ISAIAH 12:1 - DAÜLANGPÜ LAIHING (BSI)

¹ Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

ISAIAH 12:1 Referans Kwoze

MENVIH KESHO 30:5

Mehenangkü büpa mongshihnyeih, shejao kanja shing mon; büpa bampü yangnyu yangkemei shingvaishi nyüke. Vangnyak kü thepei nyulangmao nepnüng mongongpü peikahen.

ISAIAH 25:1

Oh Shembüpa, nüngü ngelei Kahvang; Ngei nüng shangei anshihhen, hatü nüngei men longhen; mehenangkü shongei temtükpü küpjanthü nüngi yashanshi dükteke.

ISAIAH 54:8

Ahshi mongshihpü nangkü kansho hük shing ngei ngelei dhe am toueipü jodaipeih, shejao nedohnetenpü bampai ngei am kü shinshanghen shei am yangpü Shembüpai enyüke.

ZEKHARIAH 14:9

Hapa nyih, kahdoknyü peü kü Shembüpa mon ong vaihen; Shembüpa hük mon nyuhen, hatü büpalei men mon chongkahen.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

ISAIAH 51:3

Mehenangkü Shembüpai Zion nyiushem meihühen, hatü lavüngtoiyei tuhphongpü shingthü kü phahjiei veihen; Büpai jahpan kemei Eden pemong keiha, hatü bhih kahdok kemei Shembüpalei pemong keiha leihühen; Mongongmongle, menvih shuohpü, hatü kesho lokpü ngeü pinnyü kü eehen.

ISAIAH 35:10

Hatü Shembüpai angei leipüthü halei nyokei leihen, hatü Zionlei kesho lokyaki leikahen, Nedohnetenpü mongong jomei shangjing kü thenshi nyuhen, jomi mongong monglepü mon danghen, mongmang mongyim thenshang mongtüng peü jom toueipü nyaidaihen.

ISAIAH 14:3

Mechem Shembüpai amphong kü tüngpüaipü, shangpong yakying hatü douwong dükpü kübü nyiumei shuohhenshang,

ISAIAH 49:13

Mongongpai kesho loktuh, Oh vangshothü mongongtuh, Oh kahdoknyü, kesho lokei bhaotuh, Oh kahshangthü! Mehenangkü Shembüpai laophülei nanglakthü nyiushem meihüteke, hatü büpalei hanghipü nanglakthü kü phahji yahyang huhen.

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

ROM SHAHSHA APPÜ 11:15

Jom yaktükpai kahdoknyü mongjemhüpü vaijema, jom yahpeyü dipü kübü yangnyuyem nyuhen.

ZEKHARIAH 14:20

Hapa nyih kü koyeithü kü yükpü lüngha kü, “Shembüpayü Daülangshemshepü” shei nyanghen. Shembüpalei shem kü nükhihao cheüpü dükhi-üm peü moidü toueipü nükshung pati kei daülangi nyuhen.

HOSEA 11:8

“Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

ISAIAH 66:13

Nyü hüki laophülei hapeü nyiumeihüpü keiha, ngei Jerusalemei am nyiumeihühen.

ISAIAH 26:1

Hapa nyih Judah kahdokei hapa kesho lokhen: Jenei chingnyü wong kohshi nyüke; Kahvangi aokpü dangpeyü bham shaungpükei, hatü kahdok shaopülei lingei nyüke.

ISAIAH 11:16

Israel am Ijip leipü leishingkü lemnyüshong nyupü keiha, Israel am Assyria leipü aoei leipüthü shingvaishi lemnyüshong vamkahen.

ISAIAH 10:25

Mehenangkü hepak kanja pheikü ngelei mongshih dohdaihen, hatü jom mahtükhen shingvaishi ngelei mongshih jom philei lephen.

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

ISAIAH 10:4

Amphong wüpküpei deihen, nevaijü vehok kü mahkemhen. Hapaiyao büpa mongshihpü nemeinyu, shaang thahshi büpalei lak noshi nyüke.

