ISAIAH 16:5 - DAÜLANGPÜ LAIHING (BSI)

⁵ Bampai ong uoshing linghen, hinglempai shennyaki hapa kü uohen; David phang kübü hük shahphen shingkü shahhing yempü, hatü jiüshangpü shülangi dükpü hük uohen.

ISAIAH 16:5 Referans Kwoze

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

KANDOK 20:28

Bampü hatü hinglempai ongpa hük yangei tuhnyüpeih, hatü büpalei ong uoshing daülangshemshepai shoungei tuhnyüpeih.

2 SAMUEL 7:16

Nüngei shem am hatü nüngei ongching ngei touei denden nyuhen; nüngei ong uoshing den den kü nyuhen” shei e.

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

ISAIAH 55:4

Veituh, ngei büpayü nanglakthü kü denbü hük, hatü nanglakthü shing mübü hük leihüpeih.

KANDOK 29:14

Ongpa hüki taopathü kü baong nehani shahphenjema, büpalei ong uoshing den kü wong kohshi nyuhen.

MENVIH KESHO 99:4

Wong kohpü Ongpa, shahhing kü bampü, nüngi shahhing chonglingei tuhteke; nüngi Jakob kü shahhing, hatü daülangshemshepü dükteke.

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

MENVIH KESHO 96:13

Büpa peikünyüke, büpai kahdoknyü shahphenhen peikünyüke shei jomi Shembüpa kü lokhen. Büpa daülangshemshepai kahdoknyü hatü shahhingi nanglakthülei shahphenhen.

MENVIH KESHO 89:14

Daülangshemshepü hatü shahhingü nüngei ong uoshing chongnyiam; bampü hatü shahhing epeyü nüng shekü dainyüke.

MENVIH KESHO 85:10

Bampü hatü hinglempü nyi pongteihen, daülangshemshepü hatü chingmei nyi ju kü jüpteihen.

2 SHÜPPÜKENGPÜ 31:20

Hapayü Hezekiah-i Judah kempülei Shembüpa, büpalei Kahvang kü hinglemei mehe mei hatü jiü, ha dükteke.

1 ONGPATHÜ 10:9

Nüng kü monghahpü hatü nüng Israel ong uoshing kü uohüpü Shembüpa nüngei Kahvangei men longtuh! Shembüpai Israel am kü düngei bampü nangkü shahhing hatü daülangshemshepü dou dükhen shingvaishi büpai nüng ong vaihüpü khih” shei e.

2 SAMUEL 23:3

Israel Kahvangi eteke; Israel amei Yaongnyüi ngei kü eteke: Kahvang nyemshi üpai ngelei nanglak kü shahhing kü vanglem lemnya,

2 SAMUEL 5:9

Davidi penyüsha omei yahtü halei nyu, hatü hapa kü, “David Chingnyü” shei nyük, hatü Davidi Millo kübü pangei chingmongei shüei chingnyü lingteke.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.