ISAIAH 21:12 - DAÜLANGPÜ LAIHING (BSI)

¹² Yombüi jangei enyüke: “Nepnüng dhom peikünyüke, shejao vangnyakao peikünyüke. Nüngi phehüjema shao nyokei leiyei phetuh.”

ISAIAH 21:12 Referans Kwoze

EZEKIEL 7:12

Hepak ngoiteke, nyih yopailei nyüke; shakhahpü amao mongteong nevaijü yupü amao mongtemei; mehenangkü Kahvangei hanghi shennyak peü kü peikahen.

EZEKIEL 7:10

Veituh, hapa nyih peiteke! Lomoh-aühaühen ngaiheyei vamteke. Üpteilenteipü madaiteke, changmeileüpüpü vangsho kü shongdaiteke.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

ISAIAH 17:14

Om dhüjü nyempühanpü mon, dhom keyü jom neshiü. Hamei kahmük kübü mophimo aetpüthüyü hapakei ponghahhen.

JEREMIAH 50:27

Jomei mohohbaongthü peü jütüktuh; peü jüshingei yah-ei daituh. Onyükei! jom hanghihen nyih hatü hepak ngoiteke!”

ISAIAH 21:11

Edom am nangkü epü shah: Hanei ami Seir leipü ngei kü nyüknyüke, “Yombü, mechem-üng vangnyak peihdaiphahen? yombü, mechem-üng vangnyak peihdaiphahen?”

ISAIAH 21:13

Arabia am nangkü epü shah: Arabia bhih kahdok koshoya kü baümtap vepü Dedan am ut kü uoei daipüthü;

OBADIAH 1:1

Hapayü Obadiahlei manghkhang– Jeiyong Shembüpai Edom am nang hapakei enyüke: “Hamphongi SHEMBÜPAleipü shahjang hük dantepih, hatü jatthü touei phongmokbü hük shomei eteke: Layaongtuh, hatü jeni Edom am khüei hokshah!”

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?