19 Shembüpai kahdoknyü jenhühen yaongpü nyih, büpa kü nyemei hatü büpalei müknyinshekhang kü necha-aoki, shennyakthüi nyaiyei yaongsha hatü kahsha yemei daihen.
Shembüpa kü nyemei, hatü büpalei müknyinshekhang kü keüei, yaongnyü longpü mongei shütuh, hatü kahmongei dungdaituh.
Hahepak kü jomi kahshangthü kü, ‘Ham shangkü laamei chetshih’ hatü shangtaothü kü, ‘Ham küplangtuh’ shei ehen.
Aven leipü khümshemthü bentükhen hayü Israel amei mang nyüke. Hühhihang longei jomei moidü lümlanghen. Ha nyih jomi kahshangthü kü, “Ham linlangtuh!” shei ehen, hatü shangtaothü kü, “Ham kü vüei shükshih!” shei ehen.
Shembüpai kahdoknyü jenhühen yaongpü nyih, büpa kü nyemei hatü büpalei müknyinshekhang kü necha-aoki, shennyakthüi nyaiyei yaongshalei shühen, hatü bhaokei kapü yaong aalei shühen.
Hahepak kü vangsho leipü Kahvangei phopshem apteke, hatü büpa Vangpüshuwpü Pela phopshem mongei ee, hatü halei klang nyeppü, klungpü hatü vangmuk khungpü, pedi vükpü hatü vihpü shüyaong nyuteke.
Hahepak kü büpalei ngeüi kahdoknyü jenhü, shejao shaang büpai, “Shao chem ngei kahdoknyü mon nevai, vangshothüao jenhühen” shei lahteke.
Jeiyong Shembüpai ha enyüke: Maani angtü ngei shao chem vangsho hatü kahdok, yungching hatü kahngadok jenhühen.
Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.
Halei klang nyepei, vangmuk khungei hatü ahshi mangshi pedi vükei pei; kahdoknyü kü hangku nyuhinüng chemao hapakei nevam; pedi ahshi mangshi vükteke.
Ha vangpan mü pedi longpü hük vük, hatü chingnyü phaihan an kü phaihan hük dodai; shennyak haja nyet thahshi hapa pedi vükpü kü mah, hatü aopüthüi nyemei vangsho Kahvang kü müknyinshekhang shuoh.
Hathü nyih kü shennyakthü dihen yemhen, shejao nedanghen; jom dihüei ongyanghen, shejao dipeyü jom toueipü nyaidaihen.
Jom shingvaishi kahdoknyü-ü meipü nevai-i nyu. Jom jahpanei, kahshangthülei, yaongsha hatü kahshalei joei longtei.
Hathüyü Shembüpa, hatü büpalei müknyinshekhang ngan kübü yanei nedohnetenpü mahpü hanghi danghen,
Biü keiha jomi bhihla laiyei hahhen, jomi biü keiha lüei kamteihen. Jomi Shembüpa, jenei Kahvang kü nyemei leidaihen, hatü amphong kü nyemhen.
Shaang ngei nyah yepbüthü longi nyükhen shomnyüpeih, hatü jomü ha nanglakthü nyah kei yephen. Hapheikü ngei sikari shennyakthü nyükhen, hatü jomi hapa nanglakthü kahshang, shangching hatü yaongvak peü leipü jüei leihen.
Shembüpai büpalei lenshuoh-i jom kü bhei shan ieyei phaam hatü harp ngeü mü vamhen. Kahvangi laophü lomei Assyria am mü hokhen.
Nüng mongshihpai yaongtuh, Oh Shembüpa; ngelei vepathü mongshihpü khüei yaongtuh; Paotuh, ngelei Kahvang, shahhing shahkung lingtuh.
Hanangkü jijipheni Philistia amei baümtapei nyupüthü kü hushuohteke, hatü Philistia ami, “Veihümao, Hebrew am jom joshi nyupü kahsha leipü laokünyüke” shei etei.
Mechem Israel ami jomei laphenü wongteke shei veiaokpa, nanglakthü jom nyingi yaongdung, yaongsha, kahsha, shüying hatü damsha mongei shüei joteke.
Büpai kahdoknyü hapalei shing kübü jenhünyeih, hatü hapalei shemnyüthü kheühünyeih.
Jom peü peiyei kahji peü kü, yaongsha peü kü hatü hüh kohpü phenha, hatü phenhavunglak peü kü bakhen.
Hanangkü Jeiyong Shembüpai mongshihpü nyih, hatü aw keiha mongshih bahpü nyih ngei vangshothü kheühühen, hatü kahdoknyüao hapa shing leipü jenhühen.
Veituh, Shembüpai hapa kahdok yakphonghen, hatü lavüngtoiyei tuhphonghen mon nyüke, hatü büpai kahdok shak mangtükhen, hatü haleipü shennyakthü yantükhen.
Nyem shaopü amei ngeü kü nyemei üami nyainya, kahshalei vühen, hatü üami kahsha leipü bakei aonghen, tai kü manhen. Mehenangkü vangsho shadenthü apei nyüke, hatü kahdoknyü chongnyiam shing kheünyüke.
Kahdoknyü chemjalak kü mangdaiteke, kahdoknyü bhaodaiteke, kahdoknyü nemei-i jennyüke.
Shembüpai, “Shaang ngei yaonghen” “Shaang ngei longei aonghen” “Shaang ngei shangei aonghen” shei enyüke.
Koyei veshan hatü phung nopüthülei ngeü kü jilathü kemei nyaidainyüke; jom phaüyingei shüdaikemnyüke, yaongnyü kü bakei aongnyüke; jilathü kemei tuhphongteke, üpayao halei nenyu.
Oh Moablei nyupüthü, ammei jilathü tuhphongtü yaongvakei aongei nyutuh! Yaongvaksho kü athubai jep linghahpükei nyutuh.
Shembüpa Kahvangi hapakei enyüke shei hathü kü etuh: Ngeiyü vanyangyem Kahvang, lavüngtoiyei yakphongpü shingthülei nyupüthü yani mahhen, hatü üam koshoyalei nyu, hathü phaüyemthüi hahtükhen, hatü üam kahshang hatü yaongshathülei joshi nyu, chami dikemhen.
Oh Nineveh, ammao nükchok yiümokei leishasha; Am vepa kübü nyaiyei joshing yemhen.
Jatthülei mophimo peü peihen shingvaishi ngei jatthü peü jenhühen, hatü ngei hapa shem müknyinshekhangi mahühen shei Jeiyong Shembüpai enyüke.
Kung shennyakthüi mong mahdaitü, penyüsha kübü laoei ngei touei kheüyaki pei.