ISAIAH 2:11 - DAÜLANGPÜ LAIHING (BSI)

¹¹ Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

ISAIAH 2:11 Referans Kwoze

MENVIH KESHO 18:27

Nüngi maanpü leipü am yangnyüke, shejao changmeipüthü maanhütüknyeih.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

ISAIAH 24:21

Hapa nyih kü Shembüpai shangeipü vangsho nganthü, hatü kahdoknyü leipü ongthü kü hanghi shuohhen.

ISAIAH 13:11

Ngei kahdoknyü kü hapalei mang nangkü, nemeipüthü kü jomei mang nangkü hanghi shuohhen. Ngei changmeipüthülei changmeipü dohtükhen, hatü nebahnevaipüthüi awdapü bhih-ei maantükhen.

ISAIAH 12:4

Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

MIKA 4:6

Shembüpai enyüke, “Hapa nyih kü ngei lakkholanopüthü thaihen; hatü wüpküpei daipüthü, hatü ngei hanghi shuohpüthü thaihen.

HOSEA 2:18

Hapa nyih kü ngei am shingvaishi phaüyemthü mü, shangouthü mü kahshak kahmongei nyupü yemhimakthü mü ngei vangeishuwhen. Am yangyangphangei hüshemei nyuhen shingvaishi ngei kahdok kübü vehok phunglang hatü vehok mahtükhen.

EZEKIEL 39:22

Hapa nyih mü leitü Israel ami ngeiyü Shembüpa, jomei Kahvang shei nyinghen.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

2 KORINT 10:17

Shejao, “Üpai changmeinya, büpai Shembüpa kü changmeituh.”

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

LUK SHAHSHA APPÜ 18:14

Ngei am kü enyeih, lebü leimeyü hapa shennyakang dahshakei shemei leidai; mehenangkü üami laophü nyingi longpü leinya maanpü leihen, shejao üami laophü nyingi maanpü leihen, longpü vaihen.

ZEKHARIAH 9:16

Hapa nyih Shembüpa, jomei Kahvangi jom yanghen; mehenangkü jomü büpalei nanglak mi khong nyüke. Ong athen kübü douvang yaong keiha, jomi büpalei kahmük kü nyahen.

ZEPHANIAH 3:16

Ha nyih jomi Jerusalem kü hei ehen, Oh Zion, nüng tenyem; ammei lak yungei tenyu.

ZEPHANIAH 3:11

Hapa nyih, ammi ngei kü nejiüpü dükpü nangkü amneveühüpih; mehenangkü amphong khong kübü changmeipüthü ngei changtükhen. Hajük kü am ngelei daülangpü kahshangei nechangmeihen.

MIKA 5:10

Shembüpai enyüke, “Hapa nyihhihe kü ngei ammei koyeithü, hatü ammei veyom shing peü bentükhen.

OBADIAH 1:8

“Hapa nyih kü,” Shembüpai enyüke, “Ngei Edom am nahpülangpüthü, Esau kahshangthü leipü nyingpühingpüthü nemahtükhen je?”

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

JOEL 3:18

“Hapa nyih kü kahshangthüi yiü ja yenphahen, hatü shangtaothü kü amma yenkahen; Judah leipü shohinga peü kü yung changshi yenkahen. Shembüpalei phopshem kübü yunglok hük yenei shaei Akacia Kahji kü yung shuohhen.

HOSEA 2:21

Hapa nyih ngei janghen shei Shembüpai enyüke, ngei vangshothü kü janghen, hatü jomi kahdoknyü kü janghen;

HOSEA 2:16

Ha nyih, nüngi ngei kü, “Ngelei baha” shei nyükhen, hatü hajük kü nüngi ngei kü, “Ngelei Baal” shei nenyükhen shei Shembüpai enyüke.

EZEKIEL 39:11

Hapa nyih Israel kahdokei Dipü Yungching heong philemei Yendaiouham Kahji touei ngei Gog vühen mahngchong hük shuohhen. Gog hatü büpalei veshanthülei mahng vüpü nangkü yendaiouham lem küpdaihen, hatü hapa kahji kü, “Gog-ei Veshanthülei Kahji” shei nyükhen.

EZEKIEL 38:19

Hapa nyih kü ngei mongshihpai Israel kahdok kü pedi vükpü longpü hük nyukahen;

EZEKIEL 38:14

Hanangkü shennyak ha, Shembüpa Kahvangi hapakei enyüke shei teteivanei Gog kü etuh: Hapa nyih kü mechem ngelei nanglak Israel am chingmeivangmei nyiushem kü nyuhenshang, nüng layaongei,

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

ISAIAH 52:6

Hanangkü ngelei nanglakthüi ngelei men nyinghen, hatü hapa shah epeyü ngei khih shei hapa nyih jomi nyinghen. Hih, hapayü ngei hih.

