ISAIAH 17:10 - DAÜLANGPÜ LAIHING (BSI)

¹⁰ Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

ISAIAH 17:10 Referans Kwoze

JEREMIAH 2:32

Nela hüki laophülei chühiyük, hatü doidaila hüki laophülei owhiai be-aokhen je? Shejao ngelei nanglakthüi nyih longi ieyei neaoki ngei betükteke.

ISAIAH 26:4

Den kü Shembüpa kü hinglemtuh; mehenangkü Shembüpa, Jeiyong Kahvangü nedohnetenpü loishing Yaongnyü.

SHAHKÜP 32:18

Am bühpü paümpü Yaong ammi yakphong, am kü yangnyu shuohpü Kahvang betük.

MENVIH KESHO 106:21

Ijiplei dou longpü dükpü Kahvang jomei Yemleipüba,

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

HOSEA 8:14

Israel ami jom Lingbü betüktü ongshemthü veteke; hatü Judah ami jilathü kü pe showteke; Shejao ngei jomei chingnyüthü kü aw shomhen, hatü jomei penyüsha hahtükhen.

JEREMIAH 17:13

Oh Shembüpa, Israel amei monglemshing, nüng yakphongpüthü peü veü ponghen. Nüng toueipü yanei lüdaipüthü kübhih kü men nyangpükei nyuhen, mehenangkü jomi Shembüpa, yangnyu yunglok tuhphongteke.”

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.

ISAIAH 51:13

Amü am Lingbü Shembüpa, vangshothü paanei deishihpü, kahdoknyü chongnyiam yaong haübü betükteke. Amü am kü shüveipüthülei mongshih eeyei, am mahtükhen khih shei nyihjeih nyempü vüngpai maei nyunyüke. Shejao am kü shüveipüthülei mongshih melei nyüpa?

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

MENVIH KESHO 106:13

Shejao lomi jomi büpalei douthü betük; jomi büpalei shahnying danei nenyu.

MENVIH KESHO 85:4

Ham müei leituh, Oh ham yemleipü Kahvang, hatü nüngi ham kü mongshihpü yaktükshih.

SHAHKÜP 32:31

Jomei yaongü jenei Yaong kei nevai; jenei vepathü-ü ngapathü khih.

MENVIH KESHO 79:9

Sheühshih, Oh ham yemleipü Kahvang, nüngei men müknyinshekhangpü men kü nüngi ham yangshih, hatü mang tükshih.

1 SHÜPPÜKENGPÜ 16:35

“Ham yangtuh, Oh Kahvang ham yemleipüba; hami nüngei daülangpü men menvih, hatü hami nüng men vih-ei müknyinshekhanghen nangkü jatthü toueipü ham thaiyei leitü yangshih” shei lentuh.

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

SHAHKÜP 28:30

Ammi doi khamei tuhhen shejao lebü shennyaki aetei lüdaihen. Ammi shem vehen shejao halei nenyuaokhen. Ammi nyalingngupai sheihen shejao haleipü betjük nehahhen.

SHAHKÜP 8:19

Amphongi Shembüpa, ammei Kahvang betüktü lebü kahvang phei müei daiyei khümjema hatü chongphojema, amphong hingmei mahkemhen shei shinnyih ngei am kü shahvüng shuohnyüpeih.

SHAHKÜP 8:14

aa vaiyei nyupü Ijip kahdok leipü müei leipü Shembüpa, ammei Kahvang betüktü nechangmeihen kenhingtuh.

SHAHKÜP 8:11

Shembüpa, ammei Kahvang nebetükhen lituh, hatü büpalei shahkungthü hükao neshaihen kenhingtuh.

SHAHKÜP 6:12

aa vaishi nyupü Ijip kahdok leipü am müei leipü Shembüpa nebetükhen kenhingtuh.

LEVI 26:20

Nanglei neshiüpü kü ammei wong tükhen; ammei kahdoki sheili nekohhühen, nevaijü kahdok kübü püthüi betjük nejükhühen.

