ISAIAH 14:2 - DAÜLANGPÜ LAIHING (BSI)

² hatü lebü jatthüi jom kü sheüh-ei jomei kahdokei nyokei leihen, hatü lebü jatthüyü Shembüpai shuohpü kahdokei Israel ammei nyüha aa hatü baha aa vaihen; jom wüpküpei deipüthü peü jomi wüpküpei deihen, hatü jom kü shüveipüthü shak kü jomi vanglem lemhen.

ISAIAH 14:2 Referans Kwoze

ISAIAH 61:5

Yenpathüi ammei mithü hamhen, kung ammi ammei kah linghen, hatü nyalingngupai kah kü junghen.

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

JEREMIAH 30:16

Shejao üami am lühtükpa jomao lühtükhen, hatü ammei vepathü jom peü wüpküpei daihen. Üami am leipü aeteishepa jom kao aeteishehen, hatü üami am kü shüvei, jom kao shüveihen.

DANIEL 7:18

Shejao Jaipüba Kahvangei nanglakthüi hapa ongching yah-ei den dok kü den jom lompü vailanghen.”

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

ROM SHAHSHA APPÜ 15:27

Jomi ha dükhen mongong, hatü jomi hathü kü ha dükhenü hang nyüke; mehenangkü Kung ami Jehoda amei laangha moihimanthü hanteijema, Kung amiyao Jehoda am kü jomei mophimo hanteihen jiüpeih.

ISAIAH 18:7

Hahepak kü bümhishao meipü, hangbong meipü, kuhhishong peüi nyempü shennyakthü, wong kohpü hatü mih neüpü jat, hatü Jeiyong Shembüpalei men nyushing Zion Kahshang mü yungyenthüi mon aatü nyupü kahdok leipü thintho longi Jeiyong Shembüpa touei koei leihen.

MENVIH KESHO 68:18

Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.

EPHESIA 4:8

Hanangkü ha enyüke: “Mechem büpa shangei aongpa, büpai wüpküp leipü longi büpa mü müei lei, hatü hangku kü thintho shuoh.”

GALATIA 5:13

Jeihinaü hatü nyahinaüthü, amphongü bümei touei nyükpeih; shejao ammei bümei hean yah-ei mang nyingnyoi hüshemhühen tenotei, shejao bampai am hüki hük chongphoteituh.

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

EZRA 2:65

jomei nyüha hatü baha chongphopüthü 7, 337 mü kesho lokbüthü baha nyüha shepei jom 200 nyu.

LUK SHAHSHA APPÜ 12:45

Shejao hapa chongphobüi, ‘Ngelei shembü pheishi leikahen’ shei etü lebü chongphobüthü, nyüha, baha kü üpei pangjema, hatü hah-ei yingei yiüi chokjema,

ISAIAH 31:8

“Hapa nyih Assyria am shennyaki nevai shejao yani mahkemhen; shennyaki nevai, shejao yani lühtükhen. Yan kü nyemei jom nyaihen, hatü jomi jomei nyahbaongthü kangei dou dükhühen.

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

ISAIAH 49:22

Jeiyong Shembüpai hapakei enyüke: “Veituh, ngei lomi jatthü kü ngelei lak nohen, hatü shennyakthü kü ngelei shahvüng shuohhen; Jomi ammei yeshangthü lakei paümtü, hatü ammei yiükhathü bhagchongei pohtü leikahen.

ISAIAH 49:25

Shejao Shembüpai hapa enyüke: “Hih, hampalei lakmong leipü khoklatei küppüthü ngailanghen aokhen, hatü ongpa hükei lak leipü dounyüao aetei aokhen. Am mü depüthü mü ngei dehen, hatü ammei hapeüthü ngei yanghen.

ISAIAH 54:3

Mehenangkü am laknyong lakdah kü yaüei daihen, ammei hühihathüi jatthü kaamlanghen, hatü lavüngtoiyei yakphongpü chingnyüthü kü nyuhen.

JEREMIAH 49:2

Shejao ngei Ammon leipü Rabbah am khüei vebaong shemm kaonghen hepak ngoikünyüke shei Shembüpai enyüke. Hapayü bentüktü tuhhen, hatü hapa kü ngeihpü shonpü chingthü awi haptükhen. Hahepak kü Israel am changtükpüthü shao jomiyao hathü changtükhen shei Shembüpai enyüke.

EZEKIEL 39:10

Jomi kah leipü pü nenahen nevaijü phaü leipü aghen napü neshiü; mehenangkü jomi vehok phunglang kaakei aw kü jakshi nyuhen; üami jom kü aeteishetepa, jomiyao ha am kü aeteishehen shei Shembüpa Kahvangi enyüke.

JOEL 3:8

Ngei ammei hapeüthü Judah am kü yutükhen, hatü jomi shao tailu leipü Sabea am kü yutükhen shei ngei, Shembüpai enyüpeih.

OBADIAH 1:17

Shejao Zion kahshangei yangpüthü hanei nyuhen, hatü hapayü daülangpüthü vaihen; hatü Jakob am phangi hapa mükjüp kahdok lomlanghen.

ZEKHARIAH 2:9

Veituh, hingmei ngei jom khüei ngelei lak nohen hatü aathüi shao jom kü aeteishehen. Shejüang, Jeiyong Shembüpai ngei shompü khih shei ammi nyinghen.

LEVI 25:44

Ammi aa najema, am ngeihpü shonpü jatthü kübü shakhen aok. Ammei kahdokei nyupü hapa keipü hapeüthü hatü jomi büh-ei paümpü hapeüthü ammei aa vaihen aok.

ISAIAH 60:4

Mük vamei am shinei veituh; jom peü thaitü am touei peikünyüke; Ammei yeshangthü tailu kahdok leipü peikünyüke, hatü ammei yiükhathü jomei lakei paümshi leikünyüke.

ISAIAH 66:12

Shembüpai hapakei enyüke: “Ngei yungnyüyen keiha pinnyü kü chingmeivangmei shuohhen, hatü jatthülei mop yungnyübüng keiha shuohhen; Nyüi hapeü kü jungpü keiha amü pinnyülei lak, hatü shüngkung shangkü paümshi junghen.

ZEKHARIAH 2:13

Hangkuli peü Shembüpa touei nenmü nyutuh; mehenangkü büpa laophülei daülangpü shing kübü peikünyüke.