ISAIAH 23:1 - DAÜLANGPÜ LAIHING (BSI)

¹ Hapayü Tyre nangkü epü shah: Theptuh, Oh Tarshish am jahas müpüthü, ammei Tyre kahdok jahas yaongshing mangtükteke. Am Cyprus leipü leishingkü hapa shahjang danteke.

ISAIAH 23:1 Referans Kwoze

KAHBHAO 10:4

Javanei hapeüthü: Elishah, Tarshish, Kittim hatü Rodanim.

JEREMIAH 47:4

Mehenangkü Philistia am peü, Tyre hatü Sidon kü sheühhen aoei nyupüthü mahtükhen hepak ngoikünyüke. Shembüpai Philistia am Kaphtor yungkungei nyupüthü mahtükhen yopailei nyüke.

JEREMIAH 25:22

Tyre, hatü Sidon kübü ongthü; yungdang homei yungkung chingthü kübü ongthü;

ISAIAH 2:16

Bhei leihpü Tarshish leipü jahas peü, hatü veinyuhüpü lakdouthü peü khüei nyüpeih.

JEREMIAH 2:10

Cyprus shübaong homei heih-ei veihümao, hatü hanei am Kedarlei shomei dokhümao, hatü henüng keipü dou vamlashang veituh.

ISAIAH 23:12

“Hajük am mongong monglehen napü neshiü, Oh pai mü ngühpü Sidon nelathü sheyü ngümtükteke; Am layaongei Cypruslei heihjao haleiyao nyiumei neshiü” shei büpai eteke.

1 ONGPATHÜ 22:48

Jehoshaphat ongpai Ophir kahdok leipü hon leihen shingvaishi jahas hük halei deishihhen ling, shejao halei neheih-aoki Ezion-Geberlei mangei nyu.

1 ONGPATHÜ 10:22

Hiramei jahas mü yungchingei bhei leih-ei daiteipü ongpalei jahasthü nyuteke. Bong jem kü chem hapa jahasthüi hon, ngin, meinyübha, meishang hatü atüthü koei leihamteke.

DANIEL 11:30

Mehenangkü büpa khüei Kittim leipü jahasthü peihen, hatü büpa nyemei mongmah-ei nyokei leidaihen. Büpa mongshih-ei nyokei leiyei Kahvangei daülangpü vangpüshuwpü khüei dou dükhen. Büpa nyokei leiyei Kahvangei vangpüshuwpü yaktükpüthülei shah yahhen.

EZEKIEL 26:1

Wüpküpei nyupü bong anpühükpabü len shongpü nyih kü Shembüpalei shah ngei touei pei:

JEREMIAH 25:15

Shembüpa, Israel Kahvangi ngei kü ha eteke: “Ngelei lak leipü ngei mongshihpü hapa yiüshong yahtuh, hatü ngei nüng üam jatthü touei shom, hathü kü ha yingeishuoh.

ISAIAH 60:9

Mehenangkü büpai am müknyinshekhanghüpü nangkü, Shembüpa, ammei Kahvang, daülangpü Israel Kahvangei men kü, ammei hapeüthü tailu kahdok leipü, hatü hon hi ngin jom mü kotü tailu kahdok Tarshish leipü jahasthü leikünyüke.

ISAIAH 24:10

Mophicheü chingnyü-ü sheyü mangdai, üpaiyao nesheüh-aokhen mü shem peü küptük.

ISAIAH 15:8

Jomi vaüpü eepü Moab kahdok peü lemei dainyüke. jomi theppüyoungpü Eglaim, hatü Beer-Elim thahshi dainyüke.

MENVIH KESHO 48:7

heong vanglük peishingkü Tarshish leipü jahas nyupükei nyunyüke.

2 SHÜPPÜKENGPÜ 9:21

Hiramei chongphobüthü mü ongpalei jahas Tarshishlei heih; bong jem kü chem Tarshish leipü jahas hon, ngin, meinyübha, meishang hatü yangmei ou yah-ei leihamteke.

1 ONGPATHÜ 5:1

Mechem chepa David kü jeiyei ong vaihen cheha Solomon jeteke shei Tyre ongpa Hirami danpa, büpai laophülei chongphobüthü Solomon touei shom; mehenangkü büpa düngei David mü mongjem pongei nyu.

JOSHUA 19:29

Hapheikü viongü Ramah lemei nyokei leiyei penyü showtükpü Tyre chingnyü ngoishi; hapheikü viongü Hosah lemei nyokei leiyei Mediterranean yungching kü leanshi nyu.

BHEI-IE 24:24

Kittim leipü vepathü jahas kü peikahen; Jomi Assyria hatü Eber am neütükhen, shejao jomao hapakei mahdaihen.”

LUK SHAHSHA APPÜ 10:13

Am Khorazin am onyükei! Am Bethsaida am onyükei! Mehenangkü am kü dükpü ngan dou Tyre hatü Sidon am kü düklangmeyü dhoila ashak ümtü depla nyioei shelei mebü-üng mong lepdaitü nyuhah shepeih.

ISAIAH 23:6

Tarshishlei yanglem yemei nyaituh, theptuh, Oh yungching yungkungei nyupüthü.

EZEKIEL 26:2

Shennyak ha, mehenangkü Tyre ami Jerusalem nangkü, “Aha, jatthü kü showpü penyüsha bendaiteke, hatü hapa shaden ngei kü apei nyüke; sheyü pinnyü-ü mangtükteke, ngei daeisheyei leihen” shei eteke.

EZEKIEL 27:6

Jomi ammei ailüngü Bashan leipü longkhampü yah-ei lingteke, hatü jomi jahas bümü meinyübha mongei shihtü Cyprus leipü awkaongpü yah-ei lingteke.

EZEKIEL 27:30

Jom peü shangjing kü bhihla nyiotü, depla kü lüteiyei am nangkü shahyaki thepnyüke.

JONAH 1:3

Shejao Jonah-i Shembüpa toueipü lükei Tarshish lemei dai. Büpa Joppalei yiüjashingkü Tarshish lemei daihen jahas hük heüteke. Büpai fara shuohtü jahas mongei shü hatü Shembüpa toueipü lükei Tarshish lemei dai.