ISAIAH 12:4 - DAÜLANGPÜ LAIHING (BSI)

⁴ Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

ISAIAH 12:4 Referans Kwoze

MENVIH KESHO 105:1

Oh Shembüpa kü menvihshuohtuh, büpalei men kü nyüktuh; büpalei douthü jatthü kü nyinghütuh.

1 SHÜPPÜKENGPÜ 29:11

Oh Shembüpa, lupülongpü, ngan, müknyinshekhang, aokpü hatü dhemeilaüma vangsholei hatü kahdoknyülei nyupü kemei nüngei. Oh Shembüpa, ongchingao nüngei, hatü nüngü lemphü shak kü shangjing.

ISAIAH 25:1

Oh Shembüpa, nüngü ngelei Kahvang; Ngei nüng shangei anshihhen, hatü nüngei men longhen; mehenangkü shongei temtükpü küpjanthü nüngi yashanshi dükteke.

JOHAN 17:26

Ngei nüngei men jomphong kü nyinghütepih, hatü ngei ha nyinghühen, shejüang mepa bampai nüngi ngei kü bam, ha bampü jom kü nyuhen, hatü ngei jom kü nyuhen.

JEREMIAH 50:2

Jatthü kü etuh hatü baongtuh, khüamlung haongtuh hatü baongtuh, Ami nejo-i, “Babylon doteke! Bel kahvang veü dangteke, Marduk kahvang mong laaiyei nyüke, pinnyülei lajeithü veüpai hatü nyempai maei nyüke.”

MENVIH KESHO 57:5

Vangshothü shak kü nüng longei aongtuh, Oh Kahvang; nüngei müknyinshekhang kahdok peü shak kü nyuhütuh.

MENVIH KESHO 18:46

Shembüpa yemmü nyüpeih, Ngelei yaongnyü kü vihtuh! Ngelei Yemleipüba Kahvangei men longhütuh.

NEHEMIAH 9:5

Hahepak kü Levi am, Jeshua, Kadmiel, Bani, Hashabneiah, Sherebiah, Hodiah, Shebaniah hatü Pethahiah hathüi, “Yaongtuh hatü nedohneteni Shembüpa, ammei Kahvangei men longtuh. Nüngei müknyinshekhang men moihimantuh, hatü moihiman menvih peü shak kü longei anshihtuh” shei e.

MÜLANGPÜ 33:19

hatü Shembüpai, “Ngei nüng touei ngei meipü peü peih-ei deiphahen, hatü nüng touei ngelei menü, ‘Shembüpa’ shei baonghen, hatü ngei am kü phahjihen hatü shinshanghen.

MÜLANGPÜ 15:2

Shembüpayü ngelei wong hatü ngelei kesho, hatü büpa ngelei yemleipüba nyüke. Büpa ngelei Kahvang hatü ngei büpa men longhen; Ngelei opalei Kahvang, hatü ngei büpa longei anshihhen.

ISAIAH 66:19

Ngei jomphong kü nyangeihepü hük shuohhen, hatü jomphong khongkü hanei yangei nyupüthü Tarshish, Libya, hatü Lydia (lahhan meishi kap-aokpüthü), Tubal hatü Greek hatü ngelei men mangdanpü hatü ngelei müknyinshekhang mang-eepü tailu kahdokthülei ngei jomphong shomhen. Jomphongi ngelei müknyinshekhang jung jatthü kü baonghen.

ISAIAH 33:5

Shembüpayü meshük longpüang! büpa shangei nyüke; büpai Zion shahhingi, hatü daülangshemshepai mahüteke.

ISAIAH 24:15

Hanangkü heong philei Shembüpa kü müknyinshekhang shuohtuh; Shembüpa, Israel Kahvangei men yungching shübaongthüleiyao longtuh.

ISAIAH 12:1

Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

MENVIH KESHO 113:5

Shangei uopü Shembüpa, jenei Kahvang kei üpa nyüpa?

MENVIH KESHO 107:22

Jomi menvih shuohpüjakpü moila shuohhütuh, hatü mongong kesho homei büpalei douthü jung ehütuh.

MENVIH KESHO 97:9

Mehenangkü Shembüpa, nüngü kahdoknyü peü shak kü shaopüba, nüngü kahvangthü peü shak kü longpüba.

MENVIH KESHO 96:3

Jatthü kü büpalei müknyinshekhang jung baongeishuoh; nanglak peü kü büpalei yashanyalepü douthü nyinghütuh.

MENVIH KESHO 73:28

Shejao ngei shingvaishiyü Kahvang yopailei nyupü-üng meipeih; Nüngei douthü peü ehen nangkü ngei Shembüpa Kahvangü ngelei loishing vaihüpeih.

MENVIH KESHO 46:10

Nenmü nyutuh, hatü ngeiyü Kahvang shei nyingtuh! Ngeiyü jatthü khongkü longei anshihhen, ngeiyü kahdoknyü kü longei anshihhen.

MENVIH KESHO 40:5

Oh Shembüpa, ngelei Kahvang, nüngi ham kü thamapü douthü longi dükteke. Nüngi ham shing tempü douthü üpaiyao iehen neaoknyu; Ngei paoh hathü jung enüng shelangmeyü ngei ieaokhen mao ahshi nyeidaiteke.

MENVIH KESHO 34:3

Oh ngei mü Shembüpa longhüshah; hatü jen chemi büpalei men longhüshah.

MENVIH KESHO 22:31

Jomi mangbüh mangpaümpü kahmong nyemha kü büpa daülangshemshepü jung ehen; mehenangkü büpai ha dükteke.

MENVIH KESHO 21:13

Nüng longei aongtuh, Oh Shembüpa, nüngei wong kü hami kesho lokhen, hatü nüngei wonghingan kü vihhen.

MENVIH KESHO 9:11

Zionlei ong uoshingei uopü Shembüpa kü menvih kesho lokeishuoh; büpalei douthü jung jatthü kü baongeishuoh.

1 SHÜPPÜKENGPÜ 16:8

Shembüpa kü menvih shuohtuh, büpalei men kü nyüktuh; Büpai mehe dük ha jatthü kü nyinghütuh.

MENVIH KESHO 148:13

Jomi Shembüpalei men longhütuh; mehenangkü büpalei men monha longei anshihhen; büpalei müknyinshekhang kahdok hatü vangsho shak kü nyüke.

ISAIAH 26:8

Oh Shembüpa, nüngei shahkungnyü lem kü kamei hami nüng omdannyeih; nüngei men hatü nüngei menmeiyü hamei laanghaiyahhüpü.

ISAIAH 42:12

Jomi Shembüpa kü müknyinshekhang shuohhütuh, hatü yungkung kahdokthü kü büpalei menvih baonghütuh.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

MENVIH KESHO 68:5

Hashihhathü kü pa, hatü vaümnyüthü kü khüambakpeyü Kahvang; büpalei daülangpü shingei nyüke.