ISAIAH 11:16 - DAÜLANGPÜ LAIHING (BSI)

¹⁶ Israel am Ijip leipü leishingkü lemnyüshong nyupü keiha, Israel am Assyria leipü aoei leipüthü shingvaishi lemnyüshong vamkahen.

ISAIAH 11:16 Referans Kwoze

ISAIAH 19:23

Hapa nyih Ijip kübü Assyria thahshi lemnyüshong nyuhen, hatü Assyria ami Ijiplei hatü Ijip ami Assyrialei lüteihen, hatü Ijip ami Assyria am mü khümhen.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

ISAIAH 62:10

Penyüsha homei daituh, leiküpü nanglakthü shing lem temtuh; Lemnyüshong lingtuh, yaonghipü yaktüktuh, jatthüi nyinghen shangmü khüamlung haongtuh.

ISAIAH 57:14

“Lingtuh, lingtuh, lemnyüshong temtuh! Ngelei nanglakthülei lem kü bangpü peü nüngtüktuh” shei ehen.

ISAIAH 51:10

Yungching chüpü ilangmong jeptükpü, hatü laophüi yanglangpüthü homei daihen shingvaishi ilangmong homei lemnyüshong lingpeyü nüng nevaipü je?

ISAIAH 49:12

Veituh, jomü tailu leipü hanei apsha, hanei pehephi kübü, hatü hanei Aswan kahdok leipü peikahen.

ISAIAH 27:13

hatü hapa nyih amit longpü vünghen. Üamphong Assyria kahdokei mahei nyu, hatü üam Ijiplei wüpküpei nyu, hathüi Shembüpa kü khümhen shingvaishi daülangpü Jerusalem Kahshangei nyokei leikemhen.

ISAIAH 1:9

Shembüpai jen hanei dangkao yangei netuhlangmeyü, jenü Sodom hatü Gomorrah am kei nyuhah shepeih.

ISAIAH 10:20

Nyih hük Israel am aopüthü hatü Jakob am phang yangei nyupüthüi jom mahtükpüthü kü mong nenyanghen, shejao hingmei mü Shembüpa, Israel amei Daülangpü Hük kü mongnyanghen.

ISAIAH 49:11

Ngei kahshangthü kemei lemnyüshong linghen, hatü jom kamteihen lemnyü temhen.

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.

MÜLANGPÜ 14:22

hatü nyonghidah kü yungi bham vaishi shaongtü Israel am kahvan kü yung homei daiteke.