ISAIAH 19:11 - DAÜLANGPÜ LAIHING (BSI)

¹¹ Zoan am mübüthüyü ngapathü mon, Pharaoh kü shahnying eteipüthü kemei ngashah mon enyüke. Mekei etü ammi Pharaoh kü, “Ngeiyü nyingpühingpü hük, longli ongli shei eaokhen?”

ISAIAH 19:11 Referans Kwoze

BHEI-IE 13:22

Jom Negeb homei aong, hatü Anakei hühihathü, Ahiman, Sheshai hatü Talmai am nyupü Hebron ngoishi peiteke. (Hebronü Ijip leipü Zoan mü vangbong nyeti yeihshi ching agteke.)

PHONGSHANTHÜ DOU 7:22

Hanangkü Mosa kü Ijip amei kihikon lemphü nyuh, hatü büpa shah hatü dou kü longi wong kohshi nyuteke.

ISAIAH 30:4

Jomei lakchongbüthü Zoanei nyujao, hatü jomei lembü Hanez ngoijao,

MENVIH KESHO 78:43

Mechem büpai Ijiplei nyangeihepü hupa, hatü Zoan shingmeijilei yashanpü douthü hupa deihshi neshiü.

1 ONGPATHÜ 4:30

Hanangkü Solomonei kihikonü Heong kahdok kübü shennyakthü hatü Ijip am nahpülangpüthülei kihikon mao nahpüba nyuteke.

MENVIH KESHO 78:12

Chebü chepa ami eeshi Ijip kahdok, hatü Zoan shingmeijilei büpai yashanpü douthü dükpeih.

EZEKIEL 30:14

Ngei Pathros lavüngtoiyei tuhhen, hatü Zoan kü ngei aw haphen, hatü ngei Thebes am kü shahphenhen.

EZEKIEL 7:26

Shanghah pheikü shanghah peihen, shahjang ten pheikü shahjang ten danhen. Jomi thibü leipü manghkhang naei yemhen, ngongpa leipü shahkung nyuhpüvenpü mahdaihen, hatü behethü leipü shahnying venpü nedanghen.

JEREMIAH 49:7

Shembüpai Edom an nangkü hapakei enyüke: “Teman kü kihikon neshiüpü je? Kenhingpüthü kü shahnying ehen mahdaipü je? Jomei kon kemdaipü je?

JEREMIAH 10:21

Mi yombüthüyü sholi neshiü, hatü Shembüpa kü nephenyu. Hanangkü jom nedaneshe hatü jomei yemhimak kemei haidaipeih.

JEREMIAH 10:14

Peü kemei sholi hatü kon neshiü; hon shükbüi büpai lingpü lajei eetü veünyüke. Büpalei lajeiyü lueilempü mon; hathüi ngü neheenyu.

ISAIAH 44:25

Ngei lak-ow veipüthü ngapa leitüknyeih, hatü phongyompüthüi tetpü ngashah leitüknyeih. Ngei nahpülangpüthülei kihikon yaktüknyeih, hatü ngashah yoishah leitüknyeih.

ISAIAH 29:14

Hanangkü shao chem hapa shennyakthü kü hanbenüng, yashanbenüng dou dükhen; nahpüthülei kihikon mahtükhen, hatü yao-aokpüthülei kon nyatükhen.”

ISAIAH 19:13

Zoan am mübüthüyü ngapa leidaikemteke; Memphis am longhiongthüyü mongnyong kohdaiteke, Jat kü shongkaong vaipüthüi Ijip am lemnyong kü mülangteke.

ISAIAH 19:3

Ijip amei mong mahtükhühen, hatü jomei küpjan kong leitükhen. Jomi lajei hatü yimpi laangthü kü pheyuhen, laangthü hatü phongyompüthü kü pheyuhen.

KANDOK 30:2

Hingmei, ngeiyü shennyak nele-i ngadaiteke; ngei kü hangku kü nyubenüng danaokpü kon neshiü.

MENVIH KESHO 92:6

Ngapa hüki ha nyingei neaok, yoipa hüki ha nedanaokpih.

MENVIH KESHO 73:22

ngeiyü ngapa hatü nenyingpü am kei, hatü nüng touei yemtenmakshai kei nyupeih.

MENVIH KESHO 33:10

Shembüpai jatthülei küpjan kong leitüknyeih; büpai hangkuthülei mükhong bangtüknyeih.

JOB SHAHSHA APPÜ 12:17

Büpai vanglem lempüthü kon neshiüi leitüknyeih, hatü shahphenbüthü ngapathü kei leitüknyeih.

JEREMIAH 8:9

Shembüpalei shah yaktükpü nangkü nahpüthü veühühen; jom longi mongmanghen hatü tai kü manhen. Jomi ngelei shahthü yaktük, shaang jomi mehe kon dangpa?

JEREMIAH 46:17

Daühingam epai laophülei laphen lüktükpü Ijip ongpa Pharaoh kü, “Ngamduw” shei mentuh.

EZEKIEL 28:17

Nüng dhemeilaümapü nangkü nüngei mongei changmei; nüng veihen meipü nangkü nüngei kon mangtükpeih. Hanangkü ngei nüngü kahdokei yaktükpeih; jomei müki veiteihen shingvaishi ngei ongthü touei shakei ngaihüpeih.

OBADIAH 1:7

Am khüambakpü mongjemthüi-üng am luhahteke; jomi am kahmük kübü changtükteke. Am mongjem pongpü kahmükthüi am khüei yaongteke; am mü nükshung hük kü küpü küphüthüi am khüeitai heanteke, shejao ammi ha güh neyepaokhen.

MÜLANGPÜ 8:4

Loukthüi nüng, nüngei nanglakthü hatü lakchongbüthü kü bakkahen” shei eteke.

MÜLANGPÜ 8:14

Ijip ami loukmahng thaiyei shüngteke hatü kahdok peü kü shie büteke.

1 ONGPATHÜ 5:10

Hapa keiha Hirami Solomon kü büpai napükei cedarpü hatü awkaongpüthü shuoh.

OBADIAH 1:8

“Hapa nyih kü,” Shembüpai enyüke, “Ngei Edom am nahpülangpüthü, Esau kahshangthü leipü nyingpühingpüthü nemahtükhen je?”