ISAIAH 19:2 - DAÜLANGPÜ LAIHING (BSI)

² Ngei Ijip ami Ijip am khüei yaonghühen, hatü jom hüki hük khüei hokhühen; chingyowi chingyow, chingnyüi chingnyü homei, hatü ongchingi ongching khüei hokhühen.

ISAIAH 19:2 Referans Kwoze

SHAHPHENBÜTHÜ 7:22

Mechem jomi amit kho jem vüngpa, Shembüpai veshanthü jom jom bapteihüteke, hatü veshanthü Zererah phikü Beth-Shittah thahshi hatü Tabbath yopai leipü Abel-Meholah thahshi nyaidaikem.

1 SAMUEL 14:20

Hahepak kü Saul hatü büpa mü nyupü nanglakthü kemei thaitü vehokei dai. Philistia ami jom nyingnying nepongpaüi jüteiyei eeteke.

MATHI 10:36

hatü shennyak hükei vepayü shem am vaihen.

MATHI 12:25

Jomphongi mehe deih, büpai ha nyingei büpai jomphong kü, “Ongching hük laophü khüei hanpeyü dodainyeih, hatü mepa chingnyü nevaijü shemong laophüi laophü khüei hanhen neyaongaoknyih.

MATHI 10:21

Jeihinaüi jeihinaü jütükhen nangkü yutükhen, pa-i ha yuhen, hatü hapeüthüi nyühipa khüei yaonghen hatü jütükhen.

EZEKIEL 38:21

Ngei Gog khüei ngelei kahshangthü peülei thep nyükhen shei Shembüpai enyüke. Büpalei yanlu laophülei shennyak khüei nyuhen.

ISAIAH 9:21

Manasseh ami Ephraim am hahhen; Ephraim ami Manasseh am hahhen; jom chemi Judah am khüei yaonghen. Hapaiyao büpa mongshihpü nedoh; büpalei lak shaang thahshi noshi nyüke.

1 SAMUEL 14:16

Benjamin amei kahdok Gibeathlei Saulei veyombüthüi Philistia am nyemei aphipe kü nyaiteipü ee.

SHAHPHENBÜTHÜ 9:23

Hahepak kü Kahvangi Abimelekh hi Shekhem am aa kü mang laang shom, hatü jomi Abimelekh kü longi nemei-i noteke.

MATHI 24:7

Mehenangkü jati jat khüei, hatü ongchingi ongching khüei yaonghen, hatü shing peü philei shaühile hatü pedi vükpü nyukahen.

JEREMIAH 46:12

Jatthüi nüng veüpü jung danteke, hatü kahdokü nüng theppü ngeüi mahteke; mehenangkü vehokbüthüi vehokbüthü kü huluh shuohteke, hatü jijinyiphen doteke.

JEREMIAH 51:46

Kahmük kü shahjang lemmü lemmü danshingkü tenyem; Shenüng shahjang hük ngüvang hük shei kahmük kü dehilao shahjang, hatü ong hüki ong hük khüei hokhen shahjang danhen.

ZEKHARIAH 8:10

Hapa hepak shekeyü shennyak hatü yemhimak yemhahleying shing neshiüi nyuhampeih. Vepa kü nyempü nangkü üpayao meishi lathahlatying longteihen neaoki nyupeih; mehenangkü ngei hüki hük khüteihen mü leihüpeih.

1 ONGPATHÜ 16:21

Hahepak kü Israel nanglakthüyü khong nyi vaishi hantü nyu; nanglak hükkei shingi Kinahlei cheha Tibni ong vaihühen khe, hatü khong hükkei shingi Omri kü sheüh.

2 SHÜPPÜKENGPÜ 15:6

Jat hüki jat hük, hatü ongching hüki ongching hük hahhamteke; mehenangkü Kahvangi jom kü shanghah lemphü homei shangponghüpeih.

ISAIAH 3:5

Shennyakthü hüki hük kü shüveiteihen, hashih-i behe kü dhüm neshuohhen, nyüten patenthüi hamhiman kü dheshing dhenaamhen.

MARK 3:24

Ongching hüki laophü kü-üng khüei hanjema, mechemao hapa ongching neyaongaokpih,