ISAIAH 13:10 - DAÜLANGPÜ LAIHING (BSI)

¹⁰ Mehenangkü vangsho lithathüi jomei vangngai nekhangphahen; aongpü vanghenyüao manghdaihen; lennyüi laophülei vangngai neshuohhen.

ISAIAH 13:10 Referans Kwoze

MATHI 24:29

Hathü shangpongpü nyih peihhinüng vanghenyü manghdaihen, hatü lennyüi vangngai neshuohhen; hatü vangsho leipü lithathü vüdaihen, hatü vangsho nganthü jenhen.

MARK 13:24

Shejao hathü nyih kü shangpongpü peihpheikü, “Vanghenyü manghdaihen, hatü lennyüi laophülei vangngai neshuohhen,

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

SHAKEI VAMPÜ 8:12

Alipabü vangsho phongshani büpalei amit vüng, hatü vanghenyü phaihan jem kübü hük kü, lennyü phaihan jem kübü hük kü, hatü lithathü phaihan jem kübü hük kü sheüteke; hanangkü jomei vangngai phaihan jem kübü phaihan hük manghdai; nyihnüng phaihan jem kübü phaihan hük nenya-i leidai hatü yanüngao hapakei nyuteke.

LUK SHAHSHA APPÜ 21:25

“Vanghe, lennyü hatü lithathü kü nyangeihepü nyuhen, hatü kahdoknyülei yungching yungmok ngüngpai jatthü pongnepaüi mongshang nyuhen.

JOEL 3:15

Lennyü vanghe yimdaihen, hatü hajük kü lithathü nenyahen.

ISAIAH 5:30

Yungching yungmok ngeü keiha hapa nyih jomi hapa nangkü ngünghen. Hanei-i kahdokei veijü vangnyak, hatü shanghah mon eehen, phumnyaki vangngaiyao vangnyak leitükhen.

JOEL 2:10

Jom daijü kahdokao jennyüke, hatü vangshothü kheünyüke. Vanghe hatü lennyü manghdainyüke, hatü lithathü hajük kü nenyanyu.

ISAIAH 24:23

Hahepak kü lennyü manghdaihen, vanghenyü nenyahen; mehenangkü Jeiyong Shembüpai Zion Kahshang, hatü haleipü mübüthü shak kü müknyinshekhangshi vanglem lemhen.

ISAIAH 24:21

Hapa nyih kü Shembüpai shangeipü vangsho nganthü, hatü kahdoknyü leipü ongthü kü hanghi shuohhen.

PHONGSHANTHÜ DOU 2:20

Longpü hatü müknyinshekhangpü Shembüpa yiüpü nyih shekü vanghenyü manghdaihen, hatü lennyü-ü iy leidaihen.

JOB SHAHSHA APPÜ 9:7

Büpai ngeükhüam shuohjü vanghenyüao neaongi dohdainyeih, hatü büpai lithathü vangngai nenyahüi dohtüknyeih.

CHONGVENBÜ 12:2

Vanghe vangngai hatü lennyü, hatü lithathü manghdai shekü, phum vang mü leidai shekü,

ISAIAH 47:5

Nenmü uotuh, vangnyakei shütuh, Babylon nelanyü; Am kü hajük kü ongchingthülei onglanyü shei nenyükhen.

ISAIAH 50:3

Ngei phumshangao vangnyaki jümhünyeih, hatü dhoila ashaki jümhen lingnyüpeih.

AMOS 5:20

Shembüpalei nyih-ü vangngai nevai, vangnyaknyukahen. Hapayü ngaiphapü nevai yimyuipü nyih vaikahen.

NAHUM 1:8

Shejao bünghiyang kü yungnyü yungmok laongpü keiha büpai laophülei vepa Nineveh am chemjalak kü mahtükhen, hatü büpai laophülei vepathü vangnyakei changtükhen.

ZEKHARIAH 14:6

Hapa nyih kü, wohongpü nevaijü kaongpüsheüpü meheyao nechongkahen.