ISAIAH 2:2 - DAÜLANGPÜ LAIHING (BSI)

² Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

ISAIAH 2:2 Referans Kwoze

ISAIAH 56:7

Hathü peü ngelei daülangpü Zion Kahshangei anhen, hatü ngelei phoppü shemei jom kü mongong shuohhen. Ngelei moidülei jomi shuohpü moila peü ngei yahhen; Mehenangkü ngelei shemü hangkuli peü shingvaishi phoppü shem shei nyükhen.

ISAIAH 27:13

hatü hapa nyih amit longpü vünghen. Üamphong Assyria kahdokei mahei nyu, hatü üam Ijiplei wüpküpei nyu, hathüi Shembüpa kü khümhen shingvaishi daülangpü Jerusalem Kahshangei nyokei leikemhen.

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

2 PETER 3:3

Shongpüba kü ammi ha nyingtuh; dohpü nyih kü yaüpülungpüthü mih kü yaüei hatü jomei iyjeiphailei kü nyupüthü peikahen,

2 TIMOTI 3:1

Dohpü nyih kü shangpong yakyingpü hepak peikahen, nüngi ha nyingtuh.

DANIEL 2:45

Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.

DANIEL 2:35

Hahepak kü nyiam, ashem, melangnyiam, ngin hatü hon kemei chemi khih mü nihdai, hatü shaonyü hepak kü hah tenshing leipü hahbhang kei lei, hatü hapa shing khih shei nelekaokhen mü vanglüki maoei lüdaiteke. Shejao yaong payü kahdok peü küppei kahshang longpü leiteke.”

ISAIAH 66:20

Shembüpa kü moila vaishi jomphongi ammei jeihinaüthü jatthü peülei haidaipü Jerusalemei koyei kü, gadu kü, hatü ut kü, koyei khari kü hatü khari kü Israel ami hahying moila daülangpü shung kü Shembüpalei shemei deipükei müei leikahen,

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

MENVIH KESHO 86:9

Nüngi lingpü jatthü peü peiyei nüng kü aümei khümhen, Oh Shembüpa, hatü nüngei men müknyinshekhanghen.

SHAKEI VAMPÜ 20:4

Hapheikü ngei ong uoshingthü, hatü halei uopüthü kü shahphenhen wong shuoh-ei ee. Shao ngei Jisu jung denpü shuohpü hatü Kahvangei shah nangkü sho mahpüthülei laanghathü ee. Jomphongü yemha hatü hapalei lajei kü nekhüm, hatü jomei shangba hatü lak kü yemhalei füoshang neshüngpüthü nyuteke. Jom yangei leiyei Khrista mü bong haja hük vanglem lemteke.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

PHONGSHANTHÜ DOU 2:17

Dohpü nyihthü kü hapakei nyuhen shei Kahvangi enyüke: ‘Ngei nanglak peü kü ngelei Laangha khüpshuohhen, ammei yiükha yeshangthüi teteivanhen; nethethüi manghkhang eehen, hatü behethüi mangh manghhen.

MALAKI 3:12

Hahepak kü jat peüi am kü moihimanpü am shei nyükhen; mehenangkü ammei kahdok nyuhübenüng vaikahen shei Jeiyong Shembüpa Kahvangi enyüke.

DANIEL 10:14

Dohpü nyih kü ammei nanglakthü kü mehe vamkahen ha nüng kü nih-ei ephahen ngei peiküpeih. Hapa manghkhangü ngoikahen nang epü khih.”

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

JEREMIAH 3:17

Hahepak kü Jerusalem keyü Shembüpalei ong uoshing shei nyükhen, hatü jatthü peü halei Shembüpa nyushing Jerusalemei thaihen hatü jomi hajük kü mong vaanei jomei mangi mongpü lem kü nedaihen.

ISAIAH 30:29

Shejao Kahvangei nanglakthü amphongü mohitap kü yanüng kesho nyahhai-i mongongpükei nyuhen. Ammei mongü nanglakthüi Shembüpalei Kahshang, Israel amei Yaongnyü touei liping vüngei aongjü mongongpükei nyuhen.

MENVIH KESHO 2:8

Ngei kü yütuh, hatü ngei nüng kü jatli peü mükjüp vaishi shuohhen; kahdoknyü dohpü thahshi nüng lompü vaihen.

BHEI-IE 24:14

Shaang ngei ngelei nanglakthü touei nyokei leidainyeih, shejao Israel ami pheilei ammei nanglakthü kü mehe dükphahen ngei leidai shekü hapa shahvüng ephüshah:

EZEKIEL 38:16

ngelei nanglak Israel am khüei kahdok kü phumnyaki jümpükei peihen. Shompülei ngelei kahdok khüei ngei nüng müei peihen, Oh Gog, shejüang mechem ngei nüng homei ngelei daülangshemshepü jomei müki eeshi huhenshang jatthüi ngei nyinghen.

JEREMIAH 49:39

Shejao shomshi ngei Elam am kü moihimanhen shei Shembüpai enyüke.”

