ISAIAH 21:8 - DAÜLANGPÜ LAIHING (BSI)

⁸ Veyombüi nyüknyüke: Oh Shembüpa, nyihnüng yanüng shei ngei veyomdülei, hatü ngei kü hanpü shingei ngei yomei nyunyeih.

ISAIAH 21:8 Referans Kwoze

1 PETER 5:8

Am nyingi ungei-aeituh, thaeimaei nyutuh. Ngüngei nyupü mailang keiha ammei vepa Kahshih am shonei hanei am lühnüng longteinyüke.

JEREMIAH 50:44

Jordan yingnyü leipü mailang hük vamei phenha nipü shing yemei daipü keiha, ngei Babylon am ngangahük kü haleipü changtükhen; ngei hapa shak kü üam jehenshang hathü tuhphonghen. Ngei lepü üpa nyüpa, hatü üpai ngei kü chengaokhen? Ngei khüei yaongaokhen mi yombü üpa nyüpa?

JEREMIAH 49:19

Jordan yingnyü leipü mailang hük vamei phenha nipü shing yemei daipü keiha, ngei Edom am ngangahük kü haleipü changtükhen; ngei hapa shak kü ngei üam jehenshang hathü tuhhen. Ngei lepü üpa nyüpa hatü üpai ngei kü chengaokhen? Ngei khüei yaongaokhen mi yombü üpa nyüpa?

JEREMIAH 25:38

Mailangi laophülei yaongsha tuhphongpü keiha, Shembüpai laophülei nanglak tuhphonghen, hatü jomei kahdok lavüngtoiyei leitükhen, hatü hapayü vepathülei yan, hatü Shembüpalei mongshih homei ha vamhen.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

ISAIAH 62:6

Ammei bham kü, Oh Jerusalem, ngei yombü tuh-ei nyüpeih; Nyihnüng yanüng kemei jom nenmü nenyukahen. Am üami Shembüpa kü nyüknya, nyiumeiyei tenyu.

ISAIAH 56:10

Israel am yombüthü peü mük phüngdaiteke; jomphong kon neshiü; Jom peü nehungpü shi kei nyüke; jom peü shinei lemtü mangh manghnyüke; jomü shi mon shinyüke.

ISAIAH 5:29

Jomei ngeü mailang keiha, mailang cheha keiha jomi ngeü annyüke; jomi ngüngtü yemhathü yepnyüke, üpaiyao neyangaokhen mü jomi yah-ei lüdainyüke.

MENVIH KESHO 127:1

Shembüpai nevepheikü, shem vepüthü angkü nyiunyüpeih. Shembüpai chingnyü neyompheikü ha yompüthü angkü yomnyüpeih.

MENVIH KESHO 63:6

Mechem ngei lüngshingei lemhen nüng deihnyeih, hatü nyakyang kü nüng jung deih-ei nyunyeih.

2 SHÜPPÜKENGPÜ 20:24

Mechem Judah am jahpan peü kü chipü shangdü leipü veshanthü kü veipa, hükao ne-ao-i kahdokei mahng yaüshi eeteke.