ISAIAH 2:12 - DAÜLANGPÜ LAIHING (BSI)

¹² Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

ISAIAH 2:12 Referans Kwoze

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

ISAIAH 23:9

Jeiyong Shembüpai changmeipü müknyinshekhang peü maantükhen, hatü kahdoknyü kü men-e shennyakthü veühühen shingvaishi tempeih.

LUK SHAHSHA APPÜ 14:11

Mehenangkü üami laophü nyingi longpü leinya, maanpü leidaihen, hatü üami laophü nyingi maanpü leinya, longpü leihen.”

KANDOK 16:5

Changmeipüthü kemei Shembüpa touei jiühitbenüng nyüke; hathü nehanghi-i nenyupih shei nyingtuh.

JAKOB 4:6

Shejao büpai phahji nyeinya shuohnyeih; hanangkü Laihingi enyüke: “Kahvangi changmeipüthü khünyeih, shejao nenteiaokpüthü kü phahji shuohnyeih.”

1 THESALONIKA 5:2

mehenangkü Shembüpalei nyih-ü yanüng gühpa hük peipü keiha peikahen shei ammi meishi nyingei nyüke.

1 KORINT 5:5

Hapa shennyakei phai mangtükhen shingvaishi ammi Satan kü shuohtüktuh; shejüang Shembüpalei nyih kü büpalei laangha yangaokhen.

MATHI 23:12

Üpai laophü nyingi longpü leihenshang maanpü leihen, üami laophü nyingi maanpü leihenshang, longpü vaihen.

MALAKI 4:5

Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen.

AMOS 5:18

Shembüpalei nyih ongyangpüthü Onyükei! Mehekei ammi Shembüpalei nyih ongyangnya? Hapayü vangngai nevai, vangnyak nyukahen.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

EZEKIEL 13:5

Ammi Israel am phang shingvaishi bendaipü bham nelingpü nangkü Shembüpalei nyih kü ammei vepa kü khangei neyaongaokpih.

JEREMIAH 46:10

Hapayü Shembüpa, Jeiyong Kahvangei nyih, hapayü bhüh yempü nyih, hapayü büpai vepathü kü bhüh yempü nyih hük. Büpalei yanlui mangmoh thahshi hahhen, hatü iy-i yungle mangmei thahshi ha yinghen. Mehenangkü Shembüpa, Jeiyong Kahvangi apshaphi kahdok kü Euphrates yungyenei moila hük shuohhen.

ISAIAH 24:21

Hapa nyih kü Shembüpai shangeipü vangsho nganthü, hatü kahdoknyü leipü ongthü kü hanghi shuohhen.

ISAIAH 24:4

Kahdok vandaihen, hatü kaudaihen; kahdoknyü kemei üei vanei kahdok mü vangshothüao üdaihen.

ISAIAH 13:9

Veituh, Shembüpalei nyih peikünyüke; mongshihpü hatü longi mongmangpü, mangpü nyih peikünyüke; Hapai kahdok lavüngtoiyei leitükhen, hatü haleipü mang shennyakthü mahtükhen.

ISAIAH 13:6

Theptuh, mehenangkü Shembüpalei nyih yopailei nyüke; hapayü Shembüpai mahpüchahpü koei peipü nyih vaihen.

2 SAMUEL 22:28

Nüngi nenteiaokpüthü yangnyüke, shejao nebahnevaipüthü vüshihhen nüngei mük chishi nyüke.

JOB SHAHSHA APPÜ 24:1

Mehekei Jeiyong Kahvangi shahphenhen hepak vangpan ne-itnya? Mehekei büpa nyingpüthü kü büpalei nyihthü ne-eehünya?

MENVIH KESHO 131:1

Oh Shembüpa, ngelei mong kü nechangmeinyih, ngelei müki changmeipai naamei neveinyih. Ngei ngei nyingi longpü dou, hatü ngei shingvaishi yashanpü douthü kü nehakanyih.