JEREMIAH 48:47

Shejao shomshi ngei Moab am kü moihimanhen shei Shembüpai enyüke. Moab am kü shahphenpü hajük thahshi mon.

JEREMIAH 30:24

Büpai deihpü mangdük thahshi, hatü ha mangjiü thahshi Shembüpalei mongshih nyokei neleidaihen. Shompülei ammi ha nyinghen.”

JEREMIAH 23:20

Büpalei mongei tempü peü mangjiü thahshi Shembüpalei mongshih nyokei neyahlanghen. Ngoikahen nyihthü kü nüngi ha lekei nyinghen.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

MENVIH KESHO 72:8

Büpa vanglem lempü yungching kübü yungching thahshi, hatü Euphrates yungyen kübü kahdok dohpü ngoishi nyuhen.

MENVIH KESHO 22:27

Kahdok dohpü peüi deih-ei dangtü Shembüpa touei mong lepei leihen, hatü jatthü phanghiyang kemei büpa kü khümhen.

JOB SHAHSHA APPÜ 19:25

Ngei Yangpüba yemmü nyüpeih shei ngei nying, hatü dohpülei hapa kahdokei büpa yükahen,

KAHBHAO 49:1

Hapheikü Jakobi chehathü peü kü nyüktü, “Ngei shonei thaikei, hatü ngei ngoikahen nyih kü mehe vamkahen ngei ha amphong kü ephüshah” shei e.

ISAIAH 25:6

Hapa kahshangei Jeiyong Shembüpai nanglakthü peü shingvaishi hahying peü changshi, hatü meipü yiü omshi mo hük temhen.

ISAIAH 56:5

Ngei ngelei Phopshem hatü hapa pekon mongkü nebeyaong hük, hatü hapeüthü mao meipü men shuohhen; Mechemao nekatihen nedohnetenpü men ngei jomphong kü shuohhen.

ISAIAH 65:11

Shejao am üami Shembüpa yaktük, üami ngelei daülangpü kahshang betük, üami lashüh tetpü kahvang kü khümei yiü lem longi vuktü shuohnya;

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

JEREMIAH 31:12

Jom peiyei Zion Kahshang shaopülei mongongpai lenhen; Shembüpai hah, yiüja, mainga, mi hatü mohoh chehathü changshi shuohpü nangkü jom mongonghen. Jomphongü yung meishi üpü pemong kei nyuhen, hatü jom hajük kü mongnemanghen.

JEREMIAH 51:44

Ngei Babylon leipü Bel kahvang kü hanghi shuohhen, hatü pinnyüi mehe lühtükpa ha bhaitükhühen. Jatthüi hajük kü pinnyü kü nekhümhen, Babylon amei bham laamdaiteke.

EZEKIEL 40:2

Manghkhang hük kü büpai ngei Israel kahdokei müei dei, hatü shaopü kahshang hükei uohü. Pehephi lemei veiheni chingnyü hük leshi shemthü longi eeteke.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

ZEKHARIAH 8:22

Shennyakthü hatü jatthü longi Jerusalemei Jeiyong Shembüpa yemei peikahen hatü büpa kü moihiman yühen.”

ZEKHARIAH 14:9

Hapa nyih, kahdoknyü peü kü Shembüpa mon ong vaihen; Shembüpa hük mon nyuhen, hatü büpalei men mon chongkahen.

ZEKHARIAH 14:10

Jerusalem pehephi Geba kahdok kübü Rimmon ngoishi kahji leitükhen. Shejao Jerusalemü Benjamin Shaden kübü Shongpü Shaden hatü Shoukpa Shaden thahshi, hatü Hananel Shangdü kübü ongpalei nyalingngupai yiü ngümshing ngoishi Jerusalemü büpalei shing kü longei anei linghen,

MENVIH KESHO 22:28

Mehenangkü vanglem lemhenü Shembüpalei; hatü büpai jatthü kü vanglem lemnyeih.

MENVIH KESHO 48:2

Kahvangei Kahshang Zionü shaoshi, hatü nethe meishi; hapayü kahdoknyü kempülei mongong. Zaphon shangching shaopü keiha, Longpü Ongpalei Zion chingnyüyü nyüke.

MENVIH KESHO 68:17

Kahvangei koyei khari haja an; haja haja longi nyüke. Shembüpai Sinai Kahshang kübü büpa nyushingei peinyüke.

MENVIH KESHO 87:1

Shembüpai büpalei chingnyü daülangpü kahshangei chongnyiam lingpeih;

MENVIH KESHO 87:2

Jakobei nyushing peü leimao Shembüpai Zion penyüsha kü bamnyeih.

MENVIH KESHO 102:23

Büpai tavanshem kü ngelei yangnyu bhagtük; büpai ngelei yangnyu nyih shotükhü.

ISAIAH 60:3

Ammei vangngai touei jatthü peikahen, hatü ammei vangngai eeyei ongthü thaikahen.

ISAIAH 66:23

Lenja hük kübü hük thahshi, Sabbath hük kübü hük thahshi hangkuli peü peiyei ngei touei aümei khümhen.