ISAIAH 13:7 - DAÜLANGPÜ LAIHING (BSI)

⁷ Hanangkü peüei lak ngadaihen, hangku peüei mong mahdaihen, hatü jom peü mong laaidaihen.

ISAIAH 13:7 Referans Kwoze

EZEKIEL 21:7

Hatü mechem jomphongi nüng kü, “Nüng mehekei thepnya?” shei ephüjü, nüngi jom kü, “Shahjang peiküpü nangkü” shei ehen. Peüha mong maandaihen hatü lak shaokdaihen, peüei laangha kuidaihen hatü peüei lashüh wong nekoh-i yung kei leidaihen. Hapa ngoikünyüke! Hapa hingmei vamküshasha shei Shembüpa Kahvangi enyüke.

NAHUM 2:10

Nineveh-ü mahtükteke, yaktükteke, hatü lavüngtoiyei tuhphongteke! Nyempai jomei mong laaidaiteke; nenei wong neshiü, dhe haidaiteke.

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

EZEKIEL 7:17

Lak kemei shaokdaihen, lashüh peü yung keiha indaihen.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

JEREMIAH 50:43

Babylon ongpai hapa shahjang danei büpalei lak juwdaiteke. Hapeü bühshingkü nyü hük tüngpükei büpa tüngnyüke.

ISAIAH 51:20

Ammei hapeüthü peü chingyangshongei shoukhinuk kemei kü shaok tailok kü manpükei yüh-eiyangei lemlemleyei nyüke; Jomü Shembüpalei mongshih-i, hatü ammei Kahvang lohpai maei nyüke.

ISAIAH 37:27

Haleipü shennyakthüyü wong neshiü, veüpong hatü mongmang kü nyüke. Jomphongü kah leipü thüng, hatü phenha vampü keiha; shem adok kü kohpü thüng manglongi vandaipükei nyüke.

MÜLANGPÜ 15:15

Edom am mübüthü nyemnyüke; nyempai Moab am mübüthü temdaiteke; Kanan am nyaüei yendaiteke.

JOSHUA 2:11

Hami ha jung danhinüng am kü nyempai hamei mong mahdai; mehenangkü Shembüpa, ammei Kahvangü vangsho shangpa kü hatü kahdoknyü kü Kahvang khih.

MENVIH KESHO 58:7

Yung yendaipü keiha jom mahtükkemtuh; thüng kü keiha shoupei vantüktuh.

JEREMIAH 51:30

Babylon am veshanthü nehoki dohdaiteke; jomü veyomdülei nyüke. Jomei wong kemdai; jom nyüha kei leidaiteke. Pinnyülei bükhishem awi haptük; jomei penyü shalat bhagdaiteke.

EZEKIEL 21:12

Mong kü tüngei theptuh, Oh shennyak ha; mehenangkü hapayü ngelei nanglak khüei nyüke; Hapayü Israel ongthü khüei nyüke; Jomphongü ngelei nanglakthü mü chemi jühen yepei shüktüknyüke. Hanangkü jaaba kü daüpei theptuh.”

NAHUM 2:11

Mailangi cheha kü het ühshing, mailang bihibaong nyiphen lüdaitü chehathü mehe-iyao nebukneshaani yangei nyupü mailang jep keipü chingnyü shaangü melei nyüpa?