LEVI 26:16

ngei am kü hapakei dükhen: Ngei am kü nyempühanpü, nemeiaokbenüng dinten, pheühileü homei mükhina tenei yangnyu lomohhen koei peikahen; ammi sheipü sheili angsha vaitükhen; mehenangkü ammei vepathüi hapa hahtükhen.

ZEPHANIAH 1:13

Jomei mophimo aetlangkemhen, jomei shemthü bentükhen. Jomi shem vehen, shejao hapa kü jom nenyuaokhen. Jomi nyalingngupai sheihen, shejao ha kübü yiü neyingaokhen.

HABAKKUK 3:18

shejao ngei Shembüpa kü mongonghen; ngei yemleipü Kahvang kü ngei mongmeihen.

AMOS 5:11

Ammi taopathü kü la-i shoupnyüke, hatü jomei hah yahlangnyüke. Hanangkü ammi yaongshem velangmao, ha kü nenyuhen; ammi nyalingngupai longi sheiteke, shejao haleipü yiü ammi neyinghen.

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

MENVIH KESHO 65:5

Nüngi ham kü nüngei daülangpü nyempühanpü doui jangpeih, Oh ham yemleipü Kahvang. Nüngü kahdoknyü dohpü hatü taipü yungching thahshi monglemaokpüba.

MENVIH KESHO 31:2

Ngei kü nüngei dhaong shaangshih; lomi ngei yangshih. Nüngü ngei shingvaishi loishing yaongnyü vaikei, ngei yanghen penyüsha vaikei.

MENVIH KESHO 18:2

Shembüpayü ngelei yaong, ngelei penyüsha hatü ngei yangbü; ngelei Kahvang, ngei loipü yaongnyü, ngelei inyüshung, ngelei yemleipü vaung hatü ngelei penyüsha.

MENVIH KESHO 9:17

Nemeipüthü mahngshalei nyokei shüdainyeih, Kahvang betükpü jatthü peü kemei.

ISAIAH 17:9

Hapa nyih jomei wong kohpü chingnyü-ü Israel am kü nyemei nyaidaitü Amor hatü Hiv amei chingnyüthü lavüngtoiyei tuhpükei leidaihen.

ISAIAH 18:5

Sheili sheipü bong pungei, betjük vungjük shümhen hepak, shejao hapa vaümhen shekü, büpai haleipü shiongja vampü daktükhen, hatü phaakei daei daipü pükaothü louhtükhen.

ISAIAH 25:4

Nüngü taopathülei loishing meipü, hatü nehahneyingpüthü shanghah shingkü nüng jomei loishing. Baihivang hatü nyahpüshampü kü nüngü loishing hatü dhüm nyuteke. Mechem nemeipüthüi ünyü hepak kübü vang keiha ching hahpa,

ISAIAH 30:29

Shejao Kahvangei nanglakthü amphongü mohitap kü yanüng kesho nyahhai-i mongongpükei nyuhen. Ammei mongü nanglakthüi Shembüpalei Kahshang, Israel amei Yaongnyü touei liping vüngei aongjü mongongpükei nyuhen.

ISAIAH 33:2

Oh Shembüpa, nüngi ham kü phahjishih; hami nüng omdannyeih. Nüngü nepjeih hamei wong, shanghah hepak kü ham yangbü vaikei.

ISAIAH 44:8

Amphong tenyem nevaijü tehan, Ngei shelei mebü-üng ha am kü ne-eangpü je? Amphongü ngelei denbüthü, Ngei mü lenei lebü Kahvang nyüpü je? Lebü Yaong neshiü; ngei hükao nyingei neshiüpih.”

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”

JEREMIAH 3:21

Kahshang shaopü leipü vaüpü eepü, hatü Israel hapeüthü theppü dannyüke, mehenangkü jomi lemnyong kü kamei, Shembüpa, jomei Kahvang betükteke.

EZEKIEL 23:35

Hanangkü Shembüpa Kahvangi ha enyüke: Nüngi ngei betük hatü nüngei ngaümpheilei yaktükpü nangkü nüng iyjeiphailei hatü büm yuei kamteipü mang nüngi kohen.

JOEL 1:17

Kahdokvan kü sheilivungla didaipü nangkü puongmong kemei kongdai; hahpuongthü peü tendaikem.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”