ISAIAH 18:3 - DAÜLANGPÜ LAIHING (BSI)

³ Kahdoknyülei nyupü am hangkuli peü, mechem kahshangei khüamlung hük haongkahen, veituh! Mechem amit vüngkahen, bangtuh!

ISAIAH 18:3 Referans Kwoze

ISAIAH 5:26

Büpai tailu leipü jatthü kü khüamlung annyüke, büpai kahdoknyü dohpülei nyupüthü kü nyüknyüke, hatü hatouei jomphong shülangi peinyüke.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

MATHI 13:16

Shejao ammei mükthü moihiman; mehenangkü hathüi eenyüke, hatü ammei dhaongi dannyüke.

MATHI 13:9

Dhaong kohpü peüi bangtuh!

ZEKHARIAH 9:14

Hahepak kü Shembüpa jom shak kü vamhen; büpalei lahhan klang keiha kaphen; Jeiyong Shembüpai amit vünghen, hatü büpa pehephi leipü alüngleple kei mokhen.

MIKA 6:9

Bangtuh, Shembüpai chingnyü kü nyüknyüke, hatü Shembüpalei men kü nyemhenü kon kohpü nyüke. Bangtuh, Oh jat hatü chingnyü kü thaiyei nyupüthü!

MIKA 6:2

Shembüpai thaüvaüpü kü bangtuh, Oh kahshangthü; hatü bangtuh am nedohnetenpü kahdoknyü chongnyiamthü. Mehenangkü Shembüpai laophülei nanglak khüei shahphenhen nyüke; Büpai Israel am khüei thaüvaü hük yah-ei peikünyüke.

JEREMIAH 22:29

Oh kahdok, kahdok, kahdok, Shembüpalei shah bangtuh!

ISAIAH 13:4

Khongnyü longpülei ngeü keiha, kahshang leipü ngeü kü banghümao! Ongchingthü hatü jatthü thaipü ngeü kü banghümao, Jeiyong Shembüpai vehok hokhen veshanthü longi temnyüke.

ISAIAH 13:2

Meheyao neshiüpü shangtao hük kü khüamlung haongtuh; changmeipü longhiong nyupü penyüsha homei chinghah shühen baongeishuoh.

ISAIAH 7:18

Hapa nyih kü Shembüpai Nile yungyen leipü maanhayow kei Ijip am, hatü nyahnyüyow kei Assyria am nyükei thaikahen.

ISAIAH 1:2

Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.

MENVIH KESHO 50:1

Vanghe aongpü kübü shüpü thahshi, Jeiyong Kahvang, Shembüpai enyüke, hatü nyüknyüke.

ISAIAH 31:9

Nyempai jomei penyüsha laamdaihen; vehok mangpü eeyei jomei veshan mübüthü tünghen.” Zionlei aw nyupeyü üpaleiang? Jerusalem leipü awbhaongü üpaleiang? shei SHEMBÜPAienyüke.

ISAIAH 49:22

Jeiyong Shembüpai hapakei enyüke: “Veituh, ngei lomi jatthü kü ngelei lak nohen, hatü shennyakthü kü ngelei shahvüng shuohhen; Jomi ammei yeshangthü lakei paümtü, hatü ammei yiükhathü bhagchongei pohtü leikahen.

JEREMIAH 51:27

Kahdok kü khüamlung haongtuh! jatthü kü amit vüngeishuoh! Pinnyü khüei hokhen jatthü temhütuh; Pinnyü khüei Ararat, Minni hatü Ashkenaz ongchingthü nyüktuh. Pinnyü khüei veshan mübü hük jetuh; Shoukhanbaongthü kei koyeithü shomtuh.

MIKA 1:2

Bangtuh, Oh jatli nanglakthü peü, Bangtuh, Oh am kahdok shak kü nyupüthü peü, Jeiyong Shembüpai am khüei denpü shuohhen, Shembüpai büpalei daülangpü moila shem kübü enyüke.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.