ISAIAH 23:18 - DAÜLANGPÜ LAIHING (BSI)

¹⁸ Pinnyülei dounyünangba hatü latpü lop kemei Shembüpa kü lanei shuohhen; jomi hapa jaoei netuhhen, shejao Shembüpa chongphopüthü shingvaishi hahying hatü ashakviha shakhen nangkü hapa mop noteihen.

ISAIAH 23:18 Referans Kwoze

MENVIH KESHO 72:10

Tarshish ongthü, hatü shübaongei nyupüthüi büpa kü bom ühhen; Sheba hatü Seba ongthüi thinthothü koei peihen.

GALATIA 6:6

Üami hathü shah nyuhhahnya, hathüi laophülei nyuhbü mü doumei peü hanteihen vongbong.

MÜLANGPÜ 28:36

Daülangpü hon yah-ei ow hük lingtuh, hatü hapayü füoshang kei, “Shembüpa kü Daühünyeih” shei kukei nyangtuh.

PHONGSHANTHÜ DOU 9:39

Hanangkü Peter layaongei jiji mü heih, hatü mechem büpa ngoijapa, jomi büpa jaandokpa dung-amei müei an. Vaümnyüthü büpa touei yaongtü pinnyü jom mü nyushi Dorkas-i thüngshuohpü bhagthuh hatü ashakviha hutü thep.

LUK SHAHSHA APPÜ 12:33

Ammei mopthü yutü taopathü kü shuohtüktuh. Ammi laophü shing chang neleibenüng loptuw linghahtuh, gühpa yopailei nepei, thepi nehahpü vangsholei mechemao nemahnemenhen mop jaotuh.

LUK SHAHSHA APPÜ 8:3

hatü Herodei kheibü Chuzalei chenyüha Joanna, hatü Susanna, hatü lebü longi nyu. Hathü nyühathüi jomi angpü yah-ei Jisu hatü büpalei nanglomthü kü sheühteke.

MARK 3:8

büpai dükpü peü danei Judea, Jerusalem, Idumea, Jordan yungdang leipü hatü Tyre hi Sidon shinpü moidoi leipü khong longi büpa touei pei.

MALAKI 3:10

Ngelei shemei hahying changshi nyuhen shingvaishi ammei ankhong moila peü tuhshingei yah-ei peikei, hatü ammi hapa tuhshing neshiüi manglei thahshi vangsho shaden aptü moihiman bhuh-eilinei yahphahen hi neyahphahen shangkü ngei kü doktuh hatü veituh shei Shembüpa Kahvangi enyüke.

MIKA 4:13

“Paotuh hatü shouptuh, Oh Zion nela; mehenangkü ngei nüng kü nyiamvaung yahphahen. Ngei nüng kü melangnyiam ladok shuohhen, hatü nüngi jatthü longi khih mü mangtükhen.” Jomi iy-aongmashaei dangpü mopthü nüngi kahdoknyü peü shak kü Shembüpa kü shuohtükhen.

CHONGVENBÜ 2:26

Kahvangi büpa monghahhüpü shennyak kü kihikon, nyingpühingpü hatü mongong shuohnyeih, shejao mang shennyakü mop thaiyei yowhen hatü Kahvang monghahhüpü shennyak kü shuohtükhen dousho shuohnyeih. Hapayao angsha, vanglük phei changteipü mon khih.

KANDOK 28:8

Üpai mih-i lupü bheishe hang kü bhüpü longi üei yah-ei shemmei leinya, büpalei mopü taopathü kü bampü shennyakei lakmongei shüdaihen.

KANDOK 13:22

Shennyakmei hüki hüdenhalenshi mükjüp tuhnyüpeih. shejao mangthülei mopü daülangpüthü shing jaopüvaidainyüpeih.

MENVIH KESHO 45:12

Tyre am nela thintho notü nüng touei peikahen; shemmeithüi nüngi bampü yemei peikahen.

MENVIH KESHO 72:11

Ongthü peü büpa touei aümei khümhen, jatthü peüi büpa chongphohen.

EZEKIEL 26:12

Jomi nüngei mophimo aetlanghen, hatü ammei dounyünangba gühlanghen; jomi ammei bhamthü mangtükhen hatü ammei shem meipüthü bentükhen. Ammei yaong, pü hatü kahcheü peü yungei yaktükhen.

ZEKHARIAH 14:14

Judah amao Jerusalem yanghen shingvaishi hokhen. Jomi ngeihpü shonpü jatthülei mophimo– hon, ngin hatü ashakvihathü longi aetei yahhen.

MATHI 25:16

Phaihan haja nga dangpü shennyaki ha yah-ei daiyei bhei leih-ei shao haja nga üei latteke.