ISAIAH 13:11 - DAÜLANGPÜ LAIHING (BSI)

¹¹ Ngei kahdoknyü kü hapalei mang nangkü, nemeipüthü kü jomei mang nangkü hanghi shuohhen. Ngei changmeipüthülei changmeipü dohtükhen, hatü nebahnevaipüthüi awdapü bhih-ei maantükhen.

ISAIAH 13:11 Referans Kwoze

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

ISAIAH 5:15

Longpü hatü maanpü peü maanpü leihühen, hatü changmeipüthülei mükveinavei nyokei leitükhen.

ISAIAH 26:21

Kahdoknyülei nyupüthü kü jomei mang nangkü hanghi shuohhen shingvaishi Shembüpai büpa nyushing leipü vamei daikünyüke. Kahdoknyüi pinnyü shak kü iy yenpü küpei neaokhen; pinnyüi mahpüchahpüthü joei neaokhen.

ISAIAH 14:21

Chebü chepai pungpü nangkü jomei hühihathü jühen pangtuh; Jom hajük kü kahdoknyü kü vanglem lemhen mü nevamhen, nevaijü jomei chingnyüthüi kahdoknyü kü nejümhen.

ISAIAH 11:4

shejao taopathü kü daülangshemshepai, hatü kahdoknyü kü nehahneyingpüthü kü shahhingi shahphenhen. Büpai büpalei ju kübü nyiamlüngi kahdoknyü kü bheihen, hatü büpalei ju kübü ngüi nemeipüthü jütükhen.

ISAIAH 3:11

Nemeipüthü onyükei! Jom meshük lomoh-ang! Jomi mih kü mehe dükshuoh, hapa jom kao dükshuohhen.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

JOB SHAHSHA APPÜ 40:12

Changmeipüthü peü kü veituh, hatü maanei leihütuh; nemeipüthü jom yaongpü shingei la-i shouptüktuh.

KANDOK 8:13

Shembüpa nyempeyü mang kü jiühitpü; ngei changmeipü, mang lem, hatü shahshem epü jiühitnyeih.

ISAIAH 14:5

Shembüpai nemeipü amei lenshuoh nevaijü lüng bhagtük;

ISAIAH 22:14

Jeiyong Shembüpai ngelei dhaongi danshi hapa shakei vamei eteke: “Am dihen nyih thahshi hapa mang tükei neaokpih” shei Shembüpa, Jeiyong Kahvangi enyüke.

ISAIAH 23:9

Jeiyong Shembüpai changmeipü müknyinshekhang peü maantükhen, hatü kahdoknyü kü men-e shennyakthü veühühen shingvaishi tempeih.

ISAIAH 24:21

Hapa nyih kü Shembüpai shangeipü vangsho nganthü, hatü kahdoknyü leipü ongthü kü hanghi shuohhen.

ISAIAH 25:3

Hanangkü wong kohpü shennyakthüi nüng kü dhüm shuohhen, phai kü netüngpü jatthülei chingnyüthüi nüng kü nyemhen.

ISAIAH 29:5

Shejao nüngei vepathü longi nyujao bhihla keiha leidaihen, hatü hahbhang kei pilanghen. Ngangahük kü nedeihpü hepak kü,

ISAIAH 29:20

Shüveidoideipüthü mahdaihen, mih kü ne-ienelempüthü nyadaihen, hatü üami ten kü veinya, mahtükkemhen.

ISAIAH 65:7

Jomi dükpü mangthü kü ngei shemhen” shei Shembüpai enyüke. Mehenangkü jomi kahshangthülei moila shuohteke, hatü shangtaothülei ngei nang nemei-i epeih. Jomi shelei dükpü doulemthü kü shettü ngei hapa kü nekomi nyokei shemhen.

JEREMIAH 48:29

Moab am changmeipü jung ngei dantepih; jom longi changmeinyüke. Jom longi nebahnevai, mongdangei mih kü naamei deihnyüke.

HABAKKUK 2:4

Changmeipüthü kü veihümao! Jomphongei laang nemeiang, shejao daülangpüthüyü jomphong hinglempai nyuhen.

KANDOK 11:31

Kahdoknyülei daülangpüthüi jomei lat dangjema, Kahvang nenyingpü mangthüi mekei etü hanghi nedanghen.

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

ISAIAH 25:5

bhih kahdok kü vanglük sham keiha ngeü anpa, nüngi vepathülei shamao nüngei phum vangdhümi dohtükpeih, nemeipüthülei keshoao nentükpeih.

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.