ISAIAH 24:1 - DAÜLANGPÜ LAIHING (BSI)

¹ Veituh, Shembüpai hapa kahdok yakphonghen, hatü lavüngtoiyei tuhphonghen mon nyüke, hatü büpai kahdok shak mangtükhen, hatü haleipü shennyakthü yantükhen.

ISAIAH 24:1 Referans Kwoze

NAHUM 2:10

Nineveh-ü mahtükteke, yaktükteke, hatü lavüngtoiyei tuhphongteke! Nyempai jomei mong laaidaiteke; nenei wong neshiü, dhe haidaiteke.

ISAIAH 2:19

Shembüpai kahdoknyü jenhühen yaongpü nyih, büpa kü nyemei hatü büpalei müknyinshekhang kü necha-aoki, shennyakthüi nyaiyei yaongsha hatü kahsha yemei daihen.

ISAIAH 42:15

Ngei kahshang hatü shangtaothü lavüngtoiyei tuhphonghen, hatü jomei jahpan vantükhen; Ngei yungnyüthü peü shübaongthü leitükkemhen hatü yungkukthü ütükhen.

ISAIAH 24:20

Kahdoknyü-ü yiüi chokpü am kei tüngtüngmüngi, hatü tapten kei yawteinyüke; hapalei mang hapa shangkü vihyaki nyüke, hatü dohen, hajük kü ne-yei nepao-aokhen.

EZEKIEL 35:14

Mechem kahdoknyü kemei mongonghen, ngei amü lavüngtoiyei tuhphonghen shei Shembüpa Kahvangi enyüke.

EZEKIEL 12:20

Shennyak nyupü chingnyü lavüngtoiyei leidaihen, hatü kahmükao hapakei leidaihen; shejüang ngeiyü Shembüpa shei ammi nyinghen.

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

EZEKIEL 6:6

Melei am nyuhenshang, hapa shingü lavüngtoiyei tuhphonghen, hatü lajeithü bentükhen, shejüang ammei moidüthü bendaitü vüngmaki leidaihen, ammei lajeithü nihtü yaktükhen, ammei ayingshü jakpü moidü peü bentükhen hatü ammei lakdou kemei thitei yaktükhen.

EZEKIEL 5:14

Mih peihpü leipü peüi eeshi am shonei nyupü jatthüi am kü eelahen hatü ngei amü lavüngtoiyei leitükhen.

EZEKIEL 5:2

Mechem chingnyü shümpü dohhenshang, hapa phaihan jem kü hük yah-ei chingnyü mongei jaktuh. Shao aopü kübü phaihan hük yah-ei nüngi chingnyü haolei deiyei dehtuh. Aopü phaihan hük yah-ei vanglük kü domeishuoh, hatü ngei ha pheikü yan noshi changhen.

JEREMIAH 9:16

Jom nevaijü chebü chepai nenyingpü jatthü touei ngei jom haitükhen; jom mangmah thahshi ngei jom pheikü yan shomhen.

ISAIAH 33:9

Kahdok vandai, hatü lavüngtoiyei leidai, Lebanonü veüshi vandaiteke. Sharonü bhih kahdok leidai, Bashan hatü Karmel Kahshang kübü phenlakvungpha peü kaongdaiteke.

ISAIAH 29:16

Ammi douthü kemei shakhimong leitüknyüke! Dük shükbü kü haüm kahdok kü kei noteihen je? Lingpü doui lingbü kü, “Nüngi ngei nelingangpih” shei eaokhen je? Nevaijü dük hüki dük shükbü kü, “Nüngi meheyao nenyingnyu” shei eaokhen je?

ISAIAH 27:10

Penyü showtükpü chingnyü-ü lavüngtoiyei chongkahen, hangku nyushingü yingnyü keiha vüngmaki leidaihen. Halei mohohthüi het hah-ei lemeileyei, haleipü phenha vunglak peü meeklanghen.

ISAIAH 5:6

Ngei hapa shingü lavüngtoiyei yakphonghen, üpaiyao phenha nedakhen nevaijü kah nelinghen, Shejao hapa shingkü hühhihang mon kohhühen; hapa shing kü vang nekeihen ngei phum kü ngeükhüam shuohhen.

MENVIH KESHO 146:9

Shembüpai yenpathü kü veinyeih; büpai hashihha hatü vaümnyüthü kü khüambaknyeih, shejao nemeipü amei lem büpai lomohhünyeih.

NEHEMIAH 1:8

Nüngi nüngei chongphobü Mosa homei, ‘Am hingnelemjema, ngei amphong lebü jatthü touei haitükhen;

2 ONGPATHÜ 21:13

Ngei Samaria khüei shetpü vü, hatü Ahab am shem khüei shetpü lüngi ngei Jerusalem kao shethen. Ngei Jerusalemü shennyak hüki dükhi-üm vaüei thittüktü dhongdhongi haüphongpükei tuhphonghen.

