ISAIAH 16:3 - DAÜLANGPÜ LAIHING (BSI)

³ “Ham kü shahnying meipü venshih; mehe dükhen ham kü eshih. Hebaongwong kü yanüng kei nüngei vangdhümi dhümshih. Hamphongü benhayaha, ham kü ne-ühingi ungshih.

ISAIAH 16:3 Referans Kwoze

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

1 ONGPATHÜ 18:4

Mechem Jezebeli Shembüpalei thibüthü jütükpa, Obadiah-i thibüthü kho hük müei daiyei yaongsha nyi kü pinyipüan baong shüshihtü jotük, hatü hahying shuohteke.)

HEBREW 13:2

Yenpa kü bampü huhen tebetük; mehenangkü hapakei dükpai hanei ami nenyingi vangsho phongshanthü kü ühyingpeih.

MATHI 25:35

mehenangkü ngei aeiyei nyushingkü ammi ngei kü hahhen shuoh, ngei yung leyei nyushingkü ammi ngei kü yinghen shuoh, ngei yenpa kei nyushingkü ammi ngei mongongshi yah;

ZEKHARIAH 7:9

Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

DANIEL 4:27

Hanangkü, Oh Ongpa, nüngi ngei epü yahtuh. Mang dou dükpü dohtuh, jiüpü düktuh, hatü nehahneyingpü taopathü kü yahyang shinshang hutuh. Shejüang nüng nedoh-i angeideiyei nyuhen.”

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

ISAIAH 56:8

Israel am wüpküp leipü müei leipü, “Thaiyei tuhpüthü mü lenei ngei shao thaihen” shei enyüke.

ISAIAH 25:4

Nüngü taopathülei loishing meipü, hatü nehahneyingpüthü shanghah shingkü nüng jomei loishing. Baihivang hatü nyahpüshampü kü nüngü loishing hatü dhüm nyuteke. Mechem nemeipüthüi ünyü hepak kübü vang keiha ching hahpa,

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

ISAIAH 1:17

Jiüpü dükhen nyingtuh, shahhing yemtuh, neaoknethangpüthü kü sheühtuh. Hashihhathü kü jiüpü düktuh, vaümnyülei shahphentuh.

SHAHPHENBÜTHÜ 9:15

Hahepak kü daümnyak hüh-i, ‘Hingmei amphongi ngei ong nyemvaikei shei deihjema peiyei ngelei dhüm kü loituh; hapakei nevaijema daümnyak hüh kübü aw vamei Lebanon kübü cedar püthü hahtükkemtuh!’ ” shei eteke.

ISAIAH 58:7

Aeipüthü kü ammei hahying hanhen, shem neshiüpü taopathü kü loihen shem shuohhen; Bümkong eejü ashakviha shuohhen, hatü laophülei shem am kü sheühhen, hathü hih.