ISAIAH 20:4 - DAÜLANGPÜ LAIHING (BSI)

⁴ Assyria am ongpai Ijip hatü Kush am hashih behe peü ngaüpdük eeshi Ijip am veühühen shingvaishi bümkong hatü labai wüpküpei deihen.

ISAIAH 20:4 Referans Kwoze

ISAIAH 19:4

Ngei Ijip amü nemeipü ong hükei lak kü shuohtükhen, hatü longi mangpü ong hüki jom shak kü ong vaihühen” shei Shembüpa, Jeiyong Kahvangi enyüke.

JEREMIAH 13:26

Ngei ammei shüng ashak phukei anei ammei dhe kü jümhühen, hatü ammei veüdou hutükhen.

JEREMIAH 13:22

‘Henüng dou ngei kü mehekei vamnya?’ shei nüngi nüngei mongei ejema, nüngei mang ahshi longpü nangkü nüngei ashakao shaakshi nüng kü douten dükpeih.

SHAKEI VAMPÜ 3:18

Hanangkü am shemmei leihen, hatü veübenüng ammei bümkong eelangmangkü ha banghen ashak shola ümhen, hatü ammei mük eehen nangkü meli shakhen aw kü jakei daütükpü hon shakhahtuh shei enyeih.

MIKA 1:11

Amphong Saphir kü nyupüthü, bümkong hatü veüpong kü khoklatei daituh. Zaanan kü nyupüthü chingnyü kübü vamei tedai. Mechem Beth-Ezel am mahng theppü ammi danhen, halei am loishing neshiü shei ammi nyinghen.

EZEKIEL 30:18

Mechem ngei Ijip amei wong mangtükhen, Tahpanheslei nyihnüngü vangnyak leidaihen, hatü hapalei changmeipü wong dohdaihen. Pinnyü kü phumnyaki jümhen, hatü haleipü jilathü wüpküpei yah-ei daihen.

JEREMIAH 46:26

Jom jühen yempü Babylon ongpa Nebukadnezzar hatü büpalei lakchongbüthü kü shuohtükhen. Shejao pheilei payü peihdaipü hepak kü kei Ijip kü shennyak chingchingei nyuhühen” shei Shembüpai enyüke.

ISAIAH 47:3

Ammei bümkong mih kü huhen, hatü veübenüng kemei heeyei yeemhen. Ngei am kü bhüh yemhen, hatü hükao yemmü netuhhen.

ISAIAH 3:17

Shembüpai Zion nelathülei shangjing kü ma kohhühen, hatü Shembüpai jomei shangpaangtükhen” shei enyüke.

2 SAMUEL 10:4

Hanangkü Hanuni Davidi shompü shennyakthü yepei shatü jomei jumum hükkeishing kuptük, hatü jomei büm-ow jiam kü shüng mü jiüshi vettüktü leishihteke.

ISAIAH 47:2

Maiyaong phukei aan ngümtuh; dhe kü jümpü ashak nyiuktüktuh, Ashakviha nyiuktüktuh labai yung homei daituh.

JEREMIAH 46:19

Am Ijiplei nyupüthü, wüpküpei daihen temtuh; mehenangkü Memphis-ü nyuhen shennyak neshiüi lavüngtoiyei leidaihen.

AMOS 9:7

Ngei kü amphongü Ethiopia am nelepü je? Oh Israel nanglakthü shei Shembüpai enyüke. Ngei Israel am Ijip leipü; Philistia am Kaphtor leipü; hatü Aram am Kir leipü müei neleiangpü je?

NAHUM 3:10

Shejao pinnyü dangkao wüpküpei yah-ei daiteke, Chingshong shoukhinuk peü kü jomei hashihthü khih mü bheitü jükemteke. Jomei hamhiman peü kü nyiamvüi shateke, hatü vepathüi jom hanlangteke.

ZEPHANIAH 2:12

Oh Ethiopia am, amao ngelei yani mahkemhen.

1 SHÜPPÜKENGPÜ 19:4

Hanangkü Hanuni Davidei shennyakthü yepei sho kuptük, shüngbaong kü jiüei ashak kemei shaaktüktü leishihteke.

ISAIAH 31:2

Shejao büpayü kon kohpü, hatü büpai shanghah koei peinyüpeih; büpai etükpü shah nyokei neyahlangnyih, shejao nemeipü shahishem khüei, hatü nemeipü dükpü kü sheühpüthü khüei yaongnyeih.

ISAIAH 31:3

Ijip amü shennyak, Kahvang nevai; jomei koyeithüyü phai, laangha nevai. Mechem Shembüpai büpalei lak nohenshang, sheühbüao huluh shuohhen, hatü sheühhahpüthüao dohen, hatü jom peü chemi mahhen.