ISAIAH 11:11 - DAÜLANGPÜ LAIHING (BSI)

¹¹ Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

ISAIAH 11:11 Referans Kwoze

MIKA 7:12

Assyria kübü Ijip thahshi, Ijip kübü Euphrates thahshi, yungching kübü yungching thahshi, kahshang kübü kahshang thahshi, hapa nyih kü ammei nanglakthü lem peü kübü am touei thaikemkahen.

ROM SHAHSHA APPÜ 11:26

Hapakei Israel am peü yanghen; hapa nyangei nyüke: “Zion kübü Yemleipüba peikahen; büpai Jakob kübü mangthü peü yaktükhen.”

ISAIAH 10:20

Nyih hük Israel am aopüthü hatü Jakob am phang yangei nyupüthüi jom mahtükpüthü kü mong nenyanghen, shejao hingmei mü Shembüpa, Israel amei Daülangpü Hük kü mongnyanghen.

HOSEA 11:11

Jomü Ijip leipü outhü keiha, Assyria leipü athubathü kei kheüei thaikemkahen; hatü ngei jom ngamshing kahdokei chingchinghühen shei Shembüpai enyüke.

ISAIAH 66:19

Ngei jomphong kü nyangeihepü hük shuohhen, hatü jomphong khongkü hanei yangei nyupüthü Tarshish, Libya, hatü Lydia (lahhan meishi kap-aokpüthü), Tubal hatü Greek hatü ngelei men mangdanpü hatü ngelei müknyinshekhang mang-eepü tailu kahdokthülei ngei jomphong shomhen. Jomphongi ngelei müknyinshekhang jung jatthü kü baonghen.

ISAIAH 42:4

Büpai kahdoknyülei shahhing mangling thahshi büpai mongmah-ei, nevaijü mong maanei nenyukahen.

ISAIAH 24:15

Hanangkü heong philei Shembüpa kü müknyinshekhang shuohtuh; Shembüpa, Israel Kahvangei men yungching shübaongthüleiyao longtuh.

ISAIAH 10:9

Kalno amü Karkhemish am neleang je? Hamath amü Arpad am neleang je? Samaria amü Damaska am nelang je?

KAHBHAO 11:2

Jom heong lemei daishingkü jomi Shinarlei kahji hük heü, hatü halei nyu.

KAHBHAO 10:22

Shemei hapeüthü: Elam, Asshur, Arpakhshad, Lud hatü Aram.

KAHBHAO 10:10

Shongpü büpalei ongchong chingü Babylon, Erekh, Akkad hatü Kalneh nyu. Hathüyü Shinar kahdokei nyu.

2 KORINT 3:16

shejao mechem shennyak hük Shembüpa touei lepei leihen, hapa ashak nyuktüknyeih.

ROM SHAHSHA APPÜ 11:15

Jom yaktükpai kahdoknyü mongjemhüpü vaijema, jom yahpeyü dipü kübü yangnyuyem nyuhen.

ZEKHARIAH 9:2

Hamath amao Hadrakh am mü viong baong ching vailangmao, Tyre hatü Sidon am lahhinlangnyaiyei manlangmao Shembüpalei nyüke.

ZEKHARIAH 5:11

Büpai jangei, “Hapa shingvaishi phopshem hük vehen nangkü Shinarlei yah-ei dainyu khih, hatü mechem phopshem temhen, hapa mühdow kü khümhen shingvaishi halei shingnüngei tuhhen” shei ephüteke.

ZEPHANIAH 2:11

Shembüpai jomphong nyemhühen, büpai kahdoknyü kahvangthü kong leihühen; Yungkung kübü chingthü peüha, hatü shübaong kübü jatthü peüha, laophü laophü nyushingei aümei büpa kü khümhen.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.

DANIEL 11:18

Hapheikü yungnah phi kübü jatthü lemei dhe lepei leihen hatü hathü ching longi hahhen. Shejao veshan mübü hüki büpa nebahnevaipü dohtükhühen; hih, büpa nebahnevaipü büpa kü büpai nyokei shuohhen.

DANIEL 8:2

Manghkhang kü ngeiyü Elam ongching kü Susa chingnyülei nyunyeih shei manghteke; ngei Ulai yungyenei hih shei yaongshi manghküteke.

EZEKIEL 30:14

Ngei Pathros lavüngtoiyei tuhhen, hatü Zoan kü ngei aw haphen, hatü ngei Thebes am kü shahphenhen.

EZEKIEL 27:6

Jomi ammei ailüngü Bashan leipü longkhampü yah-ei lingteke, hatü jomi jahas bümü meinyübha mongei shihtü Cyprus leipü awkaongpü yah-ei lingteke.

JEREMIAH 49:23

Damaska nangkü: “Hamath hatü Arpad nyi mongshangnyüke; mehenangkü jomi shahjang ten danei nyüke. Jom mong mahdaitü nyüke, shing nelingpü yung keiha mongshangnyüke.

JEREMIAH 44:1

Ijip kahdok Migdol, Tahpanhes, Memphis hatü Pathroslei nyupü Israel am nangkü Jeremiah touei peipü shah.

JEREMIAH 31:10

Shembüpalei shah bangtuh, Oh jatthü; hapayü tailu yungkung kahdok thahshi baongtuh; “Üpai Israel am haitük, büpai jom thailanghen, hatü mi yombüi keiha büpai laophülei mi yomhen.

