ISAIAH 11:14 - DAÜLANGPÜ LAIHING (BSI)

¹⁴ Jiji yoteitü heshü philei Philistia am kü laongei shükhen; jiji chemi heongphi leipü shennyakthülei mophimo aetlanghen. Jijinyi-i Edom hatü Moab am kü lak shihhen, hatü Ammon ami jijilei shah banghen.

ISAIAH 11:14 Referans Kwoze

JOEL 3:19

Shejao Ijipü shingkong leihen, Edomü bhih kahdok leidaihen; Mehenangkü jomi Judah kahdok hahteke, hatü mang neshiüpü nanglakthü jüteke.

DANIEL 11:41

Büpai nethe meipü kahdokao hahhen, hatü haja haja büpalei lak kü dihen shejao Edom, Moab hatü Ammon kahmük phaihan longshi shing büpalei lak kübü yanghen.

JEREMIAH 49:28

Babylon ongpa Nebukadnezzari hahtükpü Kedar jat hatü Hazor chingnyü nang Shembüpai hapakei enyüke: Layaongtuh, hatü Kedar hahtuh, hatü heong shennyakthü jütüktuh.

ISAIAH 25:10

Shembüpalei lak hapa kahshangei haühen; shejao Moab amü kahcheü ngümshingei hahtang kü ngümpükei ngümtükhen.

AMOS 9:12

Shejüang Edom ami mehe aoei tuh, ha Edom ami yahlanghen, hatü ngelei men kü nyükpü jatthü peü kemei Shembüpai ha douthü dükkahen shei enyüke.

MATHI 8:11

Ngei am kü enyeih, heong heshü kübü longi peikahen hatü vangsho ongching kü Abraham, Isak hatü Jakob mü chemi hahyinghen,

ZEPHANIAH 2:5

Yungkung kü nyupü Oh Philistia am, am onyükei! Am khüei Shembüpalei shah nyüke, Oh Kanan, Philistia kahdok. “Ngei am peü mahtükhen, hatü hükao aoei netuhphongpih.”

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

ISAIAH 59:19

Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü Shembüpalei ngü vanglük keiha peikahen.

ISAIAH 33:1

Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

ISAIAH 16:14

Shejao shaang Shembüpai enyüke: “Bong jem mong aa kü Moab amei müknyinshekhangpü mophimo mahdaihen; nanglak longi nyujao maani mon aoei nyuhen, hatü wong nekoh-i nyuhen.”

BHEI-IE 24:17

Ngei büpa eenyüke, shejao shaang nevai; Ngei büpa kü veinyeih, shejao yopailei nevai. Jakob kübü litha hük vamkahen; Israel kübü lenshuoh hük vamkahen. Büpai Moab amei mübüthü, hatü Shethlei hapeüthü kemei ngümtükhen.

ISAIAH 9:12

Aram am heongphi leipü, hatü Philistia am heshüphi leipü peiyei ju katü Israel am lühtükteke. Hapaiyao büpa mongshihpü nemeinyu; büpalei lak shaang thahshi noshi nyüke.

ISAIAH 14:29

Oh Philistia am, am kü bheipü nyiamlüng tetdaiteke shei am mongte-ong; Biü hük didaijü ha mü nyeishi nemeipü hük vamkahen; hapalei ati kübü shao leü nemeipü biü sheikahen.

ISAIAH 15:1

Moab am nangkü epü shah: Moab kahdok kübü Ar hatü Kir nyi yahük kü mahtükpeih; shejao Moab ami hapa kü meheyao nedükaok.

ISAIAH 63:1

Laophülei ashakviha kü iy hoidaitü Edom hatü Bozrah leipü peiküpü üpaang? Ow meishi owtü laophülei wong kemei mokei peiküpü üpaang? Hapayü Shembüpa ngei, yanghen wong kohpü, büpa aokpü baongei peikünyüke.

JEREMIAH 40:11

Mechem Moab, Ammon, Edom hatü lebü kahmükthü peü kübü Hebrew ami Babylon ongpai Judah kahdokei shennyak aoei tuhpüja, hatü jom kü governor vaihen Ahikamei cheha Gedaliah jepüja shei danpa,

JEREMIAH 48:40

Shembüpai hapakei enyüke: Veituh, ngei alang kei laongei shahen, hatü Moab am khüei ngelei yang paanhen.

JEREMIAH 49:22

Veituh! Vepathü alang keiha yang paantü Bozrah kü laongei shükhen. Hapa nyih kü Bozrah amei veshanthülei mongü nyüha hük hapeü bühshingkü maanpükei maandaihen.

EZEKIEL 25:14

Ngei ngelei nanglak Israel amei lak homei Edom am kü ngei bhüh yemhen, hatü jomphongi Edom am kü ngelei mongshih aimü dükhen; jomi ngei bhüh yempü nyinghen shei Shembüpa Kahvangi enyüke.”

HABAKKUK 1:8

Jomei koyeithüyü shahnyü mao shangshi moknyüke, het aeipü shuw mao mangpüba nyüke. Jomei koyei veshanthü tailu kahdok leipü peinyüke, jomü alang hahying kü laongpükei laongnyüke.

ZEPHANIAH 2:9

Hingmei, ngeiyü vanyangyem Kahvang, Israel amei Kahvang. Hingmei, Moab hatü Ammon amü Sodom hatü Gomorrah kei mahtükhen. Hapa shing kü phenha longei, hüm kahsha leiyei denden yaktükpü shing leitükhen. Ngelei nanglak aopüthüi hapa shing aetlanghen, hatü ngelei jathili-i ha kahdok jomei mükjüp vailanghen.

SHAHPHENBÜTHÜ 6:3

Mechem Israel ami sheili sheijahen, Midian am hatü Amalek am hatü heongphi kübü lebü jatthüi jom khüei hokhen peiteke.

JEREMIAH 49:2

Shejao ngei Ammon leipü Rabbah am khüei vebaong shemm kaonghen hepak ngoikünyüke shei Shembüpai enyüke. Hapayü bentüktü tuhhen, hatü hapa kü ngeihpü shonpü chingthü awi haptükhen. Hahepak kü Israel am changtükpüthü shao jomiyao hathü changtükhen shei Shembüpai enyüke.

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.