ISAIAH 16:12 - DAÜLANGPÜ LAIHING (BSI)

¹² Moab ami kahshang leipü vaümchongei khümnüng aongpai nyiudaijao, hatü phopshemei phoppai tengdaijao hapai shei mehe nangleiyao neshiü.

ISAIAH 16:12 Referans Kwoze

ISAIAH 15:2

Dibon ami phopshemei hatü vaümchongthülei thepei phophen aongteke; Moab ami Nebo hatü Medeba nangkü sho chaei kuptük, hatü jumum kuptüktü mahng thepnyüke.

JEREMIAH 48:35

Moablei vaümchongthü kü moila shuohpüthü hatü jomei kahvangthü kü ayingshü jakpüthü ngei dohtükkemhen” shei Shembüpai enyüke.

1 ONGPATHÜ 18:29

Hamhah hepak peihdaijao jomi nedoh-i om kü moila shuohpü hepak thahshi teteivanei, leneiwongei phop, shejao jangpü nepei; ngeü hükao nedan.

BHEI-IE 23:28

Hatü Balaki veishuohjü yingnyü eepü Peor shangchingei Balaam müei aongteke.

BHEI-IE 23:14

Hanangkü büpai büpa müei Zophim kah Pisgah shangchingei aong. Haleiyao büpai moidü nyet ling, hatü moidü ieyei kü mohoh hatü mi hükbaong moilateke.

BHEI-IE 22:39

Hanangkü Balak mü Balaam Kiriath-Huzothlei heih.

JEREMIAH 48:46

Oh Moab am onyükei! Kemosh nanglakthü mahdaiteke; Ammei hapeüthü wüpküpei yah-ei lüdaiteke.

JEREMIAH 48:13

Israel ami Bethel kü hinglempü homei veü pongpü keiha Moab amao Kemosh kü hinglempü nangkü veü ponghen.

JEREMIAH 48:7

Ammi ammei wong kü hatü mop kü monglempü nangkü am wüpküpei daihen, hatü Kemosh amao jomei ngongpathü, hatü lakchongbüthü omshi wüpküpei daihen.

JEREMIAH 10:5

Mükoh chongei ouhiyüh nyemhen nangkü lingpü lajei keiha jomei lajeithü nyüke; hathüi shah ehen neaoknyu. Hathü nekamaokpü nangkü koei dainyüke. Ammi hathü kü tenyem; hathüi mehe tenao nedükaokpih, nevaijü mehe meiyao nedükaokpih.”

ISAIAH 47:13

Ammi longi phongyomthiphepai am tengdaiteke; Üami vangsho lithathü kü veitü nih-ei khonya, hatü lenja kü veitü teteivanei enya, Jomi am touei mehe vongshüh peikünya, ha kübü nyemyangpha.

ISAIAH 37:38

Büpa laophülei Nisrokh kahvang khümshemei khümei nyushingkü büpalei cheha Adrammelekh hatü Sharezer nyi-i büpa baptü jü, hatü jiji Ararat kahdokei nyaidai. Büpalei cheha Essar-Haddoni büpa jeiyei ong vaiteke.

ISAIAH 26:16

Oh Shembüpa, shanghahpü nangkü jomi nüng yemteke; mechem nüngi jom kü lohshuohpa, jomi nümei dangkao phopnyüke.

KANDOK 1:28

Hahepak kü ammi ngei kü nyükhen; shejao ngei am kü nejanghen; Ammi ngei yemhen, shejao ngei nedanghen.

2 ONGPATHÜ 19:12

Gozan, Haran, Rezeph hatü Tel Assarlei nyupü Eden am hathü jatthülei kahvangthüi hamei bühipai mahtükpü kübü yangshuohla?

2 ONGPATHÜ 3:27

Hahepak kü büpa jeiyei ong vaihen nyupü cheha hashongpa yah-ei jütü chingnyü bham shangkü Moab kahvang kü jakpü moila shuoh. Israel am kü longi nyempü pei hatü jomi nyokei jomei kahdok yemei leidai.

1 ONGPATHÜ 11:7

Jerusalem heongphi kahshangei Solomoni jiühitnalaipü Moab amei Kemosh kahvang, hatü Ammon amei Molekh kahvang kü khümhen khümshing veteke.

BHEI-IE 24:17

Ngei büpa eenyüke, shejao shaang nevai; Ngei büpa kü veinyeih, shejao yopailei nevai. Jakob kübü litha hük vamkahen; Israel kübü lenshuoh hük vamkahen. Büpai Moab amei mübüthü, hatü Shethlei hapeüthü kemei ngümtükhen.

BHEI-IE 22:41

Nepphei Balaki Balaam müei Bamoth-Baal shei epü shingei aong, hatü hatoueipü büpai Israel nanglakthü hanei eeteke.

BHEI-IE 21:28

Chem hapa chingnyü leipü, Sihonei veshanthü aw kei vamei daiteke; Hapai Moab leipü Ar chingnyü, hatü Arnon leipü kahshangthü lühtükteke.

ISAIAH 16:13

Hapayü Moab am nangkü Shembüpai shelei mebü epü shahjangü ha nyupeih.