ISAIAH 13:6 - DAÜLANGPÜ LAIHING (BSI)

⁶ Theptuh, mehenangkü Shembüpalei nyih yopailei nyüke; hapayü Shembüpai mahpüchahpü koei peipü nyih vaihen.

ISAIAH 13:6 Referans Kwoze

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

ZEPHANIAH 1:7

Shembüpa tou kü nenmü nyutuh; mehenangkü Shembüpai shahphenhen nyih ngoikünyüke. Shembüpai jakpü moila shuohhen temnyüke; büpai laophülei nanglakthü ha kü jakhen.

AMOS 5:18

Shembüpalei nyih ongyangpüthü Onyükei! Mehekei ammi Shembüpalei nyih ongyangnya? Hapayü vangngai nevai, vangnyak nyukahen.

ISAIAH 13:9

Veituh, Shembüpalei nyih peikünyüke; mongshihpü hatü longi mongmangpü, mangpü nyih peikünyüke; Hapai kahdok lavüngtoiyei leitükhen, hatü haleipü mang shennyakthü mahtükhen.

SHAKEI VAMPÜ 18:10

Pinnyü ponghahpü eeyei jom tailei yaonghen hatü ehen: “Onyükei, onyükei longpü chingnyü, Babylon wong kohpü chingnyü! Mehenangkü ghonda hük kü nüng kü shahphenpü peiteke.”

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

JEREMIAH 51:8

Babylon lomi dohen hatü khih mü nihdaihen. Pinnyü deih-ei mahng theptuh! Pinnyü tüngpü kü meli shihtuh; Üpai nying, pinnyü meihenao aokpeih.

ISAIAH 34:8

Mehenangkü Shembüpai bhüh yemhen nyih hük nyüke; Zion med kü dah shakhühen bong hük nyüke.

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

JAKOB 5:1

Shaang bangtuh, am shemmeithü, am touei peiküpü mongmang nangkü theptuh hatü lentuh.

MALAKI 4:5

Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen.

ZEPHANIAH 1:14

Shembüpalei nyih longpü yopailei nyüke, yopai-i hatü lomi peikünyüke. Bangtuh! Shembüpalei nyih kü theppeyü shahyaki nyukahen. Ha nyih wong kohpü veshanthüiyao nyempai thephen.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JOEL 1:5

Paotuh, amphong yiüi chokpüthü, hatü theptuh, hatü youngtuh, am yiü yingpüthü; Yiü ja linghen nyalingngupai peü mangtükteke.

ISAIAH 14:31

Theptuh, Oh Penyüsha; Youngtuh, Oh Chingnyü; Oh Philistia, am peüi nyemtuh! Mehenangkü apshaphi leipü awshit vamkünyüke, hatü hapayü nyempü neshiüpü veshanthü khih.

JOB SHAHSHA APPÜ 31:23

Mehenangkü ngei Kahvang leipü vongshüh peikahen kü nyemnyeih, hatü büpalei nganhilong kü nyempai ngei henüng dou nedüknyih.

JOEL 1:11

Mongmangtuh, am kahling am, theptuh, am nyalingngupai kah lingpü am; wheat hatü barley hah shingvaishi mong yungtuh; Mehenangkü hahnyü dongchong kemei mangdaiteke.

EZEKIEL 21:12

Mong kü tüngei theptuh, Oh shennyak ha; mehenangkü hapayü ngelei nanglak khüei nyüke; Hapayü Israel ongthü khüei nyüke; Jomphongü ngelei nanglakthü mü chemi jühen yepei shüktüknyüke. Hanangkü jaaba kü daüpei theptuh.”

JEREMIAH 49:3

Mahng theptuh, Oh Heshbon am; mehenangkü Ai chingnyü mahtükteke! Lentuh! Oh Rabbah nelathü! Dhoila ashak ümtü mahng theptuh; haleipü halei shei thamaei longteituh. Mehenangkü Molekh kahvang, hatü hapalei ngongpathü hatü lakchongbüthü mü wüpküpei daihen.

ISAIAH 65:14

Ngelei chongphobüthüi mongkü mongongpai kesho lokhen, shejao amü mongkü tüngpai thephen, hatü laangha mangei mahng thephen.

ISAIAH 52:5

Hatü shaang ngei hatouei mehe dükhen? shei Shembüpai enyüke. Mehenangkü meheyao shaipü neshiüpü kü ngelei nanglakthü yah-ei lüdaiteke, hatü jomphong shak kü vanglem lempüthüi ne-ienelemnyu, hatü helu shoei ngelei men yaüeilungnyüke” shei Shembüpai enyüke.

ISAIAH 23:1

Hapayü Tyre nangkü epü shah: Theptuh, Oh Tarshish am jahas müpüthü, ammei Tyre kahdok jahas yaongshing mangtükteke. Am Cyprus leipü leishingkü hapa shahjang danteke.

JEREMIAH 25:34

Theptuh hatü youngtuh am mi yombüthü; bhihla kü duteituh, am mi khong müpüthü. Mehenangkü am jühen hepak ngoiteke; am dohen hatü dükbhaok haipükei haidaihen.

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

ISAIAH 10:25

Mehenangkü hepak kanja pheikü ngelei mongshih dohdaihen, hatü jom mahtükhen shingvaishi ngelei mongshih jom philei lephen.

ISAIAH 14:23

Ngei pinnyü-ü ashühlaongkaong nyushing, hatü yung iishing leitükhen; ngei pinnyü-ü bhangmah lihümbenüng nyüpmaohani maoei yaktükhen shei Jeiyong Shembüpai enyüke.

ISAIAH 34:2

Mehenangkü Shembüpai jatthü peü kü mongshih-ei nyüke; büpalei mongpuk jomei veshanthü mü nyüke. Büpai jom peü mahtükhen, büpai jom jühen lanei shuohtükhen.

ISAIAH 47:11

Amphongei thihivam doui nekatiaokhen mü vongshüh peikahen. Amphongi nekeütükaokhen mü shanghah peikahen, Amphongi nenyingpü kü ngangahük kü lomoh aühaü peikahen.

ISAIAH 61:2

Shembüpai phahjipü bong, hatü jenei Kahvang bhüh yemhen nyih baonghen; mahng theppüthü nyiushem meihühen,

EZEKIEL 13:5

Ammi Israel am phang shingvaishi bendaipü bham nelingpü nangkü Shembüpalei nyih kü ammei vepa kü khangei neyaongaokpih.

DANIEL 5:9

Hanangkü Belshazzar ongpa longi nyemei büpalei dhe nyeinya haiteke. Büpalei chinglong chingvangthüi mehe dükhen ai mah-ei nyu.

DANIEL 5:26

Ha shahthü lappeyü ha khih: Mene: Kahvangi nüngei ongching nyihthü ieteke, hatü dohpütenpü yah-ei peiteke.

ZEKHARIAH 14:1

Veituh, Shembüpalei nyih peikünyüke; am leipü aetpüshepü douthü ammei müki eeshi hanteikahen.

ISAIAH 63:4

Ngelei nanglakthülei bhüh yemhen, ngelei mongei nyüpeih, hatü ngei hathü yanghen dou dükhen vangbong ngoiteke.

JOEL 2:1

Zionlei amit vüngtuh; ngelei daülangpü kahshangei vebaong shemm kaongtuh. Kahmük kü nyupüthü peü kheütuh; mehenangkü Shembüpalei nyih ngoikünyüke; hapa longi yopailei nyüke.