ISAIAH 19:21 - DAÜLANGPÜ LAIHING (BSI)

²¹ Hanangkü Shembüpa laophü nyingi Ijip am kü nyinghühen, hatü Ijip ami hapa nyih Shembüpa nyinghen, hatü jomi büpa kü jakpü moila, lebü moila shuoh-ei Shembüpa kü vangeishuwei hathü dükei büpa kü khümhen.

ISAIAH 19:21 Referans Kwoze

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

ISAIAH 11:9

Ngelei daülangpü kahshangei, jomi ten nedükhen nevaijü nejüteihen; mehenangkü yungching kü yungi maei nyupükei, kahdoknyü-ü Shembüpa nyingpai maei nyuhen.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

ZEPHANIAH 3:10

Ethiopia yungdang kübü haidaipü ngelei nanglakthüi ngei kü khümhen moila koei peikahen.

HABAKKUK 2:14

Shejao yungi yungching mapü keiha, kahdoknyü-ü Shembüpalei müknyinshekhang nyingpai maei nyuhen.

JONAH 1:16

Hathü shennyakthüi nyeinya Shembüpa kü nyem, hatü jomi Shembüpa kü jakpü moila shuoh, hatü vangeishuwteke.

ISAIAH 56:7

Hathü peü ngelei daülangpü Zion Kahshangei anhen, hatü ngelei phoppü shemei jom kü mongong shuohhen. Ngelei moidülei jomi shuohpü moila peü ngei yahhen; Mehenangkü ngelei shemü hangkuli peü shingvaishi phoppü shem shei nyükhen.

ISAIAH 55:5

Mehenangkü Shembüpa, ammei Kahvang, daülangpü Israel Kahvangi am kü müknyinshekhang dhüm shuohpü nangkü, ammi nenyingpü jatthü am kü nyükhen, hatü am nenyingpü jatthüi am yemei mokkemkahen.

ISAIAH 44:5

Hük pheikü hük shei shennyakthüi, “Ngeiyü Shembüpalei” shei ehen, hatü jomi Israel nanglakthü mü omhen. Jom peüi jomei lak kü, “Ngeiyü Shembüpalei” shei nyanghen, hatü Israel amei men yahhen.

ISAIAH 37:20

Oh Shembüpa, hamei Kahvang, kahdoknyü ongchingthü peüi nüng monha Kahvang khih shei nyinghen shangmü nüngi büpalei lakmong leipü ham yangshih, Oh Shembüpa” shei phop.

CHONGVENBÜ 5:4

Mechem nüngi Kahvang kü lahhenshang, hapa lahtükpü jiühühen tephei; mehenangkü büpai ngapathü kü mongneongnyih. Nüngi mehe lahtük, ha düktuh.

MENVIH KESHO 67:2

Shejüang nüngei lemthü kahdoknyü kü, hatü jatthü peü kü nüng yemleipü nyinghühen.

1 ONGPATHÜ 8:43

nüng nyushing vangsho leipü bangtuh, hatü kung shennyakthüi phepü aimü dükeishuoh; shejüang nüngei Israel nanglakthüi keiha kahdoknyü hangkuli peüi nüngei men nyinghen, hatü nyemhen, hatü hapai ngei vepü shem kü nüngei men nyüke shei nyinghen.

1 SAMUEL 17:46

Shinnyih Shembüpai ngelei lak kü nüng shuohhen, hatü ngei nüng jühen hatü nüngei shangjing showlanghen. Shinnyih-üng ngei Philistia veshanthülei mahng asha alang hatü phaüyemthülei phai vaitükhen, shejüang kahdoknyüi Israel amao Kahvang hük nyüke shei nyinghen,

MENVIH KESHO 61:8

Nyihjeih ngei lahpü dükshingkü ngei düngei nüngei men kü menvih kesho lokhen.

MENVIH KESHO 68:31

Ijip leipü mophimo nyemleikei, Ethiopia ami Kahvang kü lanei phophen.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

ISAIAH 27:13

hatü hapa nyih amit longpü vünghen. Üamphong Assyria kahdokei mahei nyu, hatü üam Ijiplei wüpküpei nyu, hathüi Shembüpa kü khümhen shingvaishi daülangpü Jerusalem Kahshangei nyokei leikemhen.

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 60:7

Kedar amei mithü am touei thaikahen, Nabaioth amei mi chehathüi am chongphohen; Hathü peü ngelei moidülei moila keiha yahhen, hatü ngelei Phopshem nyeinya müknyinshekhangshi linghen.

ISAIAH 66:23

Lenja hük kübü hük thahshi, Sabbath hük kübü hük thahshi hangkuli peü peiyei ngei touei aümei khümhen.

MENVIH KESHO 68:32

Kahvang kü kesho loktuh, Oh kahdoknyü ongchingthü; Shembüpa kü menvihpü loktuh.