JEREMIAH 25:25

Zimri, Elam hatü Media amei ongthü peü;

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

ISAIAH 42:12

Jomi Shembüpa kü müknyinshekhang shuohhütuh, hatü yungkung kahdokthü kü büpalei menvih baonghütuh.

ISAIAH 42:10

Shembüpa kü kesho ja hük lokeishuoh, kahdoknyü dohpü jung ngoishi büpa menvihpü loktuh! Yungchingi ngeü antuh, hatü haleipü yemhamakhathüi, yungkung kahdokthüi hatü halei nyupüthüi menvih kesho loktuh.

ISAIAH 11:16

Israel am Ijip leipü leishingkü lemnyüshong nyupü keiha, Israel am Assyria leipü aoei leipüthü shingvaishi lemnyüshong vamkahen.

MENVIH KESHO 68:22

“Ngei hathü Bashan leipü müei leihen. Ngei jomphong yungching ilangmong leipü müei leihen” shei Shembüpai enyüke.

KAHBHAO 14:1

Shinar am Amraphel ongpa, Ellasar am Ariokh ongpa, Elam am Kedorlaomer ongpa, hatü Goiim am Tidal ongpa hathülei nyih kü jomi,

ESTHER 10:1

Xerxes ongpai büpalei kahmük hatü yungching yungkung kahdokthü thahshi bom thaiteke.

ISAIAH 1:9

Shembüpai jen hanei dangkao yangei netuhlangmeyü, jenü Sodom hatü Gomorrah am kei nyuhah shepeih.

ISAIAH 19:21

Hanangkü Shembüpa laophü nyingi Ijip am kü nyinghühen, hatü Ijip ami hapa nyih Shembüpa nyinghen, hatü jomi büpa kü jakpü moila, lebü moila shuoh-ei Shembüpa kü vangeishuwei hathü dükei büpa kü khümhen.

ISAIAH 19:22

Shembüpai Ijip am kü cham peihüei tok shuohhen; büpai jom kü tok shuohhen hatü meitükhühen. Jomi Shembüpa touei lepei leihen, hatü jomi phoppü büpai danhen hatü jom meihühen.

ISAIAH 37:31

Aoei nyupü Judah am phang tünglang yiühen hatü shang philei betjük jükhen;

EZEKIEL 29:14

Ngei jom wüpküp leipü müei leihen, hatü chebü chepa amei kahdok Pathroslei nyuhühen. Hapayü wong nekohpü ongching vaihen.

EZEKIEL 32:24

Elam am hatü jomei veshanthü mahngchong shinei nyüke. Jom peü yani mahtükteke. Yemmü nyupü kahdokei üami nyemhihan yanhü, jom peü nejaptüki kahshalei shüdaiteke. Kahshalei shüdaipüthü mü jomi jomei veü konyüke.

EZEKIEL 38:8

Nyih longi angtü shoumpü bongthü kü vehok shingvaishi temei tuhpü kahdok mü hokhen. Haleipü shennyakthüyü bong luangi lavüngtoiyei tuhpü Israel kahshangthü kü jat longi kübü peiyei nyupeih. Jomü jat longi kübü peiyei nyupeih, hatü jom peü shaangü chingmei nyiushemmei kü nyunyüpeih.

DANIEL 1:2

Shembüpai Judah ongpa Jehoiakim büpalei lak kü shuoh, hatü Kahvangei Phopshem leipü douhinangthüao shuohteke. Büpai hathü koei Babylonei leiyei büpalei kahvang khümshem dou tuhshingei tuhteke.

KAHBHAO 2:13

Nyipabü yungyenü Gihon; hapai Kush kahdok shinei yennyüke.

SHAHKÜP 9:29

Shejao hathüyü nüngi nüng lompü vaihen shingvaishi jelangpü nanglakthü hatü nüngei laklu wong longpai Ijip leipü nüngi mülangpü nanglakthü khih.”

2 ONGPATHÜ 17:24

Assyria ongpai Babylon, Kuthah, Avva, Hamath hatü Sepharvaim kübü shennyakthü müei deiyei Israel am kü jeiyei uophongteke. Jomi Samaria chingthü kaamei yahtü halei nyu.

ISAIAH 21:2

Vongshüh peihen manghkhang hük ngei kü huteke, hapayü lueilemhen hatü mangtükhen nang nyuteke. Elam veshanthü, ching hahtuh! Media veshanthü, ching shümtuh! Babylon ami shuohpü hanghi ngei dohtükhühen.

ISAIAH 22:6

Elam ami lahhan tuw shihtü koyei kharithü hatü koyeithü müei peiteke, hatü Kir ami inyüshung temei peiteke.

ISAIAH 49:12

Veituh, jomü tailu leipü hanei apsha, hanei pehephi kübü, hatü hanei Aswan kahdok leipü peikahen.

HOSEA 11:10

Jomphong Shembüpa phei mühen, büpai mailang keiha ngünghen. Mechem büpa ngünghenshang, büpalei hapeüthü heshüphi kübü kheüei peikahen.

ZEKHARIAH 8:7

Jeiyong Shembüpai hapakei enyüke: Ngei ngelei nanglakthü heong heshü kahmükthü peü kübü yanglanghen;