ISAIAH 17:8 - DAÜLANGPÜ LAIHING (BSI)

⁸ Jomi jomei laki linghahpü moidü kü dhüm neshuohhen, hatü jomi Asherah nyüha kahvang kü hingnelemhen, nevaijü jomei laki lingpü ayingshü jakpü moidü kü neveihen.

ISAIAH 17:8 Referans Kwoze

ISAIAH 30:22

Hahepak kü ammi hon hatü ngini shaokei lingpü lajeithü yah-ei ashakten keiha yaktüktuh.

ISAIAH 27:9

Hanangkü Jakobei mang tüktükhen, hatü hapayü jomei mang kemei tüktükpü betjük vaihen. Mechem yaongdhon khih mü ngümpü keiha büpai moidü yaongthü peü linghenshang, nyüha kahvang Asherahlei lajeithü, nevaijü hapalei moidüthü hükao yaongshi nechongkahen.

ISAIAH 2:8

Jomei kahdokü lajei mon maei nyüke; jomi jomei laki lingpü douthü kü aümei khümnyüke.

ZEKHARIAH 13:2

Hapa nyih kü, deih-ei danghen shingvaishi kahmük kü nyupü lajeithü men peü katitükhen, hatü kahmük kü nyupü thibüthü hatü nedaüpü laanghathü changtükhen,

ZEPHANIAH 1:3

Ngei shennyak hatü yemhimakthü; shangei piteipü ouhiyühthü, yungmong nyahthü maotükhen. Ngei nemeipüthü huluh shuohhühen. Ngei kahdok shak kübü hangkuli bhang mahtükhen shei Shembüpai enyüke.

HOSEA 14:8

Oh Ephraim, lajeithü mü ngei mehe linghen? Am kü jangpü hatü jungpeyü ngei hih. Düngei phenlak thüngshingi nyupü awkaongpü leshi ngeiyü nyüpeih; Am hinglempü ngei kübü vamnyüpeih.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

ISAIAH 44:15

Hapheikü büpai hapayü pü vaishi aw kü jaktü aan lingnyüke. Shao büpai hanei yah-ei kahvang lingtü hapa kü aümei khümnyüke.

ISAIAH 1:29

Ammi mongongteipü longkhampüthü eejü veükahen, ammi lümei khümteipü pemongthü eeshingkü mongmangkahen.

2 SHÜPPÜKENGPÜ 34:4

Büpai epü aimü Baal kahvangei moidü kemei bentük; büpai hathü kü jakpü ayingshü moidü kemei bentük, hatü Asherah nyüha kahvangei lajei hatü lebü lajeithü peü nihtük. Büpai hathü kemei nihtü hathü kü moila shuohteipüthülei mahngchongei haitük.

2 SHÜPPÜKENGPÜ 14:5

Büpai Judah chingnyü peü leipü vaümchong hatü ayingshü jakpü moidü peü yaktükkem. Büpa phangkü ongching nyiushemmei kü nyu.

MÜLANGPÜ 34:13

Ammi jomei moidüthü, jomei daülangpü shemnyüthü, hatü jomei Asherah nyüha kahvang lajeithü nihtüktuh” shei e.

SHAHKÜP 7:5

Ammi jom kü hapakei dükeishuoh: Jomei moidüthü bentüktuh; jomei daülangpü yaong shemnyüthü nihtüktuh; jomei Asherah kahvang lajei mangtüktuh, hatü jomei lajeithü aw kü jaktüktuh.

2 SAMUEL 22:42

Jomi sheühpü yemjao üpaiyao jom yanghen neshiü; Jomi Shembüpa kü nyük, shejao Shembüpai jomi nyükpü kü nejang.

ISAIAH 10:20

Nyih hük Israel am aopüthü hatü Jakob am phang yangei nyupüthüi jom mahtükpüthü kü mong nenyanghen, shejao hingmei mü Shembüpa, Israel amei Daülangpü Hük kü mongnyanghen.

ISAIAH 17:9

Hapa nyih jomei wong kohpü chingnyü-ü Israel am kü nyemei nyaidaitü Amor hatü Hiv amei chingnyüthü lavüngtoiyei tuhpükei leidaihen.

ISAIAH 37:19

hatü Kahvang nevai, hangkui pü hatü yaong yah-ei laki lingpü kahvang vaipü nangkü ha kahvangthü aw kü jakei mangtükteke.

ISAIAH 41:29

Hathü kahvangthü peü yahlak neshiü; jomei douthüao kong, jomei lajeithü wong neshiü hatü kong khih.

JEREMIAH 17:2

Jomei hapeüthüi dangkao püdhüm hatü shangtao shaopü peü kü jomei moidü hatü Asherah kahvang lajeithü kü khümnyüke.

2 SHÜPPÜKENGPÜ 31:1

Mechem moei kempa, halei thaipü Israel am kemei Judah jilathülei yanei daiyei daülangpü yaong shemnyüthü hatü Asherah nyüha kahvangei lajeithü mangtük. Jomi Judah, Benjamin hatü Ephraim hi Manasseh kü nyupü vaümchong hatü moidü peü bentük. Jomi hathü peü mangtükpheikü Israel ami laophü laophülei ching hatü kahphei shemshing yemei leidaikem.

HOSEA 14:9

Üami nahnya, jomi ha yaonyüke, üami yepaoknya, büpai hapa nyingaoknyüke. Shembüpalei lemthüyü daülangi nyüke; Daülangpüthü ha kü kamnyeih, shejao mangthü ha kü huluh shuohnyeih.”