ISAIAH 37:23

Üpa kü nüngi yaüeilungei thaüvaünya? Üpa khüei nüngi langmaannya, hatü changmeiyei veinya? Hapayü daülangpü Israel Kahvang khüei enyu khih!

ISAIAH 30:23

Ammi kahdokei haipü sheili shingvaishi büpai vang shomphahen, hatü kahdok kübü vampü hahyingi am shemmei leiyei changshi nyuhen. Hapa nyih ammei mohohthüi koshoya kü phenhani changshi hahhen.

ISAIAH 29:18

Hapa nyih kü aangpüthüi hapa laitap leipü shah danhen, hatü manghphang kü vangnyak kao mükphüngpüthüi eehen.

ISAIAH 28:5

Hapa nyih Shembüpayü aoei nyupü shennyakthü shingvaishi müknyinshekhangpü chüyük, hatü nethe meipü ong athen vaihen.

ISAIAH 26:1

Hapa nyih Judah kahdokei hapa kesho lokhen: Jenei chingnyü wong kohshi nyüke; Kahvangi aokpü dangpeyü bham shaungpükei, hatü kahdok shaopülei lingei nyüke.

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

ISAIAH 12:1

Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

ISAIAH 4:1

Hapa nyih kü nyüha nyeti baha hük kü shongtü, “Hami hamei hahying hahshah, hatü büm-ow kemei hamei-üng owshah; shejao hamphongü nüngei shembünyü shei mon nyükhahshah. Shem neyemangpih shei eshi veüei nyuhen mon nüngi yahlangshih” shei ehen.

2 THESALONIKA 1:10

hatü hapayü mechem büpa laophülei daülangpü nanglakthüi büpa kü müknyinshekhanghühen, hatü büpa kü hinglempüthü leipü dhüm yahhen yiühenshang ha vamhen. Ha kü amao omei nyüpeih; mehenangkü hami am kü epü shahjangmei kü ammi hinglemteke.

2 SAMUEL 22:28

Nüngi nenteiaokpüthü yangnyüke, shejao nebahnevaipüthü vüshihhen nüngei mük chishi nyüke.

MENVIH KESHO 20:8

Jomü bendaihen hatü dodaihen, shejao jen payü wongshongi yaonghen.

MENVIH KESHO 46:10

Nenmü nyutuh, hatü ngeiyü Kahvang shei nyingtuh! Ngeiyü jatthü khongkü longei anshihhen, ngeiyü kahdoknyü kü longei anshihhen.

KANDOK 30:13

Shennyak hanei-i hamü longi meipü am; hamü mih mü shaopü am shei deihnyüke.

ISAIAH 23:9

Jeiyong Shembüpai changmeipü müknyinshekhang peü maantükhen, hatü kahdoknyü kü men-e shennyakthü veühühen shingvaishi tempeih.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

MIKA 2:3

Hanangkü Shembüpai hapakei enyüke: Hapa nanglakthü khüei ngei hanghi peihühen temnyüpeih, ha kübü am nyingi neyangaokhen. Hajük kü am changmeileüpüei nekamaokpih; mehenangkü hayü am shingvaishi shangpongpü nyih vaikahen.

MENVIH KESHO 18:28

Oh Shembüpa, nüngi ngelei awdük jakshi tuhnyeih, ngelei Kahvangi ngelei shangmang vangngai leihüpeih.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

MENVIH KESHO 94:2

Paotuh, Oh kahdoknyü shahphenbü; changmeipü am kü jom kü shangpü yah-eishuoh!

KANDOK 16:5

Changmeipüthü kemei Shembüpa touei jiühitbenüng nyüke; hathü nehanghi-i nenyupih shei nyingtuh.

ISAIAH 10:12

Mechem Shembüpai Zion Kahshang hatü Jerusalem khüei dou peü dükkemhenshang, büpai, “Changmeipü hatü awdapü Assyria ongpa kü shüveihen” shei enyüke.

ISAIAH 14:15

Shejao nüngü mahngshalei shüdaiteke; kahsha chüpübalei shülangteke.

ISAIAH 40:23

Büpai longhiongthü kong leitüknyeih, hatü kahdoknyü vanglem lembüthü neshiüi leitüknyeih.

JEREMIAH 12:9

Ngei jepü nanglakthüyü ou hük kü alangthü thaiyei shing peü philei shontü shümpükei nyüke. Phaüyemthü kü peikahen nyüktuh, hatü mo kü omhütuh!

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.