ISAIAH 14:13 - DAÜLANGPÜ LAIHING (BSI)

¹³ Nüngi nüngei mongei, “Ngei vangsho thahshi longei aonghen; ngei ngelei ong uoshing Kahvangei lithathü shak kü tuhhen; apshaphi Zaphon shangtao daüppülei shahthai shing kahshangei ngei ong uoshing kü uohen;

ISAIAH 14:13 Referans Kwoze

EZEKIEL 28:2

Shennyak ha, “Shembüpai hapakei enyüke” shei Tyre ongpa kü eyeishuoh: “Mehenangkü nüngei mongei changmeiyei, ‘Ngeiyü kahvang hük,’ yungching jiamei ngeiyü kahvangthülei uoshing küuonyeih” shei eteke. Nüngü kahvang kei kon kohpeih shei deihjao, nüngü kahvang nevai dihen shennyak hük mon.

2 THESALONIKA 2:4

Büpai khüei yaonghen hatü büpa laophü nyingi kahvang shei epü hatü khümpü dou lemphü shak kü longei aonghen, shejüang büpai kahvang hih shei eshi Kahvang phopshemei uohen.

EZEKIEL 29:3

“Shembüpa Kahvangi hapakei enyüke” shei büpa kü etuh: “Ngei nüng khüei nyüpeih, Ijip ongpa Pharaoh, yungyenei lemshi nyupü Dragon nüngi, Nile yungyenü ngelei; ngei laophü shing linghahpeih” shei enyüke.

MATHI 11:23

Hatü Kapernaum am! Am vangsho thahshi longei aonghen je? Nevai, amü molo awlei shüei shaamhen. Am kü dükpükei yashanpü douthü Sodom am kü düklangmeyü shinnyih thahshi jom nyuhah shepeih.

ZEPHANIAH 2:15

Hapayü monghamshi nenyemnehani nyupü chingnyü, jomei wong kü monglemei hapakei e, “Ham mon, üamao ham kei neshiü.” Mehekei shaangü yemhimak paümshing chingkow leidaipa? Ham kü peihpüleipü peüi shiinyüke, hatü ngaüm dhinyüke.

EZEKIEL 27:3

Yungching yungkungei nyutü yungkungei nyupü jatthü peü mü bhei leihpü Tyre am kü hapakei etuh. Shembüpa Kahvangi hapakei enyüke: “Tyre, hamü den ngoishi nethe meipeih” shei ammi eteke.

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

MENVIH KESHO 48:2

Kahvangei Kahshang Zionü shaoshi, hatü nethe meishi; hapayü kahdoknyü kempülei mongong. Zaphon shangching shaopü keiha, Longpü Ongpalei Zion chingnyüyü nyüke.

EZEKIEL 28:9

Nüng jüpü am touei, ‘Ngeiyü kahvang hük’ shei eaokhen je? Nüng jühen am touei nüngü kahvang nevai, shennyak mon vaidaihen.

LUK SHAHSHA APPÜ 10:15

hatü am Kapernaum am, am vangsho thahshi aonghen deihnyu je? Nevai, amü molo awlei shükei shanshihhen.

JOB SHAHSHA APPÜ 20:6

Büpa maühepü vangsho thahshi aongjao, hatü büpalei shangjing vangshang thahjao, hatü büpalei shangjing phumshang ngoijao,

JEREMIAH 49:16

Ami yahhüpü dehilao homei, hatü ammei mongdangei changmeipai am luhahteke, amphong yaongvak kü nyupü, hatü shangching shaopülei nyupüthü. Ammi alang keiha shangei jephijaan lingjao, haleipao ngei am shüei vühen shei Shembüpai enyüke.

EZEKIEL 31:10

Hanangkü Shembüpa Kahvangi hapakei enyüke: Mehenangkü hapa shao longi luei vangsho thahhen mü shaopü nangkü, hatü hapa shao luhahpü nangkü mongei changmeipü nangkü,

EZEKIEL 40:2

Manghkhang hük kü büpai ngei Israel kahdokei müei dei, hatü shaopü kahshang hükei uohü. Pehephi lemei veiheni chingnyü hük leshi shemthü longi eeteke.

DANIEL 5:20

Shejao mechem büpa changmeiyei, mong vaanei nemei-i leipa, büpa ong uoshing kübü changtük, hatü büpalei dhüm hi ngan ngühlangpeih.

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

OBADIAH 1:3

Ammei changmeipü thentoimongdangi am luhahteke; Am yaongvak kü chingchingpüthü, hatü kahshang shaopülei shem vepüthü. Ammei mongkü am nyingi, ‘Üpai ham chongei shüei vüaokhen?’ shei enyüke.