ISAIAH 15:5 - DAÜLANGPÜ LAIHING (BSI)

⁵ Ngelei mong Moab nangkü thepnyeih; haleipü shennyakthü Zoar, hatü Eglath-Shelishiyah thahshi nyaidaiteke. Jomphong thepyaki Luhith lemei, hatü jom lomohpü nangkü mahng thepyaki, Horonaim lemei aongnyüke.

ISAIAH 15:5 Referans Kwoze

JEREMIAH 48:5

Jomphongi Luhith lemei shahyaki thepyaki aongnyüke; Horonaim lemei yiüjajü mahpüchahpü ngeü danei mongshangei thepnyüke.

JEREMIAH 4:20

Shanghah kü shanghah dheanei, kahmük kemei lavüngtoiyei leidaiteke. Ngangahük kü ngelei ashakshem; kanja mong aa kü ngei loishing bendaiteke.

JEREMIAH 17:16

Nüngei mi yombü vaipü kübü ngei paüei nelüdai; ngei shanghahpü nyih nelümnyih shei nüngi nyangei nyüke. Ngelei juben kübü mehe vamei enya hayü nüng touei ngaihe-i nyüke.

JEREMIAH 13:17

Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

ISAIAH 22:5

Manghkhang Kahjilei shangponghen, vepai neühahhen hatü nyemhen nyih hük Shembüpa, Jeiyong Kahvangei lakei nyüke. Chingnyü bhamthü laamtükhen, hatü kahshangthülei sheühpü yiüei lenhen.

ISAIAH 16:14

Shejao shaang Shembüpai enyüke: “Bong jem mong aa kü Moab amei müknyinshekhangpü mophimo mahdaihen; nanglak longi nyujao maani mon aoei nyuhen, hatü wong nekoh-i nyuhen.”

2 SAMUEL 15:30

Shejao Davidü büpalei shangjing kü jümtü thepyaki lakong kamei Olive Kahshangei aongei nyu. Büpa mü nyupü nanglakthü kemei shangjing kü jümtü thepyaki aong.

2 SAMUEL 15:23

Nanglakthü peü peih-ei daishingkü kahmük kempai wongmü thep; ongpayao Kidron kahji homei dai, hatü nanglakthü kemei yingnyü lemei dai.

KAHBHAO 19:22

Shülangi yiütuh; nüng hapa shing mangngoi thahshi ngei meheyao nedükpih” shei e. Hanangkü hapa ching kü Zoar shei nyük.

KAHBHAO 14:2

Sodom am Bera ongpa, Gomorrah am Birsha ongpa, Admah am Shinab ongpa, Zeboiim am Shemeber ongpa, hatü Bela (Zoar) amei ongpa hathü mü hokteke.

KAHBHAO 13:10

Lot-i laophü shing kahdok vei, hatü Jordan Kahji yung changshi Shembüpalei pemong kei, hatü Zoar lemeipü Ijip kahdok kei eeteke. (Hapayü Shembüpai Sodom hatü Gomorrah mahtük shekü shiüteke.)

BHEI-IE 21:29

Oh Moab am, amphong onyükei! Am Kemosh kü khümpüthü, am bhihdai maandaiteke. Ammei kahvangi amü chingyan kahpaan am leihütükteke, hatü ammei yiükhathü Amor am Sihon ongpai yepei wüpküpei deishihtükteke.

ISAIAH 59:7

Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

JEREMIAH 4:19

Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.

JEREMIAH 48:3

Horonaimlei vaüpü eepü bangtuh, depülaopü, benpülangpü ngeü longpü bangtuh.

JEREMIAH 50:46

Babylon hahpü ngeü kü kahdoknyü kheühen, hatü pinnyüi vaüpü eepü jatthüi danhen.