ISAIAH 17:3 - DAÜLANGPÜ LAIHING (BSI)

³ Ephraim leipü chingnyü pe kemei bendaihen, hatü Damaska amei longhiong ngan mahdaihen. Aram am aopüthü kemei Israel am keiha lomoh ponghen” shei Jeiyong Shembüpai enyüke.

ISAIAH 17:3 Referans Kwoze

HOSEA 9:11

Ephraim amei müknyinshekhangü ou hük kei piyei lüdaihen; Naü uoshing kü naü nekohhen, hatü moi nepaihen.

ISAIAH 8:4

Hapa naüi, ‘Onyü’ nevaijü ‘Opa’ shei nyükhen nyingshekü Damaska amei mophimo hatü Samaria amei dounyünangba kemei Assyria ongpai koei lüdaihen” shei eteke.

ISAIAH 7:16

Shejao hapa naüi ten yaktükhen, hatü jiüpü jehen meishi nyinghen shekü nüng nyemhüpü hapa ongpa nyilei kahdok lavüngtoiyei nyuhen.

ISAIAH 7:8

Mehenangkü Aram amü jomei chingnyü Damaska mü wong kohpüba nevai, hatü Damaskayü Rezin mü wong kohpüba nevai. Israel am nangkeyü bong pejempünga thahshi jat hük shei ehen mü nevai-i nanglakthü peü haitükkemhen.

AMOS 8:14

Üami Samaria amei lajei kü, hatü Dan amei kahvang kü, nevaijü Beer-sheba amei kahvang men kü shei vangeishuwnya, jom dohen, hatü haleipü hajük kü nepao-aokhen.”

HOSEA 10:14

Ammei nanglakthü khüei vehok vamkahen, hatü ammei penyüsha bentükhen. Hapayü Shalman ongpai Beth-Arbel vehok kü nyü, hatü hapeüthü ngümei jüpükei nyukahen.

HOSEA 8:8

Shaang Israel amü lebü jatthü kei leidaiteke, hatü dükten kei nyüke.

HOSEA 3:4

Hapa keiha Israel ami nyih longi longhiong neshiüi, moila neshuoh-i, hatü daülangpü yaongthü nevaijü yaongnaüya nevaijü lajeithü neshiüi nyuhen.

HOSEA 1:6

Gomer shao büm nekongi lei, hatü yiükha hük büh. Shembüpai Hosea kü, “Pinnyü kü Lo Ruhamah shei mentuh; mehenangkü ngei hajük kü Israel nanglakthü kü nebampih, hatü jom kü mang netükpih.

HOSEA 1:4

Shembüpai Hosea kü, “Hapa naü kü Jezreel shei mentuh; mehenangkü meshük ne-angi ngei Jezreelei jüpü nangkü ngei Jehu am shem mahtükhen, hatü Israel ongching ngei dohtükhen.

ISAIAH 17:4

“Hapa nyih Jakob amei müknyinshekhang mahdaihen; hatü büm kübü cheü kemdaihen.

ISAIAH 16:14

Shejao shaang Shembüpai enyüke: “Bong jem mong aa kü Moab amei müknyinshekhangpü mophimo mahdaihen; nanglak longi nyujao maani mon aoei nyuhen, hatü wong nekoh-i nyuhen.”

ISAIAH 10:9

Kalno amü Karkhemish am neleang je? Hamath amü Arpad am neleang je? Samaria amü Damaska am nelang je?

2 ONGPATHÜ 17:6

Hoshea ong vaipü bong shüpabü kü Assyria ongpai Samaria omei yah, hatü Israel am kemei Assyrialei wüpei deilang. Büpai hathü hanei Habor Yungnyü yopailei Gozan kahdok Halah chingnyülei tuh, hatü haneiyü Media chingnyülei tuhteke.

2 ONGPATHÜ 16:9

Assyria ongpai hapa kü khüambakei aongei Damaska hah, hatü haleipü shennyakthü Kirlei shetei dei, hatü Rezin ongpayü jütük.

ISAIAH 25:2

Mehenangkü nüngi chingnyüao nyüp yakshing leitük, penyü showtükpü chingnyüao bentük; Kung amei chingnyü-ü ching neshiüi leitük, hapa sheyü nelingaokhen.