ISAIAH 13:9 - DAÜLANGPÜ LAIHING (BSI)

⁹ Veituh, Shembüpalei nyih peikünyüke; mongshihpü hatü longi mongmangpü, mangpü nyih peikünyüke; Hapai kahdok lavüngtoiyei leitükhen, hatü haleipü mang shennyakthü mahtükhen.

ISAIAH 13:9 Referans Kwoze

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

ISAIAH 13:6

Theptuh, mehenangkü Shembüpalei nyih yopailei nyüke; hapayü Shembüpai mahpüchahpü koei peipü nyih vaihen.

NAHUM 1:2

Shembüpayü mükhakpü, bhüh yempü Kahvang nyüke; Shembüpai bhüh yemnyüpeih, hatü mongshih maei nyüpeih. Shembüpai büpalei vepathü khüei bhüh yemnyeih, hatü büpalei vepathü khüei mongshih jaoei tuhnyeih.

MENVIH KESHO 104:35

Mangthüyü kahdoknyü leipü mahtükhüte, hatü nemeipü am tenyuhü. Shembüpa kü moihimantuh, Oh ngelei laangha, Shembüpa men longtuh!

KANDOK 2:22

Shejao mang shennyakthü hapa kahdok kübü mahtükhen, hatü nemeipüthü haleipü bhitükhen.

SHAKEI VAMPÜ 18:8

Hanangkü pinnyülei cham nyih cha kü peihen, dipü, theppü hatü shaühile; hatü pinnyü awi hahtükhen, mehenangkü pinnyü kü shahphenpeyü wong kohpü Shembüpa Kahvang.”

ISAIAH 9:19

Jeiyong Shembüpa mongshihpai kahdok hahtük, hatü nanglakthü awbhaong kübü pü kei leitük; üpaiyao haleipü neyangaokpih.

EZEKIEL 13:5

Ammi Israel am phang shingvaishi bendaipü bham nelingpü nangkü Shembüpalei nyih kü ammei vepa kü khangei neyaongaokpih.

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

NAHUM 1:8

Shejao bünghiyang kü yungnyü yungmok laongpü keiha büpai laophülei vepa Nineveh am chemjalak kü mahtükhen, hatü büpai laophülei vepathü vangnyakei changtükhen.

ZEKHARIAH 14:1

Veituh, Shembüpalei nyih peikünyüke; am leipü aetpüshepü douthü ammei müki eeshi hanteikahen.

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

ISAIAH 34:8

Mehenangkü Shembüpai bhüh yemhen nyih hük nyüke; Zion med kü dah shakhühen bong hük nyüke.

ISAIAH 63:4

Ngelei nanglakthülei bhüh yemhen, ngelei mongei nyüpeih, hatü ngei hathü yanghen dou dükhen vangbong ngoiteke.

ISAIAH 66:17

Shembüpai enyüke: “Üami lebü kahvang kü khümhen, laophü nyingi daüeilangtüktü khongnyü mü hatü ookphai hatü yüphüh hatü lebü jiühitnalaipü hetlem hahpüthü mü vukei daihen, jom peü chemi mahkemhen” shei Shembüpai enyüke.

EZEKIEL 30:3

Mehenangkü nyih hük yopailei peikünyüke, Shembüpalei nyih ngoikünyüke; Hapayü phumnyaki jümpü nyih hük, jatthü shingvaishi vongshüh nyih hük vaikahen.

JOEL 2:1

Zionlei amit vüngtuh; ngelei daülangpü kahshangei vebaong shemm kaongtuh. Kahmük kü nyupüthü peü kheütuh; mehenangkü Shembüpalei nyih ngoikünyüke; hapa longi yopailei nyüke.

ZEPHANIAH 1:15

Hapa nyih-ü mongshih anpü nyih hük, mongshangpü hatü mongmangpü nyih, shangpongpü hatü mahpü nyih hük, vangnyak hatü dhe makpü nyih hük, phumnyaki jümpü hatü shangmang nyih hük nyukahen.