ISAIAH 17:1 - DAÜLANGPÜ LAIHING (BSI)

¹ Damaska am nangkü epü shah: “Veituh, Damaskayü hajük kü chingnyü nevaikahen, shejao nyüp shükshing vaihen.

ISAIAH 17:1 Referans Kwoze

ZEKHARIAH 9:1

Shembüpalei shah Hadrakh kahdok, hatü Damaska am khüei nyüke. Mehenangkü Israel jat keiha Aram amei chingnyüao Shembüpa lompü nyüke.

ISAIAH 25:2

Mehenangkü nüngi chingnyüao nyüp yakshing leitük, penyü showtükpü chingnyüao bentük; Kung amei chingnyü-ü ching neshiüi leitük, hapa sheyü nelingaokhen.

PHONGSHANTHÜ DOU 9:2

ha Lem kü nyupüthü dangjü nyüha vaijao baha vaijao yepei Jerusalemei leihen shingvaishi Damaskalei nyupü Sinagogthü kü büpa jung eyei nyangpü lai yüteke.

MIKA 1:6

Hanangkü ngei Samariayü nyüp yakshing hük, nyalingngupai sheihen shing hük leihühen. Ngei haleipü yaongthü paangei kahjilei shantükhen, hatü pinnyülei chongnyiam shing kong leitükhen.

JEREMIAH 49:2

Shejao ngei Ammon leipü Rabbah am khüei vebaong shemm kaonghen hepak ngoikünyüke shei Shembüpai enyüke. Hapayü bentüktü tuhhen, hatü hapa kü ngeihpü shonpü chingthü awi haptükhen. Hahepak kü Israel am changtükpüthü shao jomiyao hathü changtükhen shei Shembüpai enyüke.

ISAIAH 7:8

Mehenangkü Aram amü jomei chingnyü Damaska mü wong kohpüba nevai, hatü Damaskayü Rezin mü wong kohpüba nevai. Israel am nangkeyü bong pejempünga thahshi jat hük shei ehen mü nevai-i nanglakthü peü haitükkemhen.

KAHBHAO 14:15

Yanüng Abrami büpalei veshanthü hantü Damaska kü apshaphi Hobah thahshi hathü jühen changei dai.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

ISAIAH 37:26

Hepak luangi daiteke, hapakei nyemvam shei ngei hanpeih; ha nüngi nedanangpü je? Penyü showtükpü chingnyüthü yaong khongpükei nüngi leitükpeyü ngei aivang den mebü hapa küpjan lingpeih, hatü shaang ngei hapa vamhüpeih.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

ISAIAH 15:1

Moab am nangkü epü shah: Moab kahdok kübü Ar hatü Kir nyi yahük kü mahtükpeih; shejao Moab ami hapa kü meheyao nedükaok.

ISAIAH 13:1

Babylon am nangkü Amozlei cheha Isaiah-i eepü manghkhang shah:

ISAIAH 10:9

Kalno amü Karkhemish am neleang je? Hamath amü Arpad am neleang je? Samaria amü Damaska am nelang je?

ISAIAH 8:4

Hapa naüi, ‘Onyü’ nevaijü ‘Opa’ shei nyükhen nyingshekü Damaska amei mophimo hatü Samaria amei dounyünangba kemei Assyria ongpai koei lüdaihen” shei eteke.

2 SHÜPPÜKENGPÜ 28:23

Büpa kü hok neüshuohpü Damaska amei kahvang kü büpai moila shuoh; mehenangkü büpai, “Aram ongpalei kahvangi jom kü sheühpü nangkü ngei kao nyemsheühphanüng ngei hathü kahvangthü kü moila shuohhen hih” shei deih. Shejao hathü homei büpa hatü Israel am kemei doteke.

2 SHÜPPÜKENGPÜ 28:5

Hanangkü Shembüpa, büpalei Kahvangi büpa Aram ongpa kü shuohtük. Aram ami büpa neütüktü büpalei nanglakthü longi yepei Damaskalei leilang. Shao büpa Israel amei lak kü shuoh hatü büpalei nanglak longi mah.

2 ONGPATHÜ 16:9

Assyria ongpai hapa kü khüambakei aongei Damaska hah, hatü haleipü shennyakthü Kirlei shetei dei, hatü Rezin ongpayü jütük.

KAHBHAO 15:2

Shejao Abrami, “Oh Shembüpa Kahvang, nüngi ngei kü mehe yahphahen? Mehenangkü ngeiyü hapeü neshiü, hatü ngelei mükjüpü Damaska am Eliezer-i yahhen je?” shei e.

1 SHÜPPÜKENGPÜ 18:5

Mechem Damaska leipü Aram am Zobah ongpai Hadadezer kü sheühhen peipa, Davidi jom haja hapünyi thahshi jütük.

1 ONGPATHÜ 11:24

shennyakthü thaitü shahkung venlepü khongkü mübü lei, hatü jomphong Damaskalei daiyei nyu, hatü büpalei nanglakthüi büpa ong vaihü.

SHAHKÜP 13:16

Halei nyupü nanglakthülei douhinang kemei shennyakthü thaiteipü shingei thaituh, hatü Shembüpa, ammei Kahvang kü dhaomü jakpü moila keiha hapa jila hatü haleipü douthü kemei jaktüktuh. Hapa shingü den kü lavüngtoiyei tuhhen hatü ne-yei nelinghen.

ISAIAH 7:16

Shejao hapa naüi ten yaktükhen, hatü jiüpü jehen meishi nyinghen shekü nüng nyemhüpü hapa ongpa nyilei kahdok lavüngtoiyei nyuhen.