ISAIAH 14:12 - DAÜLANGPÜ LAIHING (BSI)

¹² Nüng mekei etü vangsho leipü vüpa! Oh nepnüng litha, nepnüngei hapeü! Chem jatthü bhih-ei maanei shanshihpü nüng shaang mekei etü kahdokei shüktükpa!

ISAIAH 14:12 Referans Kwoze

LUK SHAHSHA APPÜ 10:18

Büpai jomphong kü, “Klang keiha vangsho leipü Satan vüpü ngei eepeih.

SHAKEI VAMPÜ 8:10

Jempabü vangsho phongshani büpalei amit vüng, litha longpü hük vangsho leipü aw kei bahtü vü, hatü hapayü yungyen hatü yunglok phaihan jem kübü phaihan hük kü vüteke.

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”

2 PETER 1:19

Hanangkü jen mü thihivamei shahthü longi lekei nyüpeih. Ammi ha kü meishi mong shuoh-ei dükaokhen; mehenangkü hapayü vangngai vamei nepnüng litha ammei mong kü mangkhang thahshi shangmang shing kü awdük nyapükei nyüke.

ISAIAH 34:4

Vangsho lithathü, lennyü vanghe kemei mahdaihen, phumshangthü peü phaishuw kei düdaihen. Lithathü kemei nyalingngupai lak vanei, bhukjükpülei bhukjük vanei vüpükei vüdaikemhen.

SHAKEI VAMPÜ 2:28

Üpai vehok neünya, ngei büpa kü nepnüng litha shuohhen.

2 PETER 2:4

Mehenangkü Kahvangi mang thahpü vangsho phongshan dangkao neyangi molo awlei shüktük hatü shahphenpü mangngoi thahshi chüpü shangmangei nyiamvüi shatü tuhjema;

SHAKEI VAMPÜ 9:1

Ngapabü vangsho phongshani büpa leipü amit vüng, hatü litha hük vangsho leipü kahdoknyülei vüei ee, hatü hapa kü shaongdoh neshiüpü kahshalei sabi shuoh.

JEREMIAH 50:23

Kahdoknyü mangtükpü koaklak mekei shaangü ha mangdaipa! Jatthü khong kao mekei Babylonü lavüngtoiyei leidaipa!

ISAIAH 13:10

Mehenangkü vangsho lithathüi jomei vangngai nekhangphahen; aongpü vanghenyüao manghdaihen; lennyüi laophülei vangngai neshuohhen.

JEREMIAH 51:53

Babylon ami vangsho thahshi aongjao, hatü halei penyüsha lingjao ngei pinnyü khüei ha bentükhen shennyak shomhen shei Shembüpai enyüke.

YOUNG LAI 2:1

Shembüpa mongshihpai Zion phumnyaki jümtük. Büpai Israel am dhemeilaümapü vangsho leipü kahdokei vütük. Büpa mongshihpü nyih büpai laophülei lashoup shingao betük.

EZEKIEL 26:17

Jomi am kü hapa mahng kesho lokphahen: “Oh men-e chingnyü, nüng mekei yungching leipü mahdaipa? Chemü nüng hatü nüngei nanglakthüyü yungching shang kao am wong kohpü nyuhampeih; Halei nyupüthü kü ammi nyemshaohampeih.

OBADIAH 1:4

Ammi alang kei shangei piyei aongjao, hatü lithathü chi kü jephijaan lingjao, ngei haleipao am shüei vühen shei Jeiyong Shembüpai enyüke.”