ISAIAH 22:12 - DAÜLANGPÜ LAIHING (BSI)

¹² “Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

ISAIAH 22:12 Referans Kwoze

JOEL 2:17

Shembüpa chongphopü ngongpathüi phopshem shakung hatü moidü aa kü theptuh. Jomi, “Oh Shembüpa, nüngei nanglakthü yangtuh” sheiehütuh. Nüngi nüngei nanglakthü kü mih jatthüi ne-ienelemhen mü tetuhphong. Lebü shennyakthüi, “Ammei Kahvang melei nyüpa?” shei mehekei ehühen?

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

MIKA 1:16

Ammi mong hahpü hapeüthü nangkü mongkü tüngei theppai sho chaei kuptüktuh. Am nyingi langdalei shangjing kei shangpaangtüktuh; mehenangkü ammei lak kübü yanei jom wüpküpei daihen.

JAKOB 5:1

Shaang bangtuh, am shemmeithü, am touei peiküpü mongmang nangkü theptuh hatü lentuh.

AMOS 8:10

Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”

JONAH 3:6

Mechem Nineveh ongpai hapa jung danpa, büpai büpalei ong uoshing kübü yaong, ong ow bhühtüktü büpa nyingi dhoila ashak ümtü kübhih kü uoteke.

ISAIAH 15:2

Dibon ami phopshemei hatü vaümchongthülei thepei phophen aongteke; Moab ami Nebo hatü Medeba nangkü sho chaei kuptük, hatü jumum kuptüktü mahng thepnyüke.

CHONGVENBÜ 3:11

Büpai lemphüli hepak vangpan kü jiüshi veinyuhüshi lingei tuhteke. Büpai hangkulei thentoimongdang kü peihdaipü hatü ngoikahen nang nyinghen mongdeih shuohteke, shejao Kahvangi chongpangpü kübü dohpü ngoishi mehe dük, ha kemei yaohen neaokpih.

CHONGVENBÜ 3:4

thephen hepak hük, hatü nyihen hepak hük; mahng thephen hepak hük, hatü phaukteihen hepak hük;

JOB SHAHSHA APPÜ 1:20

Hahepak kü Job yaong hatü büpalei ashak shaaktük, sho chaei kuptük hatü kahdokei aümei shaei khüm,

NEHEMIAH 9:9

Hamei bühipa Ijiplei shangpongpü nüngi ee, hatü jomi Hakla Yungchingei theppüyoungpü nüngi dan.

EZRA 9:3

Ngei ha danei ngelei ashakviha, büm-ow shaaktük hatü ngelei sho hatü jumum bhitüktü mongshangei uoshi nyupeih.

2 SHÜPPÜKENGPÜ 35:25

Jeremiah-i Josiah kü mahng kesho hük ling hatü shaang thahshi nyüha baha kesho lokpüthüi jomei mahng kesho kü Josiah deih-ei loknyeih. Hapayü Israel kü bü vanglem hük leipeih hatü hapayü Mahng Kesho kü nyangei nyüpeih.

ISAIAH 3:24

Vongmei meli nangjei shie büpü, bhag-ai ashak nangjei vülep; shohiyang meipü jeiyei shangpaangpü; man-ow nangjei dhoila ashak; dhemeilaüma nangjei veü shuohhen.

ISAIAH 26:10

Nemeipüthü kü phahji hushuohjao jomi jiüpü dükhen nenyingnyu; daülangpüthü nyupü kahdokei dangkao jomi ten düknyüke, hatü Shembüpalei nganhilong kü ne-ienelemnyu.

ISAIAH 29:1

Ariel, Ariel, David nyupü chingnyü onyükei! Bong hük nevaijü nyi hapakei moeitapei nyuei daituh.

ISAIAH 32:11

Kheütuh, laophü kü monglemtü nyupüthü; nentuh, am mongnyangshi nyupü nelathü. Ashakviha nyiuktüktuh, hatü dhoila ashaki ngeihtuh.

ISAIAH 58:3

“Shembüpai neveiyaki mehekei jen shüaeiyunglehen? Büpai nenyingyaki mehekei jen nük nehah-i nyuhen?” shei jomi enyüke. Veituh, am shüaeiyunglepü nyih ammi lümbenüng mon düknyüke, hatü ammei dou dükbüthü kü shüveinyüke.

JEREMIAH 4:8

Hanangkü dhoila ashak ümtü, “Shembüpa mangshi mongshihpü jen toueipü nelüdaiang” shei theptuh hatü youngtuh.

JEREMIAH 7:29

Ammei sho japei yaktüktuh; shangtaothülei mahng theptuh; mehenangkü Shembüpai büpa mongshihhüpü nanglakthü yaktükhen.

JEREMIAH 16:6

Hapa kahdok kü longpü maanpü peü dihen; jomei mahng nevühen, üpaiyao jom nangkü büm kü nevethahhen hatü sho nekuphen.

JEREMIAH 16:8

Nüngi jom mopütappü shemei hahhen yinghen nangkü neshühen.

EZEKIEL 27:31

Am nangkü jom peüi sho chaei kuptüknyüke; jomi dhoila ashak ümnyüke. Jomi laangha mangei hatü mongdang kü shahyaki thepnyüke.

DANIEL 5:1

Belshazzar ongpai büpalei chinglong chingvang haja longi nyükei mo longpü üh, hatü büpa jomphong mü yiü yingei nyuteke.

HOSEA 9:1

Mongteong, Oh Israel nanglak, mih jatli kei mo-eitapei mongteongtei. Mehenangkü am büpa toueipü yanei hingnelemi nyuteke. Büm yutü ha kü lat danghen, hatü hahying lemphü danghen kü kennyüke.

JOEL 1:8

Yiük phepü nethe didaijü nela-i dhoila ashak ümtü theppü keiha, amphong thepeiyoungtuh.

ISAIAH 37:1

Mechem Hezekiah ongpai hapa jung danpa, büpai laophülei ashak shaak, hatü dhoila ashak ümtü Shembüpalei shemei dai,

ISAIAH 37:2

hatü büpai ongshem veibü Eliakim, laknyangbü Shebna hatü ngongpa behethü dhoila ashak ümtü Amozlei cheha Isaiah thibü touei shom.

JOEL 2:12

“Shaang dangkao ammei mong kempai shüaeiyungleyei, thepeiyoungei ngei touei mong leptuh” shei Shembüpai enyüke.