JOB SHAHSHA APPÜ 13:16

Ngei monglongei hapakei ejüang ngei yemleihen aok, mehenangkü Kahvang nenyingpü üpayao büpa touei nepeinyih.

MENVIH KESHO 9:1

Ngelei mong kempai ngei Shembüpa kü menvih shuohhen; Ngei nüngei thamapü douthü jung ehen.

MENVIH KESHO 71:21

Nüngi ngei she leipü mao dhüm kohpüba leihühen, hatü shao ngei nyiushem meihühen.

ISAIAH 54:7

Shohük shingvaishi ngei am tuhphongpeih, shejao phahji yahyang longpai ngei am müei leihen.

ISAIAH 54:9

Noahlei nyih kü ngei kahdoknyü kü hajük kü bünghiyang nelenhüpih shei lahpeih. Hapakei shaang ngei am mü hajük kü mongneshihpih shei lahnyeih. Ngei am kü ne-e-i hanghi neshuohpih.

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 64:5

Mongongshi jiüpü dükpüthü, hatü nüng deih-ei dangpüthü kü nüng peiyei sheühnyüke. Shejao hami mang thahpü nangkü nüng mongshihteke, ham pungpü nangkü nüngei dhe jolangpeih.

ISAIAH 65:18

Shejao ngei mehe lingkahen ha kü ammi mongongtuh hatü mongmeituh; Mehenangkü ngei Jerusalemü mongongbenüng, hatü haleipü shennyakthüyü mongmeibenüng vaishi linghen.

JEREMIAH 30:19

Jom leipü menvihpü kesho vamhen, hatü mongongpü ngeü vamhen. Ngei jomei nanglak bhei-ie nyeinya dahühen, hatü jom maanei neleihen; Ngei jom kü dhüm koei peihen, hatü jom nevüshihhen.

ZEKHARIAH 8:11

“Shejao shaang ngei aoei nyupü nanglakthü kü peihdaipü nyihthü kü kei nenopih” shei Jeiyong Shembüpai enyüke.

ZEKHARIAH 8:19

Jeiyong Shembüpai hapakei enyüke: “Len alipabü, ngapabü, nyetpabü hatü anpabü shüaeiyunglepeyü Judah am shingvaishi mongongbenüng hepak hatü mongongpü mohitap vaikahen. Hanangkü shahhing hatü chingmeivangmei kü bamtuh.”

NEHEMIAH 8:10

Hapheikü Nehemiah-i hathü kü, “Shemei leituh, hatü meipü hahying hahtuh; vüngnyangpü yiü yingtuh. Ammi nükhiyiü neshiüpü am kao hanei shuohtuh. Shinnyih-ü Shembüpa kü daülangpü nyih; hanangkü mongteshang, Shembüpai shuohpü mongongü ammei wong” shei eteke.

JOB SHAHSHA APPÜ 11:16

Mehenangkü nüng shangpongpü bedaihen, hatü yungnyü büng peihdaipü keiha deihkahen.

MENVIH KESHO 85:4

Ham müei leituh, Oh ham yemleipü Kahvang, hatü nüngi ham kü mongshihpü yaktükshih.

MENVIH KESHO 86:17

Nüngi bampü nyangeihepü hushih, shejüang ngei kü jiühitpüthüi ha eetü veühen; mehenangkü Shembüpa, nüngi ngei kü sheüh hatü nyiushem meihüpeih.

ISAIAH 60:10

Kung ami ammei bhamthü lingphahen, hatü jomei ongthüi am chongphohen; Ngei mongshihpai am kü bheiteke, shejao ngei bampai am kü phahji hupeih.

JEREMIAH 31:13

Nela nethe hatü behe peüi mongongpai phaukteihen. Ngei jom theppü mongong leihühen; Ngei jom kü mongmang nangjei nyiushemmei mongong shuohhen.

ZEKHARIAH 1:16

Hanangkü Shembüpai hapakei enyüke: Ngei shinshangei deihpü nangkü Jerusalemei nyokei leitepih, haleingelei phopshem vehen, shei Jeiyong Shembüpai enyüke.