ISAIAH 14:3 - DAÜLANGPÜ LAIHING (BSI)

³ Mechem Shembüpai amphong kü tüngpüaipü, shangpong yakying hatü douwong dükpü kübü nyiumei shuohhenshang,

ISAIAH 14:3 Referans Kwoze

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

ISAIAH 32:18

Ngelei nanglakthüyü chingmei vangmei nyupü shing kü, nyiushemmei shemthü kü nebaokneshaanpü nyiumei shingthü kü nyuhen.

ZEKHARIAH 8:8

hatü Jerusalemei nyuhen shingvaishi ngei jom nyokei leihen. Shahhing hatü daülangshemshepü kü jom ngelei nanglak vaihen, hatü ngei jomei Kahvang vaihen.”

SHAKEI VAMPÜ 18:20

Pinnyü lomohpü nangkü mongongtuh, Oh vangsho am, daülangpü, phongshan hatü thihivamthü! Mehenangkü Kahvangi am nangkü pinnyü kü shahphenteke.”

EZEKIEL 28:24

Israel nanglakthü shingvaishi hajük kü laipü, hühpü hühhihang keipü chingyowyüpi neheühen. Shejüang jomi ngeiyü Shembüpa Kahvang khih shei nyinghen.

JEREMIAH 50:34

Jom Yemleipüba wong kohshi nyüke; Jeiyong Shembüpayü büpalei men. Büpai hingmei jom kü khüambakei ehen, shejüang büpai kahmük kü nyiushemmei koei peiaokhen, shejao Babylon am shing nelingi tuhhen.

ISAIAH 12:1

Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

SHAHKÜP 28:48

Hanangkü am aeiyeileyei, bümkong hatü taoeinangei Shembüpai am khüei shompü ammei vepathü amphongi chongphohen. Am mangmahkem thahshi büpai am shangponghühen.

ZEKHARIAH 8:2

Jeiyong Shembüpai ha enyüke: “Ngei Zion kü longi mükhühnyeih, hatü ngei pinnyü kü longi vaünyüpeih.”

ISAIAH 40:2

Jerusalem nanglakthü kü yawh-eiyangei etuh, hatü pinnyü kü, “Hepak luangi shanghahpü dohdaiteke, pinnyülei mang tükteke, jomei mang shingvaishi SHEMBÜPAleipü jomi shingnyi dangteke shei baongeishuoh.

JEREMIAH 17:4

Am pungpü homei ngei am kü shuohtükpü mükjüp mahtükhen, hatü ngei ammi nenyingpü kahdokei vepathü chongphoei anghen; mehenangkü ngei mongshihpai aw bahhen, hatü hapa den kü bahshi nyuhen.

JEREMIAH 30:8

Hapa nyih ngei büpalei bhagchong kübü pang ngühlanghen, hatü büpalei lungsha laitükhen, hatü hajük kü jom kung amei aa nevaihen shei Jeiyong Shembüpai enyüke.