ISAIAH 10:6 - DAÜLANGPÜ LAIHING (BSI)

⁶ Kahvang nenyingpü jat hük khüei ngei büpa shomnyeih, ngei mongshihpü nanglak khüei jomei mophimo aetei leihen, hatü chingshong leipü nyaühut kü kei nyeütükhen ngei büpa shomnyeih.

ISAIAH 10:6 Referans Kwoze

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

ZEKHARIAH 10:5

Jomphongü vehok kü hampathü kei nyuhen. Chingyangshong nyaühut kü vepathü nyeütükhen; jomi hokei koyei veshanthü neütükhen; Mehenangkü Shembüpa jom mü nyüke, hatü jomi koyei kü uopüthü veühühen.

JEREMIAH 34:22

Ngei ngeükhüam shuohhen, hatü ngei hathü hapa chingnyülei müei leihen shei Shembüpai enyüke. Jomi ha khüei hokhen, kaamei yahhen hatü awi haptükhen. Üpaiyao nenyuaokhen mü ngei Judah jilathü lavüngtoiyei tuhphonghen.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

ISAIAH 19:17

hatü Judah kahdokü jom shingvaishi nyembenüng leidaihen; Jeiyong Shembüpai jom khüei dükhen küpjan nyupü nangkü, Judah am jung shei-üng hanei kü ejajü nyemdaihen.

MATHI 15:7

Amphong akhümmongümthü! Isaiah-i am nang jiüshi tetteke:

MIKA 7:10

Hahepak kü ngelei vepai ha eehen, hatü ngei kü, “Shembüpa, nüngei Kahvang melei nyüpa shei epüthü veüpai dhe kü jümlanghen. Ngelei müki lekei pinnyü lomohpü eehen, hatü shaangao pinnyü-ü lemnyüvang kübü nyaühut kü nyeüpükei nyeütükhen.

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

JEREMIAH 3:10

Shejao hathü peü dükphei kao shahshem epü Judah-i pinnyülei mong kempai ngei touei mong lepei nelei, shejao meni mon ngei touei mong leppükei hupeih shei Shembüpai enyüke.

ISAIAH 63:6

Ngei mongshih-ei jatthü peü shouptükpeih, ngei mongmangei jom peü ngümtükpeih, hatü jomei iy kahdokei yenhüpeih” shei Shembüpai enyüke.

ISAIAH 63:3

“Ngei mongshih wong kempai, hatü ngei mongmangei yiü bhitnüng nyalingngupai kü nyeüpükei, hatü shouppü keiha ngei jatthü kü nyeüpeih, hatü üpaiyao ngei kü nesheühpha-angpih; Jomei iy phaatei ngelei owhiai, hatü ngelei bhagthuh kü lüppü khih.

ISAIAH 41:25

Pehephi leipü hük ngei vamhüpeih, hatü büpa pei; büpayü heongphi leipü men homei nyükpeih. Büpai vanglem lembüthüyü shemshak kü shihtü shütükhen; dük shükbüi ashem kü nyeüpükei nyeütükhen.

ISAIAH 33:14

Zion leipü mang shennyakthüi nyemnyüke, Kahvang nenyingpüthü kü nyempüvüngpü peiteke. “Jenphong khongkü üpai laiyeilungei hahpü aw kü nyuaokhen? Nedoh-i bahshi nyupü aw kü jenphong khongkü üpanyuaokhen?”

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

ISAIAH 22:5

Manghkhang Kahjilei shangponghen, vepai neühahhen hatü nyemhen nyih hük Shembüpa, Jeiyong Kahvangei lakei nyüke. Chingnyü bhamthü laamtükhen, hatü kahshangthülei sheühpü yiüei lenhen.

ISAIAH 9:19

Jeiyong Shembüpa mongshihpai kahdok hahtük, hatü nanglakthü awbhaong kübü pü kei leitük; üpaiyao haleipü neyangaokpih.

ISAIAH 5:29

Jomei ngeü mailang keiha, mailang cheha keiha jomi ngeü annyüke; jomi ngüngtü yemhathü yepnyüke, üpaiyao neyangaokhen mü jomi yah-ei lüdainyüke.