SHAHKÜP 32:26

Ngei jom chemjalak kü mahtükhah shepeih, hatü hangkunyüi nedeihnelehen mü thittükhah shepeih;

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

SHAHKÜP 4:27

Am maani mon tuhphongtü kemei lebü jatthü touei haitükhen.

EZEKIEL 24:11

Hapa dük kong awkhin shangkü haüeishuoh, hatü hapa hakpüh-i leihütuh. Hapheikü mon hapa dük leipü dü hahtüktü daülangi leikahen.

JEREMIAH 40:15

Hapheikü Kareahlei cheha Johanani Mizpahlei Gedaliah touei joei peiyei, “Ngei daiyei Nethaniahlei cheha Ishmael jütükshah, üpaiyao ha nenyingpih. Mehekei büpai nüng jühenang hatü nüng shonei nyupü Hebrew am yanhen hatü Judahlei aoei nyupüthü mahhenang?” shei e.

JAKOB 1:1

Jakob, Kahvang hatü Shembüpa Jisu Khristalei chongphobüi kahdoknyü kemeilei haidaipü jat anpünyi touei selam.

PHONGSHANTHÜ DOU 17:6

Jomi jiji nedangi Jason hatü vaipüthü hanei chingnyü kü vanglem lempüthü touei shüei deiyei, “Kahdoknyü shakhimong leitükpü shennyakthü hatoueiyao peiteke,

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

ISAIAH 13:5

Jom tailu kahmük leipü peikünyüke; vangsho jung dohpü leipü peikünyüke. Hapayü kahdoknyü kemei mahtükhen Shembüpai büpalei mongshih vehok phunglang ow ownyüke.

ISAIAH 13:13

Hanangkü Jeiyong Shembüpai mongshihpü nyih, hatü aw keiha mongshih bahpü nyih ngei vangshothü kheühühen, hatü kahdoknyüao hapa shing leipü jenhühen.

ISAIAH 24:19

Kahdoknyü chemjalak kü mangdaiteke, kahdoknyü bhaodaiteke, kahdoknyü nemei-i jennyüke.

ISAIAH 30:32

Shembüpai büpalei lenshuoh-i jom kü bhei shan ieyei phaam hatü harp ngeü mü vamhen. Kahvangi laophü lomei Assyria am mü hokhen.

ISAIAH 34:2

Mehenangkü Shembüpai jatthü peü kü mongshih-ei nyüke; büpalei mongpuk jomei veshanthü mü nyüke. Büpai jom peü mahtükhen, büpai jom jühen lanei shuohtükhen.

ISAIAH 34:10

Nyakhingai thüngei hapa aw nemethen; haleipü awshit düngei nedoh-i vamhen. Hüdenhalenshi hapayü vüngmaki tuhhen; den den kü üpaiyao hapa homei nelongteihen.

JEREMIAH 51:34

Babylon ongpa Nebukadnezzari ham lühtükpeih, büpai ham ngümtükpeih; büpai ham dük kong kei leitükpeih; Biüi keiha büpai ham lühtükpeih, hatü hamei hetmeiyungma-i büpa shümoh meipeih, hatü büpai ham bhaiyei ngaitükpeih.

NAHUM 1:5

Shembüpa touei kahshangthü jennyeih, hatü shangtaothü nyaüei yendainyeih. Mechem Shembüpa peihenshang, kahdoknyü hatü halei nyupü peü kheünyüpeih.

ISAIAH 29:2

Ngei Ariel kü shangpong yakying koei peihen, halei theppü, hatü youngpü mon nyuhen, hatü Jerusalemü moidülei iy yenei mapükei nyuhen.

ISAIAH 32:12

Nyalingngupai kah kü betjük nejükpü nangkü jaaba kü daüptuh;

EZEKIEL 6:14

Hapheikü ngei jom khüei ngelei lak nohen hatü bhih kahdok kübü Riblah thahshi jom nyushing peü lavüngtoiyei leitükhen. Haphei küang jomi ngeiyü Shembüpa shei nyinghen.

EZEKIEL 7:12

Hepak ngoiteke, nyih yopailei nyüke; shakhahpü amao mongteong nevaijü yupü amao mongtemei; mehenangkü Kahvangei hanghi shennyak peü kü peikahen.

EZEKIEL 7:14

Jomphongi amit vüngtü lemphü temlangmao, üpaiyao vehokei nedaihen; mehenangkü ngelei mongshih peü kü nyuhen.