ISAIAH 15:3 - DAÜLANGPÜ LAIHING (BSI)

³ Chingyangshongei jomi dhoila ashak ümnyüke; shem adok hatü banghthai lembaong kü lemeileyei mahng thepnyüke.

ISAIAH 15:3 Referans Kwoze

MATHI 11:21

Korazin am onyükei! Bethsaida am onyükei! Am kü dükpü yashanpü douthü paoh Tyre hatü Sidon am touei düklangmeyü jomü dhoila ashak ümtü depla nyiotü shelei mebü mang lah-ei mong lephah shepeih.

JEREMIAH 19:13

Jerusalem leipü shemthü hatü Judah ongthüyü hapa Topheth shing kü, hatü shem adokei vangsho lithilen kü ayingshü jakei hatü lebü kahvangthü kü yiü moila shuoh-ei nyupü shemthü peü sheihdaihen.”

ISAIAH 22:4

Hanangkü ngei eteke: “Ngei toueipü nyokei lüdaituh; ngei shahyaki thepshah. Ngelei nanglakthü mahdaipü kü ammi ngelei mong nyiushem meihühen tekhe.

ISAIAH 22:1

Hapayü Manghkhang Kahji nangkü epü shah: Am peü shem adokei aongei nyuhen mü mehe shanghah pongpa?

ISAIAH 15:2

Dibon ami phopshemei hatü vaümchongthülei thepei phophen aongteke; Moab ami Nebo hatü Medeba nangkü sho chaei kuptük, hatü jumum kuptüktü mahng thepnyüke.

2 ONGPATHÜ 6:30

Mechem ongpai hapa nyühalei shahthü danpa, büpai laophülei büm-ow shaak, hatü bham yopailei nyupü shennyakthüi büpayü büm-ow mongei dhoila-i thüngpü ow yahshi eeteke.

2 SAMUEL 3:31

Hapheikü Davidi Joab hatü büpa mü nyupü shennyakthü kü, “Ammei büm-ow shaaktuh; dhoila ashak ümtü Abner nangkü mahng theptuh” shei e, hatü mahng vühen daishingkü David ongpa mahng pheilei müei dai.

SHAHKÜP 22:8

Mechem ammi shem ja vehenshang, shem adok kü baila shinei yaongpe showtüktuh; hajü mon shennyak hanei shem adok leipü vüei dijü am kü mang nekohen.

JAKOB 5:1

Shaang bangtuh, am shemmeithü, am touei peiküpü mongmang nangkü theptuh hatü lentuh.

1 SAMUEL 5:12

Nedipüthüao büm daoeipoukei tüng, hatü chingnyü kü theppüyoungpü vang mü vüngshi aong.

ISAIAH 3:24

Vongmei meli nangjei shie büpü, bhag-ai ashak nangjei vülep; shohiyang meipü jeiyei shangpaangpü; man-ow nangjei dhoila ashak; dhemeilaüma nangjei veü shuohhen.

JEREMIAH 48:37

Mehenangkü peüi sho hatü jumum chaei kuptükteke; peüei lakei makaw nyüke, hatü peüei shüng kü dhoila ashaki ngeihshi nyüke.

YOUNG LAI 2:10

Zion nela khong kübü behethüi sheyü ju kübü shah nevami kahdokei uoshi nyüke; Jomei shangjing kü bhihla nyiotü, hatü dhoila ashaki jümtü nyüke. Jerusalem nelathüao kahdokei dhe aümei shanyüke.

EZEKIEL 7:18

Jom peü dhoila ashak ümhen, nyempai jümtü nyuhen. Jomei dhe veüpai jümtü hatü jomei sho chaei kuptüktü nyuhen.

AMOS 8:10

Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”