ISAIAH 23:13 - DAÜLANGPÜ LAIHING (BSI)

¹³ Babylon amei kahdok kü veihümao, hapayü Assyria ami nevai, Babylon ami Tyre kahdokü phaüyemthü nyuishing leitükpeih; jomi ching shümtü shangdüthü lingpeih, jomi penyüshathü bentüktü chingnyüyü chingkong leitükpeih.

ISAIAH 23:13 Referans Kwoze

PHONGSHANTHÜ DOU 7:4

Hahepak kü büpai Kaldea kahmük tuhtü Haranei heih-ei nyu. Chepa dipheikü Kahvangi büpa hapa kahmük kübü vamei deishihpeih; hapa kü am shaang nyunyüpeih.

HABAKKUK 1:6

Mehenangkü veituh, ngei ahshi-üng mangpü hatü iysham kohpü jat, Babylon am vamhühen; Jomi kahdoknyü bahiyang peülei daiyei mih-ei kahdok kaamlanghen.

DANIEL 4:30

büpai ehahteke, “Veituh, ngei müknyinshekhanghen shingvaishi ngelei wongi lingpü nyangnyangtoptoppü ong chingnyü meshük longpüang?”

EZEKIEL 29:18

“Shennyak ha, Babylon amei ongpa Nebukadnezzari veshanthü müei peiyei Tyre hahteke. Büpai laophülei veshanthü sho kaongshi, hatü bhagchong yungshi hanggo kohütü dai shejao büpa nevaijü büpalei veshanthü üpaiyao hanghiyei Tyre hahpü laklei nedang.

ISAIAH 13:19

Kahvangi noei yaktük shingkü ongchingthü khongkü müknyinshekhangshi nyupü Babylon ami changmeiyei deihpü Babylon chingnyü-ü Sodom hatü Gomorrah kei leidaihen.

ISAIAH 10:7

Shejao hapayü büpai deihshi nyupü nevai, nevaijü hapayü büpalei mongei nyupü nevai; shejao ongpalei mongei jatlithü longi mahtükhen deihshi nyüke.

ISAIAH 10:5

Ngei mongshihpü nyiamlüng, Assyria am onyükei! jomei lakei ngei mongshihpü lüng noshi nyüke!

MENVIH KESHO 72:9

Jahpanei nyupü ami büpa kü aümei khümhen, hatü büpalei vepathüi kahdokei lemhen.

JOB SHAHSHA APPÜ 1:17

Mechem büpa ha shah eyei nyupa, shao lebü hük peiyei, “Kaldea am khong jem vaishi hantü peiyei utthü peü yah-ei lüdaiteke; hatü aathü peü jütükteke; ngei mon nüng kü ha ehen yangpü khih” shei e.

2 SHÜPPÜKENGPÜ 33:11

Hanangkü Shembüpai jom khüei Assyria ongpalei veshan mübüthü shomei Manasseh am khoklatei yepei küp, shong kü nyiamphaaki kentü melangnyiami shatü Babylonei müei dei.

2 ONGPATHÜ 20:12

Hahepak kü Baladanei cheha, Babylon ongpa Merodakh-Baladani Hezekiah ongpa tüngpü danei büpai Hezekiah kü lai hük hatü thintho hük shom.

2 ONGPATHÜ 17:24

Assyria ongpai Babylon, Kuthah, Avva, Hamath hatü Sepharvaim kübü shennyakthü müei deiyei Israel am kü jeiyei uophongteke. Jomi Samaria chingthü kaamei yahtü halei nyu.

KAHBHAO 11:31

Terah-i cheha Abram, chehü Lot, Haranei cheha, hatü cheha Abramei nyüha Sarai müei Babylonia kahdok Ur ching tuhtü Kanan kahdokei layaongei dai, shejao jomphong Haranei nyu.

KAHBHAO 11:28

Haranü büpa bühpü Babylonia kahdok Ur chingei nyushi chepa shekü didai.

KAHBHAO 11:9

Hanangkü hapa kü Babel shei nyük; mehenangkü halei Shembüpai kahdoknyü peüei shah nepongpaüi buktük, hatü Shembüpai kahdok shak peülei jom yantük.

KAHBHAO 2:14

Jempabü yungyenü Tigris; hapai Assyria heongphi kü yennyüke, hatü alipabü yungyenü Euphrates nyüke.

ISAIAH 13:21

Shejao phaüyemthü mon halei nyuhen, hatü haleipü shemthü kemei kü mahuthü maei nyuhen; Halei Ostrikh ou nyuhen; hatü meishiythü phaukteihen.

ISAIAH 18:6

Jomei mahng asha alang phai vaihen, hatü kahdoknyü kübü phaüyemthüi hahhen. Phaü-outhüi shaoyang kemei, hatü phaüyemthüi ünyü yang kemei ha hahhen.

ISAIAH 43:14

Shembüpa, am Yemleibü, Daülangpü Israel Kahvangi hapakei enyüke: “Amphongei men kü ngei Babylonei veshanthü shomei jomei penyüshathü bentükhen, hatü jom nyipüwapü peü theppü youngpü leitükhen.

EZEKIEL 23:23

Babylon hatü Kaldea am, Pekod, Shoa hatü Koa, hatü jom mü Assyria am nethe meipü nethethü, lakchongbüthü, veshan mübüthü, koyei khari lakchongbüthü, laphen shaopü shennyakthü hatü koyeithü peü müei peihen.