ISAIAH 11:10 - DAÜLANGPÜ LAIHING (BSI)

¹⁰ Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

ISAIAH 11:10 Referans Kwoze

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

ISAIAH 11:1

Jesse pütüng kübü pünien hük vamkahen, hatü büpalei tünglang kübü Pükao hük vamei betjük jükkahen.

JOHAN 12:32

Mechem ngei hapa kahdoknyü kübü shangei anlanghen, ngei laophü touei nanglak peü yahlanghen” shei e.

MATHI 12:21

Büpalei men kü jatthüi monglempü nyuhen.”

MATHI 8:11

Ngei am kü enyeih, heong heshü kübü longi peikahen hatü vangsho ongching kü Abraham, Isak hatü Jakob mü chemi hahyinghen,

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”

HAGGAI 2:9

Shembüpai, “Phopshem chang meyü ja-üng meipüba nyuhen, hatü hapa shing kü ngei nanglakthü kü dapüshepü, chingmeivangmei shuohhen” shei enyüke.

ISAIAH 49:22

Jeiyong Shembüpai hapakei enyüke: “Veituh, ngei lomi jatthü kü ngelei lak nohen, hatü shennyakthü kü ngelei shahvüng shuohhen; Jomi ammei yeshangthü lakei paümtü, hatü ammei yiükhathü bhagchongei pohtü leikahen.

MENVIH KESHO 91:1

Am üami Jaipüba kü loishi nyunya, üami Jeiyong Kahvangei vangdhüm phangkü nyunya,

ISAIAH 60:3

Ammei vangngai touei jatthü peikahen, hatü ammei vangngai eeyei ongthü thaikahen.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

HEBREW 4:1

Hanangkü büpalei nyiushemmei touei shühen lahpü shaang thahshi nyupü nangkü am üpaiyao hapa nethah-i nenyuhen shingvaishi jen kenhingshah.

PHONGSHANTHÜ DOU 28:28

Hanangkü am kü ha nyinghünyeih, Kahvangei yemleipeyü Kung am touei shompü khih; jomi ha bangkahen.

ISAIAH 66:19

Ngei jomphong kü nyangeihepü hük shuohhen, hatü jomphong khongkü hanei yangei nyupüthü Tarshish, Libya, hatü Lydia (lahhan meishi kap-aokpüthü), Tubal hatü Greek hatü ngelei men mangdanpü hatü ngelei müknyinshekhang mang-eepü tailu kahdokthülei ngei jomphong shomhen. Jomphongi ngelei müknyinshekhang jung jatthü kü baonghen.

ISAIAH 60:5

Ammi ha eetü mongonghen; ammei mong kü mongongpai mahen; Mehenangkü yungching homei mopnyümopha am touei leikahen, jatthülei mophimo am touei leikahen.

ISAIAH 59:19

Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü Shembüpalei ngü vanglük keiha peikahen.

ISAIAH 28:12

Büpai hathü kü, “Hapayü nyiumeihen shing, nyiupüthü nyiumeihütuh; hatü hapayü nyiumeishing, shejao jomi ha nebangnyu.”

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

MENVIH KESHO 149:5

Hinglempüthüi müknyinshekhang kü mongongtuh; hatü vangnyak jomei shinshingei mongongpai kesho loktuh.

MENVIH KESHO 116:7

Leptuh, ngelei laangha, nüng nyiushemmei kü nyukei; mehenangkü Shembüpai nüng kü meishi dükteke.

MENVIH KESHO 91:4

Büpalei yangkaoki nüng unglanghen, büpa jungpai nüng yanglanghen; büpa shahhing epeyü nüngei inyüshung hatü penyüsha.

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

ISAIAH 14:3

Mechem Shembüpai amphong kü tüngpüaipü, shangpong yakying hatü douwong dükpü kübü nyiumei shuohhenshang,

SHAKEI VAMPÜ 5:5

Hahepak kü behethü khongkü hüki ngei kü, “Nüng tethep. Veituh, hapa laidü ap-aokhen hatü füoshang nyet mangtükhen Judah jat amei Mailang, Davidei tünglangi aokpü dangteke” shei eteke.

BHEI-IE 10:33

Hanangkü jomi Shembüpalei daülangpü Sinai Kahshang kübü layaongei nyih jem thahshi dai. Jom metouei yaongei baümtap vehen, shing yemhen shingvaishi Shembüpalei Vangpüshuwpü Pela jom shekü daiteke.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.

ISAIAH 62:10

Penyüsha homei daituh, leiküpü nanglakthü shing lem temtuh; Lemnyüshong lingtuh, yaonghipü yaktüktuh, jatthüi nyinghen shangmü khüamlung haongtuh.

ZEKHARIAH 6:13

Shembüpalei phopshem lingei leihenü büpa chongkahen, hatü büpa leipü vihpülüpü danghen, hatü büpa ong uoshing kü uotü vanglem lemkahen. Büpalei ong uoshing mü khangei ngongpa hük uohen, hatü jiji aa kü chingmeivangmei kü chemi dou dükhen,

1 SHÜPPÜKENGPÜ 2:12

Boaz-ü Obedei chepa, Obed-ü Jesselei chepa.

MENVIH KESHO 145:11

Jomi nüngei ongching müknyinshekhangpü jung, hatü nüngei ngan jung ehen,

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

ISAIAH 2:3

Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.

ISAIAH 42:4

Büpai kahdoknyülei shahhing mangling thahshi büpai mongmah-ei, nevaijü mong maanei nenyukahen.