ISAIAH 42:15

Ngei kahshang hatü shangtaothü lavüngtoiyei tuhphonghen, hatü jomei jahpan vantükhen; Ngei yungnyüthü peü shübaongthü leitükkemhen hatü yungkukthü ütükhen.

ISAIAH 61:2

Shembüpai phahjipü bong, hatü jenei Kahvang bhüh yemhen nyih baonghen; mahng theppüthü nyiushem meihühen,

JEREMIAH 30:7

Hapa nyih meshük nyembenüng nyuhenang! Mepa nyih-ao hapa mü shetteihen neaokpih. Hapayü Jakob shing shanghah hepak nyuhen, shejao ha kübü büpa yangdaihen.”

MIKA 2:3

Hanangkü Shembüpai hapakei enyüke: Hapa nanglakthü khüei ngei hanghi peihühen temnyüpeih, ha kübü am nyingi neyangaokhen. Hajük kü am changmeileüpüei nekamaokpih; mehenangkü hayü am shingvaishi shangpongpü nyih vaikahen.

MIKA 5:11

Ngei ammei kahdok kübü chingnyüthü mangtükhen, hatü ammei veyom shing peü bentükhen.

ZEPHANIAH 1:16

Penyü showtükpü chingnyüthü, hatü veyomdü khüei amit vüngpü, hatü veshanthü hok chengpü nyih hük vaikahen.

ZEPHANIAH 3:11

Hapa nyih, ammi ngei kü nejiüpü dükpü nangkü amneveühüpih; mehenangkü amphong khong kübü changmeipüthü ngei changtükhen. Hajük kü am ngelei daülangpü kahshangei nechangmeihen.

MENVIH KESHO 18:28

Oh Shembüpa, nüngi ngelei awdük jakshi tuhnyeih, ngelei Kahvangi ngelei shangmang vangngai leihüpeih.

MENVIH KESHO 37:13

shejao Shembüpai nemeipüthü kü nyinyeih, mehenangkü jomei nyih ngoiteke shei büpai nyingei nyüke.

MENVIH KESHO 94:2

Paotuh, Oh kahdoknyü shahphenbü; changmeipü am kü jom kü shangpü yah-eishuoh!

ISAIAH 5:15

Longpü hatü maanpü peü maanpü leihühen, hatü changmeipüthülei mükveinavei nyokei leitükhen.

ISAIAH 10:12

Mechem Shembüpai Zion Kahshang hatü Jerusalem khüei dou peü dükkemhenshang, büpai, “Changmeipü hatü awdapü Assyria ongpa kü shüveihen” shei enyüke.

ISAIAH 10:33

Veituh, Jeiyong Shembüpai büpalei ngani jom pükao louhpükei louhtükkemhen; shaopü püthü agtükpükei, yinghilong kowtükpükei büpai jom mahtükhen.

ISAIAH 13:11

Ngei kahdoknyü kü hapalei mang nangkü, nemeipüthü kü jomei mang nangkü hanghi shuohhen. Ngei changmeipüthülei changmeipü dohtükhen, hatü nebahnevaipüthüi awdapü bhih-ei maantükhen.

ISAIAH 14:15

Shejao nüngü mahngshalei shüdaiteke; kahsha chüpübalei shülangteke.

ISAIAH 40:23

Büpai longhiongthü kong leitüknyeih, hatü kahdoknyü vanglem lembüthü neshiüi leitüknyeih.

JEREMIAH 12:9

Ngei jepü nanglakthüyü ou hük kü alangthü thaiyei shing peü philei shontü shümpükei nyüke. Phaüyemthü kü peikahen nyüktuh, hatü mo kü omhütuh!

JEREMIAH 13:9

Shembüpai hapakei enyüke: Hapa shüng ashak mangdaipü keiha ngei Judah hatü Jerusalem am changmeipü mangtükhen.

JEREMIAH 50:31

“Ngei nüng khüei nyüpeih, Oh changmeipü Babylon! Nüng hanghihen nyih hatü hepak ngoiteke” shei Shembüpai enyüke.