ISAIAH 11:13 - DAÜLANGPÜ LAIHING (BSI)

¹³ Ephraim amei mükhüh mongyung mahdaihen, hatü Judah amei meimongnyahmong dohdaihen; Ephraim ami sheyü Judah am kü mük nehühhen, nevaijü Judah ami Ephraim am mü de nesheüteihen.

ISAIAH 11:13 Referans Kwoze

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.

ISAIAH 9:21

Manasseh ami Ephraim am hahhen; Ephraim ami Manasseh am hahhen; jom chemi Judah am khüei yaonghen. Hapaiyao büpa mongshihpü nedoh; büpalei lak shaang thahshi noshi nyüke.

JEREMIAH 33:24

“Hathü nanglaki, ‘Shembüpai jehahpü ongching nyi büpai yaktükteke’ shei epü nüngi nedanangpü je?” Hanangkü jomi ngelei nanglak kü ne-ienelem hatü jat hük kei nedeihnyu.

JEREMIAH 50:4

Hathü nyih kü hatü hapa hepak kü Israel hatü Judah nanglakthü chemi thepyaki Shembüpa, jomei Kahvang yemhen.

EZEKIEL 28:25

Shembüpa Kahvangi hapakei enyüke: “Mechem ngei Israel nanglakthü jatthü touei haidaipü thaiyei leihen, hatü jatthüi eeshi ngelei daülangshemshepü huhenshang, shejüang jomi ngei ngelei chongphopü Jakob kü shuohpü kahdokei chingchingei nyuhen.