ISAIAH 22:16 - DAÜLANGPÜ LAIHING (BSI)

¹⁶ Nüngü üpa hih shei deihnya, hatü nüng shing hapa yaongvak shangchingei mahngchong linghen, hatü laophü nyushing yaong vaüpei linghen mehe jiüpü nyüpa?

ISAIAH 22:16 Referans Kwoze

MATHI 27:60

hatü ha yah-ei büpai yaong vaüpei lingpü mahngchong ja kü vüphong. Hapheikü büpai yaongba küpphongtü leidai.

2 SHÜPPÜKENGPÜ 16:14

David chingnyülei büpai thukei linghahpü mahngsha kü jomi büpa vüphong. Jomi vong meipü melivungla shangkü büpalei mahng lemhü hatü büpa kü dhüm huei aw shangshi jak.

2 SAMUEL 18:18

Absalom yemmü nyushi Ongpalei Kahjilei büpai yaong shemnyü hük haongei tuh; mehenangkü büpai, “Ngelei men nedoh-i deihhen shingvaishi hapeü neshiü” shei e. Hanangkü büpai hapa yaong shemnyü kü büpalei men nyükhen eyei tuh, hatü shinnyih thahshi hapa kü “Absalom Yaong” shei nyüknyüke.

JOB SHAHSHA APPÜ 3:14

kahdoknyü kü ongpathü hatü vanglem lempüthü üami laophü shingvaishi ongshemthü ling, jom mü,

MIKA 2:10

Paotuh hatü daituh; mehenangkü hapayü nüng nyiumeishing nevai; Mehenangkü meihen neaoki ammei mangi sheihtük, hatü tentükteke.

ISAIAH 52:5

Hatü shaang ngei hatouei mehe dükhen? shei Shembüpai enyüke. Mehenangkü meheyao shaipü neshiüpü kü ngelei nanglakthü yah-ei lüdaiteke, hatü jomphong shak kü vanglem lempüthüi ne-ienelemnyu, hatü helu shoei ngelei men yaüeilungnyüke” shei Shembüpai enyüke.

ISAIAH 14:18

Kahdoknyü kübü ongthü kemei laophü laophülei veinyuhüpü mahngchongei vüshi nyüke.

KAHBHAO 50:5

Opai ngei kü lahhüpeih, ‘Ngei sheyü didaihen khih. Kanan kahdokei ngei laophü shing laetei lingpü yaongsha mahngchongei ngei vüshih’ shei epeih. Hanangkü shaang ngei opalei mahng vününg aongshah; hapheikü ngei nyokei leikahen” shei e.

ISAIAH 14:19

Shejao nüngü nüngei mahngchongei nevü-i langei yaktükpü pükao keiha yakshi nyüke; Nüngü vehok kü mahpü veshanthülei mangi chetei yahtü, hathü mü kahshalei lakhila-i shuopei yakshi nyüke.

ISAIAH 22:17

Leituh, Shembüpai nüng kü wongmü shümhen, hatü yaktükhen.