ISAIAH 14:1 - DAÜLANGPÜ LAIHING (BSI)

¹ Shembüpai Jakob kü shinshangei deihhen, hatü shao chem büpai Israel am jehen, hatü büpai jom jomei kahdokei chingchingei nyuhühen. Kung amao jom mü shephen, hatü Jakob phang mü mongjemhen,

ISAIAH 14:1 Referans Kwoze

MENVIH KESHO 102:13

Nüng yaonghen hatü Zion kü phahji huhen, mehenangkü hapayü ha kü bamhen hepak hük; ittükpü hepak ngoiteke.

ZEKHARIAH 1:17

“Shao ha baongtuh: Jeiyong Shembüpai enyüke: Ngelei chingnyüthü shao mophimo-i aüh-ei yenhühen, hatü Shembüpai shao Zion nyiushem meihühen hatü shao Jerusalem jehen.”

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

JEREMIAH 50:33

Jeiyong Shembüpai hapakei enyüke: Israel nanglak hatü Judah amao longi shüveihahteke; jom yeppüthüi wongmü shatü jom nedeishih-i angteke.

ISAIAH 49:13

Mongongpai kesho loktuh, Oh vangshothü mongongtuh, Oh kahdoknyü, kesho lokei bhaotuh, Oh kahshangthü! Mehenangkü Shembüpai laophülei nanglakthü nyiushem meihüteke, hatü büpalei hanghipü nanglakthü kü phahji yahyang huhen.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

ISAIAH 66:20

Shembüpa kü moila vaishi jomphongi ammei jeihinaüthü jatthü peülei haidaipü Jerusalemei koyei kü, gadu kü, hatü ut kü, koyei khari kü hatü khari kü Israel ami hahying moila daülangpü shung kü Shembüpalei shemei deipükei müei leikahen,

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 44:1

Shejao shaang bangtuh, Oh Jakob, ngelei chongphobü, Ngei jepü Israel am.

ISAIAH 41:8

Shejao nüng, Oh Israel, ngelei chongphobü, ngei jepü Jakob, ngelei mongjempa Abrahamei hühihathü,

ISAIAH 27:6

Ngoikahen nyihthü kü Jakob am tünglang yiühen, hatü jomi nien neenei bong punghen, hatü kahdoknyü peü kü betjüki mahen.

MENVIH KESHO 143:12

Nüng bampai ngelei vepathü, hatü ngei kü khüpüthü mahtüktuh; mehenangkü ngei nüngei chongphobü.

MENVIH KESHO 98:3

Büpai Israel phangkü bampü, hatü shahhing epü deih-ei dangteke. Jenei Kahvangi aokpü dangpü kahdoknyü peüi eeteke.

ESTHER 8:17

Ongpalei shahkungnyü daipü chingnyü hatü kahmük peü kü Jehoda amü moeitapei mongongmonglepü nyuteke. Jehoda am kü nyempai lebü jatthü longshishingi Jehoda am leidai.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

LUK SHAHSHA APPÜ 1:54

Büpai laophülei phahji deih-ei dangtü laophülei chongphobü Israel am kü sheüh;

ISAIAH 41:9

ngei amphongü kahdok dohpü leipü müei leipeih; ngei tailu kahdok vaungjung leipü am nyükpeih, hatü ngei amphong kü, “Amphongü ngelei chongphobü; ngei amphong jepeih, hatü ngei amphong neyakphongpih” shei epeih.

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

ISAIAH 49:10

Jom aeiyei leyei nenyuhen, nevaijü bhih kahdok shaampü, hatü vanghenyü nyahpai jom kü nekethen. Büpa üpai jom kü bamnya, büpai jom mühen, hatü yunglok meipü touei mülanghen.

ISAIAH 49:15

Hümlungnyüi laophülei amma kü jüppü naü be-aokhen je? hatü laophüi bühhahpü hapeü kü nebamhen je? Nyüi laophülei hapeü bebenüng paoh vailangmao ngei nüng nebetükpih.

ISAIAH 49:25

Shejao Shembüpai hapa enyüke: “Hih, hampalei lakmong leipü khoklatei küppüthü ngailanghen aokhen, hatü ongpa hükei lak leipü dounyüao aetei aokhen. Am mü depüthü mü ngei dehen, hatü ammei hapeüthü ngei yanghen.

ISAIAH 54:3

Mehenangkü am laknyong lakdah kü yaüei daihen, ammei hühihathüi jatthü kaamlanghen, hatü lavüngtoiyei yakphongpü chingnyüthü kü nyuhen.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

ISAIAH 56:3

Kung am üpai ngelei nanglakthü mü shepnya, büpai, “Hingmei Shembüpai büpalei nanglakthü toueipü ngei laktükhen khih” hatü ban tüktükpü shennyakthüi, “Ngeiyü li neshiüpü shennyak” shei te-ehah.

ISAIAH 60:10

Kung ami ammei bhamthü lingphahen, hatü jomei ongthüi am chongphohen; Ngei mongshihpai am kü bheiteke, shejao ngei bampai am kü phahji hupeih.

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

EZEKIEL 47:22

Ammi hapayü am shing hatü am mü nyupü benhathü shing hatü ammei hühihathü shing hanteihen. Jomphongao Israel am bühü kü kei nohen, hatü Israel jatthü mü jom kao mükjüp kahdok hanhen.

MENVIH KESHO 102:14

Mehenangkü nüngei chongphobüi yaongsho püchong kübhih yaongphaang peü kü bamnyüke.

ISAIAH 19:18

Hapa nyih kü Ijip kahdokei Hebrew shah epü hatü Shembüpa kü hinglemhen shei vangpüshuwpü chingnyü nga nyuhen. Hathü khongkü hük keyü, “Vanghenyü Chingnyü” shei nyükhen.

ISAIAH 21:1

Hapayü Babylon nangkü epü shah: Alüngleple-i yingtetlongshaipü keiha, nyempühanpü kahdok leipü shanghah vongshüh peikahen.

ISAIAH 47:1

Ong uoshing leipü shühtuh, Oh pai mü ngühpü nela Babylon; hatü kübhih kü uotuh. Hajük kü am kü inyainyempü hatü lahhinpü am shei nenyükhen.

JEREMIAH 16:15

shejao jomi, “Apshaphi kahmük kübü hatü büpai changtükpü kahmükthü peü kübü ham Israel am müei leipü vanyangyem Shembüpa nyüpeih” shei ehen. Mehenangkü ngei jomei chebü chepa kü shuohpü kahdokei jom müei leihen.

JEREMIAH 30:8

Hapa nyih ngei büpalei bhagchong kübü pang ngühlanghen, hatü büpalei lungsha laitükhen, hatü hajük kü jom kung amei aa nevaihen shei Jeiyong Shembüpai enyüke.

JEREMIAH 31:4

Shao ngei nüng lingei leihen, hatü am ja lingei leihen. Oh pai mü ngühpü nela Israel, Shao ammi tambourin vüngei mongongpai phaukteihen.

JEREMIAH 51:51

“Ham veü pongteke, ham kü yaüteke, hatü veüpongi hamei dhe kü jümteke; mehenangkü kung ami Shembüpalei shem kü daülangpü shingthülei shüteke.”

EZEKIEL 16:60

Shejao am hashih mü nyushi ngei am mü lingpü vangpüshuwpü ngei deih-ei danghen, hatü ngei am mü nedohnetenpü vangpüshuwpü linghen.