ISAIAH 11:1 - DAÜLANGPÜ LAIHING (BSI)

¹ Jesse pütüng kübü pünien hük vamkahen, hatü büpalei tünglang kübü Pükao hük vamei betjük jükkahen.

ISAIAH 11:1 Referans Kwoze

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”

ZEKHARIAH 6:12

Jeiyong Shembüpai hapakei enyüke shei büpa kü eyeishuoh: “Halei shennyak hük nyüke hatü büpalei menü Pükao, hatü büpai büpa nyushing kübü kao hük phaakei vamhühen hatü Shembüpalei Phopshem vehen.”

SHAKEI VAMPÜ 5:5

Hahepak kü behethü khongkü hüki ngei kü, “Nüng tethep. Veituh, hapa laidü ap-aokhen hatü füoshang nyet mangtükhen Judah jat amei Mailang, Davidei tünglangi aokpü dangteke” shei eteke.

ZEKHARIAH 3:8

“Shaang bangtuh, Oh Joshua ngongchong, hatü nüng touei uoshi nyupü nüngei küphüthü, amphongü ngoikahen dou nang nyangeihepü nyüke: Ngei chongphobü, üpa kü Kao shei nyüknya, shakei ngaiphahen.

JEREMIAH 33:15

Hathü nyih kü hatü hapa hepak kü ngei Davidei hühiha kübü daülangpü Pükao hük vamhühen hatü büpai kahmük kü shahhing hatü daülangshemshepü dükhen.

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

ROM SHAHSHA APPÜ 15:12

hatü shao Isaiah-i enyüke: “Jesselei tünglang hük peikahen; Kung am kü vanglem lemhen hük vamkahen; büpa kü Kung ami monglemhen.”

ISAIAH 4:2

Hapa nyih kü Shembüpalei pükao nethe meishi hatü müknyinshi nyuhen, hatü kahdok kü vampü betjükü Israel am aopüthülei mongong hatü müknyinshekhang nyuhen.

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

1 SAMUEL 17:58

Sauli büpa kü, “Themei, nüngü üpalei hapeüang?” shei phe. Davidi, “Ngeiyü nüng chongphobü Bethlehem am Jesselei hapeü hih” shei e.

RUTH 4:17

Chingyow yüpi kübü nyühathüi naü kü men hük, “Naomi kü naü hük angjateke” shei menteke. Jomphongi büpa kü Obed shei men. Büpayü Davidei chepa Jesselei pa nyuteke.

MATHI 1:1

Hapayü Abrahamei cheha David, Davidei cheha Jisu Khristalei bülem jung nyangpü.

HEBREW 7:14

Mehenangkü jenei Shembüpayü Judah jat kübü pei, hatü ha jat nangkü Mosai ngongpathü nang meheyao eyei neshiü.

2 SAMUEL 23:3

Israel Kahvangi eteke; Israel amei Yaongnyüi ngei kü eteke: Kahvang nyemshi üpai ngelei nanglak kü shahhing kü vanglem lemnya,

ISAIAH 6:13

Phaihan an kü hük hapa kahdokei nyujao, hapayü shao lavüngtoiyei leihen, shejao büpayü longkhampü agtükjao pütüng kahdokei aopükei nyuhen. Kahdokei pütüng aopeyü daülangpü li vaihen” shei eteke.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

EZEKIEL 37:25

Ngei ngelei chongphobü Jakob kü shuohpü kahdok, chebü chepa am nyuhampü kahdokei jom nyuhen. Jom hatü jomei hühihathü halei den kü nyuhen, hatü ngelei chongphobü David keipü ong hüki jom kü den kü ong vaihen.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

1 SHÜPPÜKENGPÜ 2:12

Boaz-ü Obedei chepa, Obed-ü Jesselei chepa.

MENVIH KESHO 145:11

Jomi nüngei ongching müknyinshekhangpü jung, hatü nüngei ngan jung ehen,

EZEKIEL 17:22

Shembüpa Kahvangi hapakei enyüke: Ngei cedar pü moungjaang leipü nien yah-ei sheihen. Ngei pükao ja phaakpü leipü nien yah-ei shaopü kahshang shangtaolei sheihen.