ISAIAH 12:2 - DAÜLANGPÜ LAIHING (BSI)

² Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

ISAIAH 12:2 Referans Kwoze

MÜLANGPÜ 15:2

Shembüpayü ngelei wong hatü ngelei kesho, hatü büpa ngelei yemleipüba nyüke. Büpa ngelei Kahvang hatü ngei büpa men longhen; Ngelei opalei Kahvang, hatü ngei büpa longei anshihhen.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

MENVIH KESHO 118:14

Shembüpayü ngelei wong, hatü ngelei kesho; büpayü ngei yemleipüba.

SHAKEI VAMPÜ 7:10

Jomphongi ngeüwong anei lenei eteke: “Yemleipeyü ong uoshing kü uopü jenei Kahvang, hatü Mi Chehalei!”

JONAH 2:9

Shejao ngei nüng kü menvih shuohpü mü ngei jakpü moila shuohhen. Ngei mehe lah, ha ngei dükhen. Yemleipeyü SHEMBÜPAleipü peinyeih.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

JEREMIAH 3:23

Hingmei, shangtaolei aongei lebü kahvang khümpeyao sheühpü nedang; kahshangthülei aongpaiyao lueilempü mon. Hingmei, Shembüpa, hamei Kahvang monha Israel amyemleipüba khih.”

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

ROM SHAHSHA APPÜ 1:16

Ngei shahjangmei nangkü veüei nedeihnyih; mehenangkü hinglempüthü peü yemleihen shingvaishi hapayü Kahvangei ngan, shongpüba kü Jehoda am, hatü Greek am shingvaishi.

HOSEA 1:7

Shejao Judah nanglakthü kü ngei bampü huhen, hatü ngei jom yanghen, hatü hayü lah-i, yani, vehoki, koyeithüi nevaijü koyei veshanthüi nevai, shejao Shembüpa, jomei Kahvangi yanghen” shei e.

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

1 SAMUEL 2:1

Hapheikü Hannah-i phopei eteke: “Ngelei Shembüpa kü mongongnyeih; ngelei mong Shembüpa kü shangei anshihnyeih. Ngelei jui vepathü kü naamnyi nyinyüpeih; mehenangkü nüngi yangpü nangkü ngei mongongnyeih.

JOB SHAHSHA APPÜ 13:16

Ngei monglongei hapakei ejüang ngei yemleihen aok, mehenangkü Kahvang nenyingpü üpayao büpa touei nepeinyih.

MENVIH KESHO 112:8

Büpa mehe kao mongshangpü, hatü jü-üpü neshiü; dohpülei büpai vepathü kü neütükpü veihen.

ISAIAH 10:24

Hanangkü Shembüpa Jeiyong Kahvangi, “Oh Zionlei nyupü ngelei nanglakthü, Ijip ami dükpü keiha Assyria ami jomei nyiamlüngi, hatü jomei lenshuoh-i am kü bheiphüshingkü ami jom kü tenyem.

ISAIAH 17:10

Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

ISAIAH 27:5

Hei nevaijema jomi ngei touei loihen peihütuh; jomi ngei mü chingmei nyemling. Hih, jomi ngei mü chingmei nyemlinghah.

ISAIAH 49:5

Shaang Shembüpa, üpai ngei vom mongei nyushi büpa chongphohen, büpa touei Jakob am phang müei leihen, hatü Israel am thailanghen jepa, büpai enyüke. Mehenangkü Shembüpalei müki eeshi ngei kü dhüm shuoh, hatü ngelei Kahvangü ngelei wong nyüpeih.

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 65:18

Shejao ngei mehe lingkahen ha kü ammi mongongtuh hatü mongmeituh; Mehenangkü ngei Jerusalemü mongongbenüng, hatü haleipü shennyakthüyü mongmeibenüng vaishi linghen.

DANIEL 3:28

Nebukadnezzar ongpai, “Shadrakh, Meshakh hatü Abednego hathülei Kahvang men longtuh! Büpai büpalei vangsho phongshan shomei büpa chongphopüthü yangteke! Jomi büpa kü hinglem, hatü jomei Kahvang nevaipheikü, ngelei kahvang chongnephohen hatü nekhümhen shei ngelei shahkungnyü dangkao mangei, jomei yangnyu dihen thahshi lanei shuohteke.

JOEL 2:23

Mongongtuh, Oh Zion nanglakthü, Shembüpa, ammei Kahvang kü mongongtuh. Büpai am kü jiüshangi shongpü vang shomteke, büpai shongpü hatü pheipü vang sheleipü kei changshi shomteke.

HABAKKUK 3:18

shejao ngei Shembüpa kü mongonghen; ngei yemleipü Kahvang kü ngei mongmeihen.

2 SAMUEL 7:24

Hatü nüngi Israel nanglakthü düngei nüng lompü nanglak vaihen shingvaishi lingei tuh, hatü Oh Shembüpa, nüngi jomei Kahvang vaiteke.

MENVIH KESHO 65:6

Nüngei wongi kahshangthü chongnyiam lingei tuh; nüngü wongi maei nyüke.

MENVIH KESHO 68:20

Jenei Kahvangü jen yemleipü Kahvang. Dipü kübü yanghenü Shembüpa, jenei Kahvang leipü peinyeih.

MENVIH KESHO 68:21

Hingmei Kahvangi vepathülei shangjing ngümtükhen; laophülei mang lem kü kampüthülei athen mangtükhen.

MENVIH KESHO 118:21

Nüngi ngei kü jangpü nangkü hatü ngelei yemleipüba vaipü nangkü ngei nüngeimen vihnyeih.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.

ISAIAH 38:20

Shembüpai ngei yanghen, hatü Shembüpalei shemei jenei yangnyu den kemei harp vüngei kesho lokhen.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.