2 SAMUEL 22:43

Ngei jomü kübhih leishi nihtük; Ngei jomü chingshong leipü nyaühut kei nyeüei shuoptük.

ISAIAH 5:5

Ngelei nyalingngupai kah kü ngei mehe dükhen ha ngei nüng kü ephüshah: Hapa kü showpü hühpe ngei bentükhen, hatü hapa mangtükhen; Ngei hapa kü showpü bham laamtükhen, hatü hapa kü la-i shuoptükhen.

ISAIAH 5:25

Hanangkü Shembüpa mongshihpü laophülei nanglak khüei nyüke; büpalei lak noei büpai jom kü üpnyüke; kahshangthü jennyüke, hatü mahngthüyü chingshong leipü nyüphinya keiha nyüke.

ISAIAH 7:17

Shembüpai nüng hatü nüngei nanglakthü hatü ongsha ongshem kemei kü Israel am Judah kübü yanhinüng chemao mangpeipü shanghah koei peikahen– büpai Assyria ongpa müei peikahen” shei e.

ISAIAH 8:8

hapai Judah kü nyüpmaohangküei maoei shanhen, hatü üng thahshi longhen, hatü hapalei yang paanpai kahdokba kemei jümlanghen, Oh Immanuel.

ISAIAH 24:5

Nanglakthüi ha kahdok sheihtükteke; jomphongi shahkungthü nebang, vanglemthü pungei nedohnetenpü vangpüshuwpü mangtükteke.

ISAIAH 32:6

Mehenangkü ngapa hüki ngashah enyeih, büpalei mongü ten mü nekongi nyunyeih. Büpai Kahvangi nelümpü dou düknyeih, hatü Shembüpa khüei ten enyeih; aeipüthü kü hahhen neshuohnyih, hatü yung lepüthü kü yung neshuohnyih.

ISAIAH 33:1

Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

ISAIAH 49:17

Am ja leiyei linghenthü peikünyüke, am lavüngtoiyei leitükpüthü am tuhtü lüdainyüke.

ISAIAH 49:25

Shejao Shembüpai hapa enyüke: “Hih, hampalei lakmong leipü khoklatei küppüthü ngailanghen aokhen, hatü ongpa hükei lak leipü dounyüao aetei aokhen. Am mü depüthü mü ngei dehen, hatü ammei hapeüthü ngei yanghen.

EZEKIEL 29:20

Ngei nangkü büpa hatü büpalei veshanthüi kheyei dükpü nangkü ngei büpa kü laklei vaishi Ijip am shuohhen shei Shembüpa Kahvangi enyüke.”

EZEKIEL 38:12

hatü chem hepak kü lavüngtoiyei nyuhampü chingnyüthü leipü shennyakthülei mophimo aetei yahhen. Jomphongü jatthü leipü thaiteke, hatü shaang jomü yemhimak hatü mophimo longi nyüke hatü jomü lembaong ching kü chingnyüke.

EZEKIEL 38:13

Sheba hatü Dedan nanglakthüi hatü Tarshish am bhei leihpüthü hatü jomei vehokbüthüi nüng kü, “Nüng hatouei aeteishehen, nüng hatü nüngei veshanthüi gühhenkaaihen, hon hi ngin, yemhimak hatü dounyünangba aetei daihen peiküpü je?” shei ehen.

HABAKKUK 1:12

Nüngü aivang den mebü nevaipü je? Oh Shembüpa, ngelei Kahvang, ngelei Daülangpüba. Nüng nedidaihen. Oh Shembüpa, hamei shahphenhen nüngi jom jeteke, hatü nüng, Oh Yaongnyü, ham kü hanghi shuohhühen shingvaishi nüngi jom wong kohhüteke.

2 ONGPATHÜ 18:25

Nyeinya vaishi SHEMBÜPAleipü shah neshiüpü kü ngei ching hahhen hatü mangtükhen shei peipü je? Shembüpa, büpai-üng aongei ngei kü hapa kahmük khüei yaonghen, hatü mahtükhen ephopeih” shei e.

ISAIAH 8:4

Hapa naüi, ‘Onyü’ nevaijü ‘Opa’ shei nyükhen nyingshekü Damaska amei mophimo hatü Samaria amei dounyünangba kemei Assyria ongpai koei lüdaihen” shei eteke.