshang, Shembüpalei wong kü, hatü Shembüpa, büpalei Kahvang müknyinshekhang men kü büpai laophülei mithü haümhen, hatü jom yangei nyuhen; mehenangkü büpa kahdoknyü dohpü ngoishi longpü vaihen,

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

HOSEA 5:7

Jomi Shembüpa kü hingnelem; jomi shonghathü longi bühnyüke, Shaang jomei lenja mo homei jom mü jomei kahthüao omshi mahtükhen.

YOUNG LAI 1:2

Vangnyak kü pinnyüi shahyaki thepnyüke, pinnyülei omdhaong kü mükphi yennyüke. Pinnyülei nyanaü anüng üpaiyao pinnyü nyiushem meihühen neshiü. Pinnyülei mongkhen küphüthüi pinnyü yutük, peü pinnyülei ve leidaiteke.

JEREMIAH 12:6

Nüngei jeihinaü hatü shem ami nüng yuhahteke; Jomi nüng khüei ngeüwong anteke. Jomi nüng jung meishi eküjao nüngi hathü kü hingnelem.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

ISAIAH 52:10

Shembüpai büpalei daülangpü lak jatthü peüei müki eeshi laiteke; hatü kahdoknyü dohpü peüei jenei Kahvang yemleipü eehen.

ISAIAH 48:8

Ammi chemao mangdan, nevaijü mangnying, shelei mebü ammei dhaong kü ha neshü. Am meshük lueilemnya, ha ngei meishi nyingei nyüpeih; Hanangkü am keyü bühhinüng khüei yaongpüam shei nyüknyeih.

ISAIAH 28:5

Hapa nyih Shembüpayü aoei nyupü shennyakthü shingvaishi müknyinshekhangpü chüyük, hatü nethe meipü ong athen vaihen.

ISAIAH 26:15

Nüngi jat longhü, Oh Shembüpa; nüngi jat dahü. Nüngi laophü shing müknyinshekhang dangteke; nüngi kahdok kübü viong dahüteke.

ISAIAH 17:4

“Hapa nyih Jakob amei müknyinshekhang mahdaihen; hatü büm kübü cheü kemdaihen.

ISAIAH 10:16

Hanangkü Jeiyong Shembüpai büpalei veshanthü kü lomohhen din shomhen, hatü büpalei müknyinshekhangi aw bahpükei bah-ei vamhen.

MENVIH KESHO 106:15

Jomi mehe na, büpai ha shuoh, shejao jom kü nyembenüng din shom.

MENVIH KESHO 98:3

Büpai Israel phangkü bampü, hatü shahhing epü deih-ei dangteke. Jenei Kahvangi aokpü dangpü kahdoknyü peüi eeteke.

MENVIH KESHO 67:7

Kahvangi jen kü moihimanphahen, hatü kahdok dohpü thahshi peüi büpa kü nyemhen.

MENVIH KESHO 58:10

Nemeipüthü kü bhüh yempü eetü daülangpüthü mongmeihen; nemeipüthülei iy kü jom kamteihen.

MENVIH KESHO 2:8

Ngei kü yütuh, hatü ngei nüng kü jatli peü mükjüp vaishi shuohhen; kahdoknyü dohpü thahshi nüng lompü vaihen.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

JEREMIAH 12:1

Oh Shembüpa, ngei paoh nüng khüei ngelei nang shah deikülangmeyü, nüng-üng jiüshi chongkahen. Shejao nüng touei shahhing nang shah pheshah. Mehekei mangthüang daeishehünya? Mehekei shahhing ne-epüthü aokpü danghünya?

LEVI 26:39

Ammei vepa kahdokei am hanei yangei nyupüthüao ammei mang hatü ambü ampai thahpü mang nang kü lomohhühen.

MENVIH KESHO 65:8

Nüngi dükpü longpü douthü kü kahdoknyü peü nyemei yaongnyüke; nüngi dhom hi om vamhünyeih, hatü mongongpai lennyüke.

MENVIH KESHO 119:158

Ngei hingnelempüthü kü nelümi veihahnyeih; mehenangkü jomi nüngei shahkungthü nedüknyu.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.

ISAIAH 42:10

Shembüpa kü kesho ja hük lokeishuoh, kahdoknyü dohpü jung ngoishi büpa menvihpü loktuh! Yungchingi ngeü antuh, hatü haleipü yemhamakhathüi, yungkung kahdokthüi hatü halei nyupüthüi menvih kesho loktuh.

HABAKKUK 1:13

Ten kü veihen nüngei mükü ahshi-üng daülangpü nyüke, hatü douten dükpü kü nüngi neveihünyu. Shejema mehekei lawlüppüthü kü nüngi hei-üng veishi nyudainya? hatü nemeipüthüi jom mü nyeinya daülangpüthü lühtükpü kü nenmü veishi nyudainya?

ISAIAH 6:5

Ngei, “Onyükei!” shei lenteke. “Ngeiyü yahlak neshiü! Mehenangkü ngeiyü jubenyeijaang nedaüpü shennyak, hatü ngeiyü jubenyeijaang nedaüpü shennyakthü mü nyunyüpeih; shejao ngelei müki Ongpa, Jeiyong Shembüpa eeteke.”