ISAIAH 17:13 - DAÜLANGPÜ LAIHING (BSI)

¹³ Jatthüyü yung longpü ngeü keiha ngeü annyüke, shejao Kahvangi lohshuohjü jom nyaidainyüke. Vanglüki hahbhang kahshang lemei piyei deipükei, nevaijü yinglükpalei-i bhihla piyei deipükei nyüke.

ISAIAH 17:13 Referans Kwoze

MENVIH KESHO 9:5

Nüngi jatthü kü lohteke, nüngi nemeipüthü mangtük; nüngi den kü jomei men thitei yaktükteke.

MENVIH KESHO 1:4

Shejao nemeipü shennyakthüyü hapakei nevai; jomphongü vanglüki piyei deilangpü hahbhang keiha nyüke.

JOB SHAHSHA APPÜ 21:18

Meshükpa jomphong vanglük shaw kübü hahtang nevaijü hahbhang kei piyei deilangpa?

ISAIAH 29:5

Shejao nüngei vepathü longi nyujao bhihla keiha leidaihen, hatü hahbhang kei pilanghen. Ngangahük kü nedeihpü hepak kü,

HOSEA 13:3

Hanangkü jomü nepnüng nyaü, nevaijü dhom hepak nyien kei lomi nyadaihen, Hah tenshing kübü hahbhang pidaipükei, nevaijü shaden kü awshit daipükei lüdaikemhen.

DANIEL 2:35

Hahepak kü nyiam, ashem, melangnyiam, ngin hatü hon kemei chemi khih mü nihdai, hatü shaonyü hepak kü hah tenshing leipü hahbhang kei lei, hatü hapa shing khih shei nelekaokhen mü vanglüki maoei lüdaiteke. Shejao yaong payü kahdok peü küppei kahshang longpü leiteke.”

ISAIAH 27:1

Hapa nyih kü Shembüpai laophülei wong kohpü hatü dihen leü kohpü yanlu yah-ei kaokei nyokei kamteipü Leviathan biü hanghihühen; büpai yungching mongei nyupü hapa biü jütükhen.

ISAIAH 14:25

Ngei ngelei kahdokei Assyria am ngümtükhen; ngelei kahshangei ngei büpa la-i shoupei shantükhen. Büpalei kenh ngelei nanglakthü leipü bhühtükhen, hatü büpalei hanggovih jomei bhagchong leipü yailanghen.

MENVIH KESHO 35:5

Shembüpalei vangsho phongshanthüi jom kü changshing kü jomü vanglükshaw kübü hahbhang kei nyuhütuh.

JOB SHAHSHA APPÜ 38:11

‘Hajük thahshi mon nüng heihhen, ha mü lenei neheihkahen, hajük thahshi mon nüngei changmeipü yungmok heihhen’ shei eshingkü nüng melei nyuhampa?”

MENVIH KESHO 65:7

Nüngi yungching ngüngpü, yungmok ngeü hatü jatthü moppücheüpü dohtükhü.

ISAIAH 8:7

Shembüpai jom khüei Euphrates yungnyü büng keiha Assyria ongpa mü büpalei veshanthü müei peihen; hapayü yunglemthü peü linei yungphaang küpei longhen;

ISAIAH 21:15

Mehenangkü jomü yani mahhen, hatü mih-ei lahhilaong kübü, hatü mangpü thepju kübü nyaiyei peikünyu khih.

ISAIAH 22:18

Nüngü nyeikaung kei toilangi nuitü longpü kahmükei yaktükhen; halei nüng dihen, hatü nüngei nethe meipü koyei kharithü halei nyudaihen. Oh laophülei shembü mongmanghüpeyü nüng khih!

ISAIAH 34:17

Büpai hathülei phaihan shuoh-ei nyüke. Büpalei laki hathü kü shetei shuoh-ei nyüke. Jomi hathü den den shing yahhen hatü halei nyuhen.

ISAIAH 40:15

Hingmei, Shembüpa shingvaishi jatthüyü yungdükei yung jük hük shühpü keiha; jomphongü dok kü bhihla hük keiha; büpai shübaongthü kü bhihla hük kü kei deihnyüke.

ISAIAH 40:24

Jomphongü shaang shompü nevaijü haiphongpü sheili kahdokei tünglang yiüei pangpü keiha nyüke. Mechem Shembüpai vanglük shomhen, jom kaudainyüke, hatü hahbhang keiha alüngleple-i jom maoei lüdainyüke.

ISAIAH 41:11

Üami am khüei yaongnya, hingmei mü veü ponghen, hatü lomohhen; Üami am khüei hoknya, mahhen hatü kong leidaihen.

ZEPHANIAH 2:2

Vanglüki hahbhang maoei daipükei mangdeilang shekü, Shembüpai nemei-i lohpü am touei mangpeikei shekü, Shembüpa mongshihpü am mangngoikei shekü deih-ei dangtuh.

MENVIH KESHO 65:8

Nüngi dükpü longpü douthü kü kahdoknyü peü nyemei yaongnyüke; nüngi dhom hi om vamhünyeih, hatü mongongpai lennyüke.

ISAIAH 30:28

Büpalei ngü üng thahshi aongpü büng kei nyüke. Hapai jatthü peü maoei deiyei mahtüknyeih, hatü lemnyong kü daihen shingvaishi büpai ju kü nyiam maahünyeih.